MAKAMOMO-AYAN SO ALLAH ADI MAKAKHAKAILANGAN SA DARPA

MAKAMOMO-AYAN SO ALLAH ADI MAKAKHAKAILANGAN SA DARPA ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ KATAYA SO AQEEDAH O AHLUSSUNNAH WAL JAMA’AH A SIRAN SO MGA ULAMA KO MADHAB A HANAFI, GO MGA ULAMA KO MADHAB A MALIKI, GO MGA ULAMA KO MADHAB A SHAFI’I, GO SO KIKADADAYON-AN KO MGA ULAMA KO MADHAB A HAMBALI A SIRAN SO MAKIKILALA KO INGARAN A ASHA'IRAH. So Allah na dadn aba niyan Lagid ko mga kaadn iyan. ka so mga kaadn o Allah na palaya dn Jism na so Allah na knaba ska niyan Jism. So Jism na dowa soson: 1- Jism Katheef ( ﺟﺴﻢ ﻟﻄﻴﻒ ): giyanan so makhloq (Kaadn) a pkhagaga o lima a kapkhakapti niyanon, datar o Manosiya, go Binatang, go palao, go kayo, go potao, go Lopa ago so salakaw san. 2- Jism Latheef ( ﺟﺴﻢ ﻛﺜﻴﻒ ): giyanan so makhloq a di khagaga o Lima iba niyan kakapti, datar o niyawa (spirit), go sindao (maliwanag), go malibotng, go ndo (air) ago so salakaw san. So Jism Katheef ago Jism Lateef na palaya dn anan makakhakailangan ago ptharima sa Darpa, na mostaheel iba adn a miplagid o Allah ko Jism Katheef ago so Jism Lateef. aya maana o lalag na so Allah na knaba ska niyan Lagid o manosiya a Jism Katheef, go Knaba Ska niyan Lagid o Niyawa odi na Sindao a Jism Lateef. Aya dalil anan na so katharo o Allah sa Qur-an a: ﻟﻴﺲ ﻛﻤﺜﻠﻪ ﺷﻲﺀ “Dadn A Lagid o Allah A Shai”. So mga kaadn o Allah a Jism (Katheef ago Lateef) na miyabagi pman sa dowa bagi: 1- Mga kaadn o Allah a aya biyaloy niyan kiran a Darpa iran na sa Tampar sa kaporo-an, datar o mga malaikat, go Arsh, go Langit etc. 2- Mga kaadn o Allah a aya biyaloy niyan kiran a darpa iran na sa tampar sa Kababa-an, datar o Manosiya, go binatang, go Jinn, go palao, go mga kayo etc. na Mostaheel iba kadn so Allah sa giyanan a dowa a darpa (Poro ago baba) a piyakadarpa-an iyan ko mga kaadn iyan, ka so Allah na knaba Ska niyan Jism a ptharima sa darpa, ka aya bo a ptharima ago makakha-kailangan sa darpa na sobo so Jism, go Liyo roo pn na so Puro ago baba na palaya dn anan Makhloq (kaadn) o Allah na Mustaheel iba kadn so Allah ko Makhloq iyan, ka Opamaka tharoa o Tao a sii komakadn so Allah sii ko Makhloq iyan a giyanan