SO MGA ASHA’IRAH NA SIRAN I MGA AHLUSSUNNAH بسم الله الرحمن الرحيم الحمد لله الواحد الأحد الصمد المتفرد بصفات الكمال المنزه عن صفات النقص ، و الصلاة والسلام على أشرف النبيين والرسل ، و على آله و أصحابه الحماة للدين القويم ، أما بعد :         So “Asha'irah” na knaba gropo/ompongan ka matag term (ingaran) a inibutho ko mga Ulama a Ahlussunnah/Sunni a somiyalapidao ago tomiyondog ko AQEEDAH/Creed o mga SAHABA, sa datar o term a ipumbutho ko tao a moonot sa isa ko pat a madhhab o pat a mga imam (HANAFI, MALIKI, SHAFII, HAMBALI). So mga ulama a moonot ko pat a mga imam na mga Asha'irah. kataya so katharo o Shaikhol Islam Imam Assubkie: ويقول تاج الدين السبكي: "وهؤلاء الحنفية والشافعية والمالكية وفضلاء الحنابلة في العقائد يد واحدة كلهم على رأي أهل السنة والجماعة يدينون لله تعالى بطريق شيخ السنّة أبي الحسن الأشعري رحمه الله.   Maana: “So siran oto a mga HANAFI, go mga SHAFII, go mga MALIKI, go so kibabantogan ko mga HAMBALI na maiisa-isa siran sa Aqeedah/creed, ka sii siran ko Aqeedah a ahlussunna wal jama’ah, Aya aqeedah iran ko ALLAH a titindugan iran na so tindug o Imam a malai kunal ko Sunnah a so Imam Abul-Hasan Al-Ash’ari Rahimahollah.” Kataya pn so Katharo o mga Ala a Shiekh sa Madinah (KSA) sa kiyasaksii ranon sa kababaloy o mga Asha'irah a siran i Jom-hoor (kadaklan) ko mga Muslim:   بل إن كثيراً من علماء المسلمين وأئمتهم أشاعرة وماتريدية، كأمثال البيهقي والنووي وابن الصلاح والمزي وابن حجر العسقلاني والعراقي والسخاوي والزيلعي والسيوطي، بل جميع شراح البخاري هم أشاعرة وغيرهم كثير..." د. عبد العزيز بن عبد الفتاح القارئ عميد كلية القرآن في الجامعة الإسلامية سابقًا د. محمد بن ناصر السحيباني المدرس بالمسجد النبوي د. عبد الله بن محمد الغنيمان رئيس قسم الدراسات العليا بالجامعة الإسلامية سابقا   Maana: “Aya kadakulan ko mga ulama o mga muslim ago so mga Imam iran na mga Asha’irah ago Matoridiyyah, Lagid o Imam Al-Bayhaqi, Nawawi, Ibn Salah, Al-Mozzi, Ibn hajar Al-Asqalani, Al-Iraqi, Assakhawi, Azzayla’ie, Assoyoti, ka aya mataan a bunar na taman ko Langowan a miyosay ko kitab a SAHIH BUKHARI na mga Asha’irah ago so salakaw kiran…”  So manga Asha'irah  na siran i titho a Ahlussunnah wal Jama'ah, ka sii kiran piyakanggolalan o Allah a kiyasiyap o manga ilmo sii ko agama, lagid o ilmo ko tafseer, go Fiqh, go Hadeeth, samporna ko Ilmo a Tawheed. Aya kiyabuthowi kiran sa manga Asha'irah na sabap sii ko Imam Abulhasan Al-ash'ari (miyawapat sii ko ragon a Hijri a 324) a pud ko mbawataan o Sahabi a so Abu Moosa Al-ash'ari (Radiyallaho 'Anho). na aya iran siyalapidao so tindug iyan ko kiyasabota ko ilmo a 'Aqeedah (Tawheed) a matatago sii ko Qur-an ago sii ko Hadeeth. na giyoto dun i miyagaput kiran a ingaran sa taman sa masa imanto. Basta a maaloy a Ahlussunnah na aya titho a paka-aantapanon na so manga Asha’irah ago so manga tao a minipagayon iran sa Aqeedah, kunaba so manga tao a moongkir kiran. So manga Asha’irah na siran i miyabaloy a kasangkapan