SO SHAICK IBRAHIM AL-AD’HAM A GOSO MAMA A KHABAYAAN IYAN MONOT SO NAFSO HAWA IYAN.

SO SHAICK IBRAHIM AL-AD’HAM A GOSO MAMA A KHABAYAAN IYAN MONOT SO NAFSO HAWA IYAN. ============================== ==================== . Miyaka isa Alongan na ana sakatao a mama a miyaka talingoma ko Ibrahim Al-Adham (rahimahollah), aduna miyaphanon iyanon awida akal iyan a iphanguni niyanon sa Moshawir. . Pitharo o Mama: hay Shaick, mataanduna puzogoon ako o ginawako ko kambaradosa, na Moshawiri akongka. . Pitharo o Ibrahim Al-Adham: Igera siyogo ka o ginawangka sa kambaradosa na onotingka sa mbaradosa kadun, ogaid na aduna saratiyan a lima timan a Sarat. . Miyababaya so mama, sa miyatharo iyan, antonaa lima anan a Sarat: . Pitharo o Ibrahim Al-Adham: 1) Igera khabayaanka kapunggalubuk ka sa dosa na thapok ka ko darpa adikawn khailay o Allah. Pitharo o mama: Subhanallah, anda manayai kaputhapoki akun ko Allah adaduna maphagumaona maito bo? Pitharo o Ibrahim Al-Adham: Subhanallah, opama na dingka ikhaya so Allah sa kapunggalubuk ka sa dosa a phagilaingka niyan? Oriyan iyan na miyaka gunuk so mama sa badun miyakagirao a tarosun kadun so miya aloyingka a lima a sarat. . Pitharo o Ibrahim Al-Adham: 2) Igera miya piker ka apunggalubuk ka sa dosa na liyo ka ko liyawao Lopa. Pitharo o mama: Subhanallah, na anda ako zong Shaick? Pitharo o Ibrahim Al-Adham: Subhanallah, opama na dingka ikhaya so Allah a punggalubk ka sa dosa na sii ka komakadun ko liyawao Lopa iyan? . Pitharo o mama: Omaningkapun Shaick so Moshawir ka rakun. Pitharo o Ibrahim Al-Adham: 3) Igera khabaya kanggalubuk sa dosa na dika pukhan ko Rizki o Allah. Pitharo o mama: Subhanallah, anda manayaduni kakhawyag akun obako di khan ko rizki niyan? Pitharo o Ibrahim Al-Adham: Subhanallah, opama na dingka ikhaya so Allah sa kapunggalubuk ka sa dosa a suka na pukhunka so rizki niyan nago sisiyapungka niyan? . Pitharo o mama: tarosun kadun so mga Mushawir ka. Pitharo o Ibrahim Al-Adham: 4) Nggalubuk kadun sa dosa, ogaid na amay ka makawma ruka so mga Malaikat a pozangungka iran ko Naraka na dika kiran pagonot. Pitharo o mama: Subhanallah, anda manayai kakharunako kiran sa kazangka ako kiran? Pitharo o Ibrahim Al-Adham: 5) Amay ka mabatiya aka so Kitab ka na pawalangka obangka miyanggalubuk so mga dosangka a misosoraton. Pitharo o mama: Subhanallah, anda manayai kakhapawala koron? Zisan so Kiraman a goso Katibeen, nago zisan so mga malaikat a somisiyap ko record nago so mga Saksi? . Oriyan iyan na miyaka goraok so mama na rakusa miyaka talikhod a dii niyan matharo: anda so Kiraman a goso Katiboon, a goso mga malaikat a somisiyap ko record na goso mga saksi ko langowan o dii manggalubuk o pizakatawan.