so Langit odi na Arsh na miyapakasipat iyan so Allah sa Kalobay, ago Timbang a Kiyatago-an iyan so Allah sa Size, go kapnd (kilo), go Diyangka (Limitado), ka Langon a Ka-adn o Allah na adn a mattndo a Diyangka iyan ago adn a Mattndo a Kapnd iyan, na Pon ka pakakadna so Allah sii ko Makhloq iyan na giyoto dn i kiyatago inga ko Allah sa Diyangka ago Kapnd ago size, na minilagid ka ska niyan sa Jism a adn a Diyangka iyan ago adn a Size iyan ago kilo niyan. Opama ko tharoa tano a sii komiyadn so Allah sa Puro na miniplagid iyan bo so mga kaadn iyan a sii mambo komakadn/ kibabaling sa poro, a datar o mga malaikat, go Langit, go Arsh etc. na sakamauto mambo a opama ka tharoa tano a sii ska niyan komakadn sa Baba na miniplagid iyan pman so mga kaadn a sii mambo kibabaling sa baba na aya undas anan na minilagid tano bo so Allah ko makhloq na kokoma a miyasopak tano so Katharo o Allah a: ﻟﻴﺲ ﻛﻤﺜﻠﻪ ﺷﻲﺀ “Dadn A Lagid Iyan A Shai”. Opama ka adn a tao a aya ptharoa niyan na: “Di kna akal iba so Allah na daa kakadnan iyan a Darpa, ti samanoto na ma- alangalang?”. Na aya kismbag tano sa lagid anan a katharo na: “Oway, bnar a so Allah na di ska niyan kna akal, ka so akal ka na diniyan thantaln mamimikiran so Allah ka sabap ko kalobay o Akal, ka so Akal na Makhloq. aya bo a pkhagaga mamimikiran o Akal na so Lagid iyan a mga kaadn, go liyo roo pn na da pn maadn so Langowan taman na dadn a makamom-ayan a rowar ko Allah a dadn a pd iyan a Shai, daa darpa, go daa Arsh, go daa Langit ka aya bo a makamomo-ayan a dadn a Poonan iyan na so bo so Allah, Ka opama ko aya paratiyaya nga na sii kakadn so Allah sa Langit odi na sii oontod ko Arsh na Lagid ka bo o Pitharo a so Miyangadn na komakadn bo ko kaadn iyan. go Lagid kabo o pitharo a Jism so Allah ka tomiyarima sa Darpa ago miyakhailangan iyan. na miyasopak ka pman so katharo o Allah a: ﻟﻴﺲ ﻛﻤﺜﻠﻪ ﺷﻲﺀ “DADN A LAGID IYAN A SHAI”. So mga makhloq/kaadn o Allah na tlo a ropa-an a kapaka- kakadn iran sa Darpa: 1- Paganay ron na makhloq a aya ropaan a kapaka-kakadn iyan sa Darpa na sii matatago so darpa ko kababa-an iyan a misskhowa iyan. aya ibarat iyan na datar tano a mga Manosiya a sii matatago