kalai kapdi ko miskin

Miyaka isa alongan na liminiyo so Omar bin ObiedAllah (ra) a sukaniyan na makikilala ko kalai limo, gagaw nago so kalai kapudi. . Siiko kapulalakao niyan na siyagadan iyan a mga pamomolan (hacienda) aduna sakatao ron a Oripun a bagowa mama a pukhan na oobayino Aso na omani amiin iyan na phagopakan iyanona daan so Aso nago niyambo phagamia. . Sabap roo na miyamumusa so Omar (ra) na rakhusa kiyababayaan iyan angkotowa puzowaan a bagowa mama a kapiya niyan e parangay ko mga binatang na siyongowan iyan na rakusa inizaan iyan. . Omar (ra): Asongka anan? Bagowa mama: Di, kuna obakun Aso. Omar (ra): Na ino kawon dii pakipagatoang? Omani amiin ka na opakan kawona daan? Bagowa mama: Piyakayaya oba sakumbo e pukhan na bakodun paka iinama Aso wai. Sabap roo na kiya omanan a kaphamumusa o Omar (ra) ko mga prinsipyo o bagowa mama sa mini-iza iyanon: Tona ba sukay khiruk sangkaiya mga pamomolan o aduna maka mimilik ruka a tao? Bagowa mama: Di, Oripun ako o khiruk sangkaiya mga pamomolan. . Oriyanoto na inawaano Omar (ra), na da mathay na miyaka phato na petharo iyan ko bagowa mama: Ana balita akun ruka mapiya, mataan a piyaka maradika ka o Allah (miyada sa Oripun na mimbaloy a mapiya tao) sabap ko Omar (ra), nago giyangkaiya mga pamololan na miyabaloy a sukaduni khirukon ipoon imanto. Petharo o bagowa mama a rakusa tonganay duna miyababaya: Puzakusian akun a mataan a giyangkaiya mga onga pamomolan na biyaloyingka a bagian o mga Pobre sa Madinah, (maana sabap ko kiyamiliki niyan ko mga pamomolan ka piyamasa o Omar na rakusa inibigay niyanompun) na pagopenan iyan ko langowan a misken sa Madinah). Sabap roo na kiya omanan puman a kaphamumusa o Omar (ra) sa miyaka girao: Piyaka mumusaka a wata, opama na punggolawlaan kanan a iphamumugaingka badun ko mga pobre so mga onga agiyangkaiya mga pamomolan a obadi suka na tonganayingka a makhikinangulan? Petharo o bagowa mama: Mataanduna ikhaya akun so Allah a biganako niyan sa mala a Limo oriyan iyan na iphuligto akun. . Subhanallah, Pira-peray tao a bigan o Allah sa malaa limo na damatao-tao ka inipuligto iyan ko mga Misken. Antonai miya kowa niyoron a gona? Balasangkano o Allah sa Mapiya.