ko kiyalinding o islam sii ko manga tao a mbinasaon, sabap sa inipangato iran so bunar a minitalingoma o Nabi (Sal Lallaho 'Alaihi Wa Sallam) san ko manga tao a somiyopak ko titho a bunar, lagid o manga Shia, Mu'tazilah, Murji-ah, Qadariyya, Mujassimah, Mushabbiha, samporna ko manga Yahodi ago manga Christian. So manga Asha’irah na siran i Jomhoor/madakul a di so pud a manga FIRQAH a magi-ingaran sa manga muslim, Datar o manga Shia ago so salakaw kiran. Sabap sa aya kabasa o manga ulama na minirampay so kadakul o manga Asha’irah sa (90) siyaw polo ka porsinto, na so lamba ko magatos a (10) sapolo ka porsinto na giyoto i bilangan a ron miyakapamagupuda so manga pud a Firqah, datar o manga Shia, Mu'tazilah ago so salakaw kiran. sa aya mala a dalil sa kadakuli bilangan o mga ulama a Asha’irah na totomangkudan o  manga tao a moongkir kiran a kadakul i bilangan o manga Ash'ari sa giyai a doniya.  Na sabap sa aya kadakulan ko manga muslim na so manga Asha’irah – iphoon ko miyaona a masa sa taman imanto- na sii kiran mambo miyatanto so katharo o Nabi (Sal Lallaho 'Alaihi Wa Sallam) a: " اتَّبعُوا السَّوَادَ الأعظَم " رواه ابن ماجه.  "Onoti niyo so kadakulan". Na aya kadakulan ko manga  muslim sa giyai a doniya na so manga Asha’irah. ago mostaheel oba so manga Asha’irah na sii siran maompong sii ko kadadag, sabap sa pitharo o Nabi (Sal Lallaho 'Alaihi Wa Sallam)  a: "لن تجتمع أمتي على الضلالة" "Didun kaompong so manga Umat akun sii ko Kadadag." Ago miyatharo pun o Nabi s.a.w.: "عليكم بالجماعة " رواه أحمد. "Onoti niyo so Jama'ah".  Aya maana a Jama'ah na so kadakulan -sii ko osayanon o manga Ulama-. Na ilain tano man a giyanan a manga hadeeth a miyanga-aaloy ka sii anan manonompang ko manga Asha’irah, ka siran i madakul i bilangan sii ko  mga muslim ko mga Umat o Nabi s.a.w. sa giyai doniya sii ko oriyan o mga sahaba ago so mga Tabe’een. Di kuna akal oba phakadadaga o saba-ad a manga tao so manga Asha’irah a badi  aya kadakulan ko manga Asha’irah na miyamakalala a manga ulama ago manga Imam a makikilala sa giyai a doniya,  datar o Imam Al-Bayhaqi, Imam An-Nawawi, Imam Ibn Katheer, Imam Al-Qurtobi, Imam Ibn Hajar Al-Asqalani ago so salakaw kiran. Aya katharo o IMAM AL-HAFIDH AL-MORTADHA AZZABIDIE:  إذا أطلق أهل السنة و الجماعة و الجماعة فالمراد بهم الأشاعرة و الماتريدية Maana: "Igira a miyabutho so (kalimah a) Ahlussunnah Wal Jama'ah na aya pakamomoradanon na so mga Asha'irah ago mga Matoridiyyah." Opama ka tumbowan tano so manga Asha’irah sa kadadag, na timbang a lagid oba aya piyakadadag tano na so Jom-hoor (kadakulan) ko manga ulama o manga muslim, ka aya jom-hoor na so manga ulama a manga Asha’irah. Andamanaya i kaphakadadaga o tao sa giyanan a manga imam a miyangararasay  sii ko agama a di suka niyan?!. Na malo pamimikirana o tao a moongkir ko mga Asha’irah o khalawani niyan a manga ulama anan a miyanga-aaloy sa ilmo, paratiyaya, simba, ago