so darpa ko kababa-an tano a mis’sqowa tano. 2- Ikadowa na makhloq a aya ropaan a kapaka-kakadn iyan sa Darpa na thatambitinon, ka mababariyonsong a kapaka-kakadn iyan sa darpa. aya ibarat iyan na datar o Paniki ago tagtk ago so salakaw san a sii matatago so darpa ko kaporo-an iran a mis’sqowa iran. 3- Ikatlo na makhloq a aya ropaan a kapaka-kakadn iyan sa darpa na ma-alangalang ka daa ba niyan misskowa a Shai. aya ibarat iyan na datar o Alongan, go Gabon go bitoon a ma-alangalang a daa baniyan mis’sqowa a darpa. Aya sabap a kiyatharoa tano ron sa adn a Darpa a giyai a ikatlo na sabap ko kapakakokowa niyan sa Space, aya ibarat iyan na datar o Bito-on a bnar ko ma- alangalang na ogaid na makakokowa sa Space na giyoto dn i karina sa kapakakokowa niyan sa Darpa. Na so Allah na Angiyas sa giyanan a Tlo a miyanga-aaloy tano, ka dadn a lagid iyan sa giyanan a miyanga-aaloy ka palaya dn anan Jism a ptharima sa darpa go p’phakakowa sa Space, na so Allah na di ska niyan tharima sa Darpa ago diniyan dn anan mapkhaylangan ka sabap ko knaba ska niyan Jism. aya dalil tano a mala na so katharo o Allah a: ﻟﻴﺲ ﻛﻤﺜﻠﻪ ﺷﻰﺀ “Dadn A Lagid O Allah A Shai." Sadn sa tao a tharoon iyan a sii kakadn so Allah ko poro o arsh na minisayan iyan dn so Allah sa giyanan a No. 1 a lagid o manosiya a aya kapaka-kakadn iyan sa darpa na sii matatago so darpa ko kababa-an iyan a raks a mis’sqowa iyan. na o pman o aya tharowa o tao na ma-alangalang so Allah na minisayan iyan pman so Allah sa giyanan a No. 3 a datar o gabon ago bitoon a ma-alangalang na angiyas san so Allah ka dadn a ba niyan lagid a shai. Kataya so katharo o mga Imam ko ka-aangiyas o Allah ko Jism (maana: knaba Jism so Allah): -1 ﻋﻦ ﻋﻠﻲ ﺑﻦ ﺃﺑﻲ ﻃﺎﻟﺐ ، ﺭﺿﻲ ﺍﻟﻠﻪ ﻋﻨﻪ ، ﻗﺎﻝ ": ﺳﻴﺮﺟﻊ ﻗﻮﻡ ﻣﻦ ﻫﺬﻩ ﺍﻷﻣﺔ ﻋﻨﺪ ﺍﻗﺘﺮﺍﺏ ﺍﻟﺴﺎﻋﺔ ﻛﻔﺎﺭﺍ .. " ﻓﻘﺎﻝ ﺭﺟﻞ ": ﻳﺎ ﺃﻣﻴﺮ ﺍﻟﻤﺆﻣﻨﻴﻦ : ﻛﻔﺮﻫﻢ ﺑﻤﺎﺫﺍ ؟؟، ﺃﺑﺎﻹﺣﺪﺍﺙ ﺃﻡ ﺑﺎﻹﻧﻜﺎﺭ ؟؟ .. " ﻓﻘﺎﻝ ": ﺑﻞ ﺑﺎﻹﻧﻜﺎﺭ ، ﻳﻨﻜﺮﻭﻥ ﺧﺎﻟﻘﻬﻢ ، ﻓﻴﺼﻔﻮﻧﻪ ﺑﺎﻟﺠﺴﻢ ﻭﺍﻷﻋﻀﺎﺀ .. "ﺃﻧﻈﺮ)]ﻛﺘﺎﺏ ﻧﺠﻢ ﺍﻟﻤﻬﺘﺪﻱ(/ﺹ588[.. 