LAILATUL QAD’R

LAILATUL QAD’R ********************* Pagariya akn dinga phakalpasa gya gawweee a s"s'laan a pkhababayaan o ALLAH.'Sacrifice ingka so oras ka turog ka'osarangka so bagr ka so oras'o khaparu na igaka sa masjed ka myasiguradungka so lailatul qadr'dinga phakalaa so turogka'busy angka so oras ka ko manga amal'lagid o dua sunnat qur an tasbihat. . Pitharo o Allah: ﻟﻴﻠﺔ ﺍﻟﻘﺪﺭ ﺧﻴﺮ ﻣﻦ ﺃﻟﻒ ﺷﻬﺮ Maana: So Lailatul Qad’r na mapiya adiso sanggibo a olan-olan. . Pitharo o Nabi ﺻﻠﻰ ﺍﻟﻠﻪ ﻋﻠﻴﻪ ﻭ ﺳﻠﻢ ﻣﻦ ﻗﺎﻡ ﻟﻴﻠﺔ ﺍﻟﻘﺪﺭ ﺇﻳﻤﺎﻧﺎ ﻭﺍﺣﺘﺴﺎﺑﺎ ﻏﻔﺮ ﻟﻪ ﻣﺎ ﺗﻘﺪﻡ ﻣﻦ ﺫﻧﺒﻪ Maana: Sa tao a itindug iyan so Lailatul Qad’r sa paratiyaya niyan nago arap-arap iyan ko balas o Allah na ipurilaon so miya ona dosa niyan. ============================== ====================== . So Simba ko Allah sii ko lailatul qad’r na goso pithebarangan a amal a mapiya na taralubi adiso amal ko tundayo sanggibo a olan-olan (1,000mos, / more than 84yrs). #Ibarat: Gominirao ka ASTAGFEROLLA na lagid kabo miyag Istegfar inipoon ko kinimbawataan ruka na tamandun ko kirampay o idad ka sa 84yrs. * So mga malaikat na puthoron siran sa Donya a pudiran so Jibreel (a.s.). So mga malaikat na tonganay siran a madakuli bilangan ka mas madakul sirampun adiso maroni a mga ator ko liyawao lupa, na rakusa pag Ameen siran ko mga duwaa tano ko lailatul qad’r. * So mga Okoran (okoran a mapiya / okoran a marata). Aduna yearly a okoran nago adun a daily a okoran na aya kakha-alin o omani okoran na makasabap sa kanduwaa. #Ibarat: Ana misosorat a okoran ka a marata ko phakatalingoma a ragon, oriyan iyan na minduwaa ka sa ikhlas ko Allah sa baloyen iyan so kaphagintaongka kapipiya ginawa nago ilidas ka niyan ko mga kamoralaan (sii ko lailatul qad’r) na khapakay agiyangkotowa okoran ka a marata a misosorat a mapunggolawlangka ko phakatalingoma a ragon na pakadaan o Allah na rakusa sambian iyan ruka sa kapipiya ginawa. * So mga Malaikat na pulalakawan iran so mga oripuno Allah a misosorat so okoran iran sa kaphatay iran ko kapapantagan a ragon na pu- condolences iran. Nago pu-congrat niran so miyamagamal sa mga pipiya agoso miyamaka maradika ko Naraka Jahannam. * So isa ka oras ko Lailatul Qad’r na aya timbang iyan na walo ragon. So isa ka minutes ko Lailatul Qad’r na aya timbang iyan na lima polo gawii. * So kadunan tano a masalinggagao na pulukaan iyan rukutano so pinto o limo iyan na goso mga pinto o langit na goso mga pinto o Sorga na rakusa puthawagun tano niyan na manguni tanoron nago thaobat tanoron sa ditano pakalupasun so pinaka mapiya a gawii sa kapaka pagamal tanoron. . Pakalubin tano adiso mga torog tano, mga celfon tano, mga TV tano, mga galubuk tano, etc., sabap sa ditano katawa owadumpun a zagad rukutano pharoman a Lailatul Qad’r?! * Pakandakulun tano so mga Sambayang tano, Sadaqah, Duwaa, Kabatiya sa Qur’an, Dhi’kr, etc.. * So dikhaparo manambayang sa Masjed sa Tahajud na apiya ayabo a miya apas iyan na dowa ka raka’ah Tahajud ko oman gawii sa walay niyan, ipoon ko ika 20 taman ko kapasad o Ramadhan. Samanoto na o kapantagi so dowa ka rak’ah tahajud ka ko lailatul qad’r na lagid kabo o mitahajud ko miyaka 84yrs. Ika dowa na apiya ayabo a miya apas ka ko oman kagagawii na mabatiya aka so Qul howallaho Ahad sa makatlo taman ko kapos iyan na lagid kabo o miya batiya so Qur’an sa kompleto ko miyaka 84yrs. Ika tlo na o maapas ka oman kagagawii na maka sadka ka sa apiya salad bo a Riyal odi na Sawati a Pesos ko oman gawii na maladunoto e kipantag a tanto. . Aya iportante na so kapag Ikhlas ko Allah ko apiya antonaa simba, pamangunin tano ko Allah a makapagamal tano sa madakula mapiya ko lailatul qad’r na rakusa pakambarakatun rukutano o Allah. . ﻭ ﺻﻞ ﺍﻟﻠﻪ ﻭ ﺳﻠﻢ ﻋﻠﻰ ﻧﺒﻴﻨﺎ ﻣﺤﻤﺪ ﻭ ﻋﻠﻰ ﺁﻟﻪ ﻭ ﺻﺤﺒﻪ ﺃﺟﻤﻴﻦ