kaluk ko Allah?! Na o khatangkud iyan sa ginawa niyan a khalawanan niyan a giyanan a manga ulama sa simba ago taqwa na khapakay dun a ongkir niyan siran. Ogaid na sii  boko pamikiran akun non na apiyanda so sapolo ka porsinto ko kiyarasay a giyanan a manga ulama na daon sampain so tao a phagongkir kiran. So Salahodden Al-Ayyoobi (Radiyallaho 'Anho) a komandar o manga mujahedeen sii ko masa niyan na aya Aqeedah niyan na Ash'ari, go ron piyakanggolalan o Allah a kiyapakaphato a masjidul Aqsa sii ko manga Muslim. Na di kuna akal oba so Allah na sii niyan piyakanggolalan a kiyasoti a masjidul Aqsa ko karuzik o manga Kafer sii ko tao a ribat i 'Aqeedah. Na opama ko ribat i 'Aqeedah so Salahodeen Al-Ayyoobi (Radiyallaho 'Anho) na diron dun ibugay o Allah a giyanan a bantogan a inibugay niyanon.  Langon tano paparatiyaan a giyanan a manga Imam a miyanga-aaloy na palaya dun manga Mujtahid, go manga alai sabot sii ko Qur-an ago Hadeeth, na aya di kuna akal na so diyon gikatharoa o sabaad a manga tao a so kon so manga Asha’irah na madadadag siran sii ko Aqeedah, Subhanallah!!! Opama na sii siran khadadag sii ko 'Aqeedah, a badi giyanan i pinaka importante a phaganadun o manosiya sii ko islam, na ronon badun khadadag so mga Asha'irah ago aya iran di zabotun, ka aya bo a miyasabot iran na so ilmo a Tafseer, Hadeeth, Fiqhi na sii siran maboboda sii ko 'Aqeedah?!  Hay pamimikiran aki so manga tao a moongkir kiran! Osara niyan so akal a inibugay ron o Allah. di niyan phangonoti so Kibr iyan, ka mataan a kitholod iyan dun so tao sii ko mala a karibatan. Aya bo a phagongkir ko manga Asha’irah na so tao a maiigunoranti sii ko History a Islam, go aya minipuno ko poso iyan na kathakabor, kapangimporoan, go kadungki sii ko Jom-hoor (kadakulan) ko manga ala a ulama. Sadun sa tao a oongkir niyan a kababaloy o manga Asha’irah a siran so manga Ahlussunnah na sabun-sabunar aya miyaongkir iyan na so History ko Islam, ka aya matatago sa history na aya manga Ahlussunnah wal jama’ah (sunni) na so manga Asha’irah ago so manga tao a minipagayon iran sa Aqeedah. Aya pagarapungko ko manga pagari akun a moongkir ko manga Asha’irah na so kapakalaa iran ko research iran ko manga kitab sa 'Aqeedah, batabolabaw ron so manga kitab a History sii ko Islam, ka insha-Allah na asara aya niyat iran na so katoona ko bunar  na imbugay kiran bo o Allah. Di phangonoti o manosiya so kibr iyan, ka so kibr ago kadungki na khidolog iyan so manosiya sii ko katharidadag. Aya pinaka mala a sifat a mapusifat o manosiya ko kakhatoona niyan ko bunar na so kapangalimbabaan.   وآخر دعوانا أن الحمد لله رب العالمين. المرجع / Reference -         أهل السنة الأشاعرة شهادة علماء الأمة و أدلتهم   للشيخين حمد السنان و فوزي العنجري -         فتاوى العلماء كأمثال الشيخ علي جمعة (مفتي الديار المصرية) و الشيخ الدكتور محمد عبد الغفار الشريف (من خريجي الجامعة الإسلامية بالمدينة المنورة وداعية مشهور بالكويت).