1- Pitharo o Ali Bin Abi Talib (died 40 AH): “Adn a phakatalingoma a mga pagtao sii ko kap’phakarani o Bangkit a phangakakafir siran. Tigo sakatao a mama: Hay Amerol Mu’mineen, tonai sabap a kaphangakakafir iran, ba sabap sa kapmbabago iran anta aka aya sabap na pagongkir siran? Na aya inismbag o Ali: na aya kaphangakakafir iran na sabap ko kapagongkira iran ko miyadn kiran ka ipropa iran so Allah sa badan/lawas ago mga anggauta a piyor.” -2 ﻗﺎﻝ ﺍﻹﻣﺎﻡ ﺃﺑﻮ ﺣﻨﻴﻔﺔ ﻓﻲ ﺍﻟﻌﺎﻟﻢ ﻭ ﺍﻟﻤﺘﻌﻠﻢ " :ﺇﻥ ﻣﻦ ﻗﺎﻝ ﺇﻥ ﺍﻟﻠﻪ ﺗﻌﺎﻟﻰ ﺟﺴﻢ ﻟﻢ ﻳﻌﺮﻑ ﺍﻟﻠﻪ ﺗﻌﺎﻟﻰ". ﺍﻫـ 2- Pitharo o Imam Abu Hanifah (died 150 AH): “Sadn sa tao a tharoon iyan a so Allah na Jism na sabnar ada niyan maknal so Allah (sa titho a knal).” ﻭﻗﺎﻝ ﺍﻹﻣﺎﻡ ﺍﻟﺸﺎﻓﻌﻲ ﺭﺿﻲ ﺍﻟﻠﻪ ﻋﻨﻪ : ]ﺍﻟﻤﺠﺴﻢ ﻛﺎﻓﺮ[ ﺫﻛﺮﻩ ﺍﻟﺤﺎﻓﻆ ﺍﻟﺴﻴﻮﻃﻲ ﻓﻲ "ﺍﻷﺷﺒﺎﻩ ﻭﺍﻟﻨﻈﺎﺋﺮ" ﺹ 488 3- Pitharo o Imam Shafii (died 201 A.H.): “So tao a Mujassim (aya panarima iyan na Jism so Allah) na Kafir.” Note: Aya pmbthowan sa Mujassim na ska niyan so tao a aya panarima iyan na Jism so Allah a adn a mga piyor a mga anggaota iyan, go adn a darpa a kakadnan iyan. -4 ﻭﻗﺎﻝ ﺍﻹﻣﺎﻡ ﺃﺣﻤﺪ ﺭﺿﻲ ﺍﻟﻠﻪ ﻋﻨﻪ: ]ﻣﻦ ﻗﺎﻝ ﺍﻟﻠﻪ ﺟﺴﻢ ﻻ ﻛﺎﻷﺟﺴﺎﻡ ﻛﻔﺮ[ ﺭﻭﺍﻩ ﻋﻦ ﺍﻹﻣﺎﻡ ﺃﺣﻤﺪ ﺃﺑﻮ ﻣﺤﻤﺪ ﺍﻟﺒﻐﺪﺍﺩﻱ ﺻﺎﺣﺐ ﺍﻟﺨﺼﺎﻝ ﻣﻦ ﺍﻟﺤﻨﺎﺑﻠﺔ ﻛﻤﺎ ﺭﻭﺍﻩ ﻋﻦ ﺃﺑﻲ ﻣﺤﻤﺪ ﺍﻟﺤﺎﻓﻆ ﺍﻟﻔﻘﻴﻪ ﺍﻟﺰﺭﻛﺸﻲ ﻓﻲ ﻛﺘﺎﺑﻪ "ﺗﺸﻨﻴﻒ ﺍﻟﻤﺴﺎﻣﻊ" ﺍﻟﻤﺠﻠﺪ 4 ﺹ 684ﺍ 4- Pitharo o Imam Ahmad (died 241 A.H.) : “Sadn sa tao a tharo- on iyan a Jism so Allah sa apiya pn aya pitharo iyan na knaba lagid o mga Jism na mimbaloy a Kafir.” -5 ﻗﺎﻝ ﺍﻹﻣﺎﻡ ﺃﺑﻮ ﺍﻟﺤﺴﻦ ﺍﻷﺷﻌﺮﻱ ﺭﺿﻲ ﺍﻟﻠﻪ ﻋﻨﻪ: ]ﻣﻦ ﺍﻋﺘﻘﺪ ﺃﻥ ﺍﻟﻠﻪ ﺟﺴﻢ ﻓﻬﻮ ﻏﻴﺮ ﻋﺎﺭﻑ ﺑﺮﺑﻪ ﻭﺇﻧﻪ ﻛﺎﻓﺮ ﺑﻪ[ ﺫﻛﺮﻩ ﻓﻲ ﻛﺘﺎﺑﻪ ﺍﻟﻨﻮﺍﺩﺭ 5- Pitharo o Imam Abul Hasan Al-Ash’ari (died 324 A.H.): “Sadn sa tao a aya panarima iyan na Jism so Allah na mataana da niyan maknal so Allah ka babadn miyakafir.” Aya sabap a kiya-angiyasa o mga Imam ko Allah ko Jism na sabap ko so Jism na aya ptharima sa Darpa a rakz a makhakaylangan iyan. na so Allah na knaba Ska niyan Jism ka aya bo a ptharima sa Darpa na so bo so jism. Na sadn sa tao a tharoon iyan a komakadn so Allah sa darpa na timbang a Lagid oba niyan pitharo a Jism so Allah ka tomiyarima sa Darpa a rakuz a miyakhaylangan iyan. Na so Lagid anan a Tao na kafir a kiyokomanon o mga Imam ka sabap ko kinisayan’n iyan ko Allah ko mga kaadn iyan a mga Jism, go timbang a miya-ongkir iyan so katharo o Allah a: ﻟﻴﺲ ﻛﻤﺜﻠﻪ ﺷﻰﺀ “DADN A LAGID O ALLAH A SHAI.” KATAYA SO SABA-AD KO MGA DALIL KO KA-AANGIYAS O ALLAH SA DARPA: -1 ﻗﺎﻝ ﺍﻟﻠﻪ ﺗﻌﺎﻟﻰ } :ﻟﻴﺲ ﻛﻤﺜﻠﻪ ﺷﻲﺀ{ ﺍﻫـ 1- Pitharo o Allah sii sa Qur-an: “Dadn A Lagid Iyan A Shai”. Na opama ko tharo angka a komakadn so Allah sa Puro na miyasopak ka a giyanan a Ayat ka sabap ko minilagid ka so Allah ko mga kaadn iyan a sii khibabaling sa Poro a datar o mga Malaikat, Arsh, go Lagid kabo o pitharo a so Allah na Jism a ptharima ago makakhakaylangan sa Darpa. ﻗﺎﻝ ﺍﻹﻣﺎﻡ ﻣﺤﻤﺪ ﺯﺍﻫﺪ ﺍﻟﻜﻮﺛﺮﻱ ﺍﻟﺤﻨﻔﻲ" :ﻗﻮﻟﻪ ﺳﺒﺤﺎﻧﻪ ﻟﻴﺲ ﻛﻤﺜﻠﻪ ﺷﻲﺀ" )/11 ﺳﻮﺭﺓ ﺍﻟﺸﻮﺭﻯ( ﻧﺺ ﻓﻲ ﻧﻔﻲ ﺍﻟﺠﻬﺔ ﻋﻨﻪ ﺗﻌﺎﻟﻰ، ﺇﺫ ﻟﻮ ﻟﻢ ﺗﻨﻒ ﻋﻨﻪ ﺍﻟﺠﻬﺔ ﻟﻜﺎﻧﺖ ﻟﻪ ﺃﻣﺜﺎﻝ ﻻﺗﺤﺼﻰ، ﺗﻌﺎﻟﻰ ﺍﻟﻠﻪ ﻋﻦ ﺫﻟﻚ." ﺍﻫـ ﺗﻜﻤﻠﺔ ﺍﻟﺮﺩ ﻋﻠﻰ ﻧﻮﻧﻴﺔ ﺍﺑﻦ ﺍﻟﻘﻴﻢ ﺹ 102 Pitharo o Imam Mohammad Zahid Al-Kauthari Al-Hanafi (died 1371 AH) : “So kiyatharo-a o Allah ko katharo iyan a: ( ﻟﻴﺲ ﻛﻤﺜﻠﻪ ﺷﻲﺀ) maana: “dadn a Lagid iyan a Shai” Na giyanan dn kiyatharoa niyanon sa di ska niyan makapkhailangan sa darpa, Ka opama ka knaba ska niyan angiyas sa darpa na madakl a miplagid iyan (a komakadn mambo sa darpa), na angiyas san so Allah.” -2 ﻗﺎﻝ ﺍﻟﻠﻪ ﺗﻌﺎﻟﻰ } :ﺇﻥ ﺍﻟﻠﻪ ﻟﻐﻨﻲ ﻋﻦ ﺍﻟﻌﺎﻟﻤﻴﻦ{ ﺍﻫـ 2- Pitharo o Allah sii sa Qur-an: “Mataana So Allah Na Diniyan Dn Mapkhailangan So Mga Kaadn Iyan.” [Commentary] na katawan tano a so Allah na makamomo-ayan dn sii ko daniyan pn kaadna ko mga kaadn iyan a datar o Langit odi na Arsh etc. na pon ka tharowa a komiyadn so Allah sii ko langit odi na Arsh na Lagid ka bo o pitharo a miyakhailangan bo o Allah so kaadn iyan ka kiyadnan iyan bo, na miyasopak ka pman a giyanan a Ayat a makapmamaana sa didn makapkhaylangan so allah. -3 ﻗﺎﻝ ﺍﻟﻠﻪ ﺗﻌﺎﻟﻰ } :ﺍﻟﻠﻪ ﺍﻟﺼﻤﺪ{ ﺍﻫـ 3- Pitharo o Allah sii sa Surah Al-Ikhlas: “So Allah i Aya Makhakailangan O Mga Kaadn Iyan.” na pon ka tharowa a komiyadn so Allah sii ko langit odi na Arsh na Lagid ka bo o pitharo a miyakhailangan o Allah so kaadn iyan ka kiyadnan iyan, na miyasopak ka pman a giyanan a Ayat. -4 ﻗﺎﻝ ﺍﻟﻠﻪ ﺗﻌﺎﻟﻰ } :ﻭﻧﻔﺦ ﻓﻲ ﺍﻟﺼﻮﺭ ﻓﺼﻌﻖ ﻣﻦ ﻓﻲ ﺍﻟﺴﻤﺎﻭﺍﺕ ﻭﻣﻦ ﻓﻲ ﺍﻷﺭﺽ{ ﺍﻫـ 4- Pitharo o Allah sii sa Surah Az-Zomar: “Amayka Iyopn So Sanggacala Na Phamatay Dn So Matatago Ko Langit Ago So Matatago Ko Lopa.” Aya siyabot san na so Allah na knaba ska niyan komakadn sa langit, ago so salakaw san a Darpa. ka pon ka tharoa a komakadn so Allah sa langit na kokoma a pitharo oka a phatay pn so Allah. (wal’iyadhobillah!). -5 ﻗﺎﻝ ﺍﻟﻨﺒﻲ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ: )ﻛﺎﻥ ﺍﻟﻠﻪ ﻭ ﻟﻢ ﻳﻜﻦ ﺷﻲﺀ ﻏﻴﺮﻩ( – ﺭﻭﺍﻩ ﺍﻟﺒﺨﺎﺭﻱ 5- Pitharo o Nabi (pbuh):"Makamomo-Ayan Dn So Allah Sii Ko Daniyan Pn Kaadn Ko Mga Kaadn Iyan, A Dadn A Makamomo- Ayan A Salakaw Rka Niyan.”Piyanothol O Bukhari. Na pon ka tharowa a komakadn so Allah sa darpa na miyasopak ka a giyanan a hadith ka timbang a Lagid oba nga piharo a so Darpa a kakadnan o Allah na dadn a poonan iyan. -6 ﻗﺎﻝ ﺍﻟﻨﺒﻲ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ" :ﺃﻟﻠﻬﻢ ﺃﻧﺖ ﺍﻟﻈﺎﻫﺮ ﻓﻠﻴﺲ ﻓﻮﻗﻚ ﺷﻲﺀ ﻭ ﺃﻧﺖ ﺍﻟﺒﺎﻃﻦ ﻓﻠﻴﺲ ﺩﻭﻧﻚ ﺷﻲﺀ". ﺭﻭﺍﻩ ﺍﻟﺒﺨﺎﺭﻱ 6- Pitharo o Nabi (pbuh): “Ya Allah, Na Ska i "Dhaher" A Dadn A Matatago Ko Kaporo-An Ka A Shai, Go Skai Batin A Dadn A Matatago Ko Kababa-An Ka A Shai.” Piyanothol O Bukhari. na pon ka tharowa a komakadn so Allah sii ko Arsh na miyasopak ka a giyanan a hadith, ka lagid kabo o pitharo a adn a Shai a matatago sa kababa-an o Allah a giyanan so Arsh a pakakakadnan kaon. Aya osayan o Imam Al-Bayhaqi sa giyanan a hadith, na giyanan a tigiyan a Hadith na inidalil anan o saba-ad ko mga pdami (a mga Ahlussunnah) sa kapakamomo-ayan o Allah a knaba komakadn sa Darpa. miya-aloy anan ko kitab o Imam Al-Bayhaqi a aya ngaran iyan na “Al-Asma was Sifat” page 144. -7 ﻗﺎﻝ ﺍﻟﻨﺒﻲ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ" :ﻣﺎ ﻓﻴﻬﺎ )ﺃﻱ ﺍﻟﺴﻤﺎﺀ( ﺃﺭﺑﻊ ﺃﺻﺎﺑﻊ ﺇﻻ ﻭﻓﻴﻬﺎ ﻣﻠﻚ ﻗﺎﺋﻢ، ﺃﻭ ﺭﺍﻛﻊ، ﺃﻭ ﺳﺎﺟﺪ، ﻳﻌﺒﺪ ﺭﺑﻪ". ". ﺭﻭﺍﻩ ﺍﻟﺘﺮﻣﺬﻱ ﻓﻲ ﺳﻨﻨﻪ 7- Pitharo o Nabi (pbuh): "Dadn a mbtadan sii sa langit sa diyangka a pat timan a tindoro a badi adn a malaikaton a tomitindgon, odi na Romoroko-on, odi na somosojodon a pzimbaa niyan so Allah." -8 ﻗﺎﻝ ﺍﻟﻨﺒﻲ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ" :ﻣﺎ ﻓﻲ ﺍﻟﺴﻤﺎﺀ ﺍﻟﺪﻧﻴﺎ ﻣﻮﺿﻊ ﻗﺪﻡ، ﺇﻻ ﻋﻠﻴﻪ ﻣﻠﻚ ﺳﺎﺟﺪ ﺃﻭ ﻗﺎﺋﻢ". ﺭﻭﺍﻩ ﺍﻟﻄﺒﺮﻱ ﻓﻲ ﺗﻔﺴﻴﺮﻩ 8- Miyatharo pn o Nabi (pbuh): “Da A Mbtadan Sii Sa Samaoddoniya (paganay a Lapis ko Langit) Sa Diyangka A Palada Ai, Abadi Adn A Malaikaton A Somosojod Odi Na Tomitindg.” Giyangkanan a dowa a hadith na miyakabatal anan ko diyon gikatharoa o mga Mujassimah sa sii kon kakadn so Allah sa Langit, a raks a pthoron sii sa Samaoddoniya (paganay a Lapis ko Langit) igira a gagawii. opama ka so Allah na sii ska niyan kakadn sa Langit na lagid bo o pitharo o mga Mujassimah sa aya bo a kala o Allah na mas mala pn so pat timan a tindoro adi ska niyan. na opama pman ka aya ptharoa iran na pthoron so Allah sii ko “Sama-oddoniya” igira a gagawi na Lagid iran bo o Pitharo a mas mala pn so Palad a ai adiso Allah. ﻋﻦ ﺃﺑﻲ ﻫﺮﻳﺮﺓ ﻗﺎﻝ: ﻗﺎﻝ ﺭﺳﻮﻝ ﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ" : ﺃﺫﻥ ﻟﻲ ﺃﻥ ﺃﺣﺪﺙ ﻋﻦ ﻣﻠﻚ ﻗﺪ ﻣﺮﻗﺖ ﺭﺟﻠﺎﻩ ﺍﻟﺄﺭﺽ ﺍﻟﺴﺎﺑﻌﺔ، ﻭﺍﻟﻌﺮﺵ ﻋﻠﻰ ﻣﻨﻜﺒﻪ، ﻭﻫﻮ ﻳﻘﻮﻝ: ﺳﺒﺤﺎﻧﻚ ﺃﻳﻦ ﻛﻨﺖ؟ ﻭﺃﻳﻦ ﺗﻜﻮﻥ؟ " ﺭﻭﺍﻩ ﺃﺑﻮ ﻳﻌﻠﻰ ﺍﻟﻤﻮﺻﻠﻲ ﻓﻲ "ﻣﺴﻨﺪﻩ"ﺭﻗﻢ)6619(, ﻭ ﻫﻮ ﺻﺤﻴﺢ,ﻭ ﺭﻭﺍﻩ ﺃﻳﻀﺎ- ﺍﻟﺤﺎﻓﻆ ﺍﺑﻦ ﺣﺠﺮ ﻓﻲ ﺍﻟﻤﻄﺎﻟﺐ ﺍﻟﻌﺎﻟﻴﺔ ﺝ10 ﺹ82 ﺭﻗﻢ 3530 ) ﻧﺴﺨﺔ ﺍﻟﺸﺎﻣﻠﺔ ( ﻭﺍﻟﺒﻮﺻﻴﺮﻱ ﻓﻲ ﺍﻻﺗﺤﺎﻑ ﺝ6 ﺹ55 ﺭﻗﻢ 5599 ) ﻧﺴﺨﺔ ﺍﻟﺸﺎﻣﻠﺔ ( ﻭﺍﻟﻬﻴﺜﻤﻲ ﻓﻲ ﻣﺠﻤﻊ ﺍﻟﺰﻭﺍﺋﺪ ﺝ1 ﺹ80 ﻭ ﺝ8 ﺹ135 ﺟﻤﻴﻌﻬﻢ ﻋﻦ ﺃﺑﻲ ﻳﻌﻠﻰ. ﻗﺎﻝ ﺍﻟﺤﺎﻓﻆ ﺍﺑﻦ ﺣﺠﺮ ﺍﻟﻌﺴﻘﻼﻧﻲ ﺑﻌﺪ ﺃﻥ ﺭﻭﺍﻩ )) : ﺻﺤﻴﺢ (( ﺍﻟﻤﻄﺎﻟﺐ ﺍﻟﻌﺎﻟﻴﺔ . ﻗﺎﻝ ﺍﻟﻬﻴﺜﻤﻲ ﺑﻌﺪ ﺃﻥ ﺭﻭﺍﻩ ﻓﻲ ﺍﻟﻤﻮﺿﻌﻴﻦ )) : ﺭﻭﺍﻩ ﺃﺑﻮ ﻳﻌﻠﻰ ﻭﺭﺟﺎﻟﻪ ﺭﺟﺎﻝ ﺍﻟﺼﺤﻴﺢ (( ﻣﺠﻤﻊ ﺍﻟﺰﻭﺍﺋﺪ ﺝ1 ﺹ80 ﻭ ﺝ8 ﺹ135 .ﻗﺎﻝ ﺣﺴﻴﻦ ﺳﻠﻴﻢ ﺃﺳﺪ )) : ﺇﺳﻨﺎﺩﻩ ﺻﺤﻴﺢ (( ﻣﺴﻨﺪ ﺃﺑﻲ ﻳﻌﻠﻰ ﺝ11 ﺹ496 ﺭﻗﻢ 6619 ﺗﺤﻘﻴﻖ ﺣﺴﻴﻦ ﺍﺳﺪ. ﻭ ﻗﺪ ﺻﺤﺤﻪ ﺍﻟﺸﻴﺦ ﺍﻷﻟﺒﺎﻧﻲ ﻓﻲ ﺻﺤﻴﺢ ﺍﻟﺠﺎﻣﻊ ﺑﺮﻗﻢ(1714) Miyakathitayan ko Abu-Hurairah, Pitharo iyan: Pitharo o Nabi (S): “Ini-idin rakn o Allah a mapanothol akn so mipantag ko isa a Malaikat a (aya kala iyan na) makaliliyo so mbala a ai niyan ko ikapito Lapis ko Langit na so Arsh na sii matatampar sa kaporo-an a Waga niyan, na aya gii tharo-on a Malaikat uto na: Kadnang ko na Soti ka iba rka osara (a pakaiza) so Anda ka matatago? ago anda ka kakadn a Darpa?“. Hadith anan a Kiyokom sa Saheeh o mga Ulama sa hadith a Datar o Imam Ibn Hajar Al-Asqalaanie go Imam Al-Haytamie, ago kiyokom sa Saheeh o ulama sa Hadeeth o mga Salafi a si Shiekh Al-Bani. Aya siyabot sa Hadith anan na mismo Malaikat o Allah na Aangiyasn iyan so Allah sa Darpa. -9 ﻗﺎﻝ ﻣﻮﺳﻰ " :ﻳﺎ ﺭﺏ ﻣﻦ ﻓﻲ ﺍﻟﺴﻤﺎﺀ ؟ ﻗﺎﻝ: ﻣﻼﺋﻜﺘﻲ". ﺍﻫـ ﻣﻦ ﺗﻔﺴﻴﺮ ﺍﻟﻘﺮﻃﺒﻲ 9- Pitharo o Nabiyyollah Moosa (alayhis salam): “Kadnan Akn, Antonai Matatago Ko Langit? Tigo Allah: “So Mga Malaikat Akn.” naman ka aya inismbag o Allah na sokon so mga malaikat iyan i aya matatago ko Langit! knaba ska niyan a Allah i aya matatago ko Langit. Ka opama ka so Allah i aya matatago ko Langit na aya dn a ismbag iyan ko Moosa na: sakn i komakadn ko Langit!. -10 ﻗﺎﻝ ﺟﺒﺮﻳﻞ ﻋﻠﻴﻪ ﺍﻟﺴﻼﻡ" : ﺇﻥ ﺍﻟﻠﻪ ﻟﻢ ﻳﺨﻠﻖ ﺍﻟﻜﻌﺒﺔ ﻟﻠﺒﻘﺎﺀ ﻭ ﻻ ﺍﻟﻌﺮﺵ ﻟﻼﺗﻜﺎﺀ ، ﻗﺪ ﻛﺎﻥ ﺍﻟﻠﻪ ﻭ ﻻ ﻋﺮﺵ ﻭ ﻻ ﺳﻤﺎﺀ ﻭ ﻻ ﺃﺭﺽ ﻭ ﻻ ﻛﻌﺒﺔ". ﺍﻫـ ﺭﻭﺍﻩ ﺍﻹﻣﺎﻡ ﺍﻟﻌﻤﺎﺩ ﻓﻲ ﻛﺘﺎﺑﻪ ﺑﺴﺘﺎﻥ ﺍﻟﻔﻘﺮﺍﺀ ﻭ ﻧﺰﻫﺔ ﺍﻟﻘﺮﺍﺀ 1/28 10- Pitharo o Makal’lbi ko mga Malaikat o Allah a ska niyan so Jibreel (Alayhis salam): “Mataana so Allah na knaba aya kiya-adna niyan ko Ka’bah na ba niyan baloya a tatap, go knaba aya kiya- adna niyan ko arsh naba niyan khadni ka so AlLah na makamomo-ayan dn sii ko daniyan pn kaadna ko Arsh, go langit, go lopa, go ka’bah,” -11 ﻗﺎﻝ ﺃﺑﻮﺑﻜﺮ ﺍﻟﺼﺪﻳﻖ ﺭﺿﻲ ﺍﻟﻠﻪ ﻋﻨﻪ " :ﻭﺍﻟﺒﺤﺚ ﻋﻦ ﺫﺍﺗﻪ - ﺃﻱ ﺍﻟﻠﻪ - ﻛﻔﺮ ﻭﺇﺷﺮﺍﻙ". ﺭﻭﺍﻩ ﺍﻹﻣﺎﻡ ﺍﻟﺰﺭﻛﺸﻲ ﻓﻲ ﻛﺘﺎﺏ ﺗﺸﻨﻴﻒ ﺍﻟﻤﺴﺎﻣﻊ 11- Pitharo o Abu Bakr As-Siddeeq (RadhiyAllaho Anho) (died 13 A.H.): “So gikanggigilobaa Ko Allah (Maana Anggolalan Ko Katndo Iron Sa Darpa A Kakadnan Iyan) Na Kakakafiri Anan (A Paratiyaya) Ago Kapanakoto.” -12 ﻗﺎﻝ ﻋﻠﻲ ﺑﻦ ﺃﺑﻲ ﻃﺎﻟﺐ " :ﻛﺎﻥ ﺍﻟﻠﻪ ﻭ ﻻ ﻣﻜﺎﻥ ﻭ ﻫﻮ ﺍﻵﻥ ﻋﻠﻰ ﻣﺎﻛﺎﻥ" ﺍﻫـ ﺭﻭﺍﻩ ﺍﻹﻣﺎﻡ ﺍﻟﺒﻐﺪﺍﺩﻱ ﻓﻲ ﻛﺘﺎﺑﻪ )ﺍﻟﻔﺮﻕ ﺑﻴﻦ ﺍﻟﻔﺮﻕ( ﺹ 292 12- Pitharo o Ali Bin Thalib (died 40 A.H.) (Radhiyallaho anho): “So Kapakamomo-Ayan O Allah Ko Da Niyan Pn Kaadna Ko Darpa Na Taman Dn Imanto Na Giyoto Dn I Kapakamomo- Ayan Iyan (A Didn Makapkhailangan Sa Darpa).” -13 ﺳﺌﻞ ﻋﻠﻲ ﺑﻦ ﺃﺑﻲ ﻃﺎﻟﺐ ﺭﺿﻲ ﺍﻟﻠﻪ ﻋﻨﻪ : ﺃﻳﻦ ﻛﺎﻥ ﺭﺑﻨﺎ ﻗﺒﻞ ﺃﻥ ﻳﺨﻠﻖ ﺳﻤﺎﺀ ﻭﺃﺭﺿﺎ ؟ ﻓﻘﺎﻝ " : ﺃﻳﻦ ﺳﺆﺍﻝ ﻋﻦ ﺍﻟﻤﻜﺎﻥ ، ﻭ ﻛﺎﻥ ﺍﻟﻠﻪ ﻭ ﻻ ﻣﻜﺎﻥ ﻭ ﻫﻮ ﺍﻟﻴﻮﻡ ﻋﻠﻰ ﻣﺎ ﻛﺎﻥ." ﻣﻦ ﺭﻭﺡ ﺍﻟﺒﻴﺎﻥ ﻟﻺﻣﺎﻡ ﺇﺳﻤﺎﻋﻴﻞ ﺣﻘﻲ 13- Inipakaiza ko Ali bin Abi Thalib (Radhiyallaho anho) o anda so Allah sii ko da niyan pn kaadna ko mga Langit ago Lopa. na aya inismbag iyan na:"So Pakaiza A "Anda" Na Makatotoro Anan Sa Aya Iphagiza Na Darpa, Na So Allah Na Makamomo-Ayan Ska Niyan Dn Sii Ko Da Niyan Pn Kaadna Ko Darpa, Na Taman Dn Imanto Na Giyoto Dn I Kapakamomo-Ayan Iyan A Knaba Komakadn Sa Darpa." - 14 ﻗﺎﻝ ﻋﻠﻲ ﺑﻦ ﺃﺑﻲ ﻃﺎﻟﺐ " :ﺇﻥ ﺍﻟﻠﻪ ﺧﻠﻖ ﺍﻟﻌﺮﺵ ﺇﻇﻬﺎﺭﺍ ﻟﻘﺪﺭﺗﻪ ﻻ ﻣﻜﺎﻧﺎ ﻟﺬﺍﺗﻪ". ﺍﻫـ ﺭﻭﺍﻩ ﺍﻹﻣﺎﻡ ﺍﻟﺒﻐﺪﺍﺩﻱ ﻓﻲ ﻛﺘﺎﺑﻪ )ﺍﻟﻔﺮﻕ ﺑﻴﻦ ﺍﻟﻔﺮﻕ( ﺹ 292 14- Pitharo o Ali Bin Abi Thalib (Radhiyallaho anho): “Mataana So Allah Na Inadn Iyan So Arsh Ka Para Mipayag So Qodrat Iyan, Knaba Aya Kiya-Adnaon O Allah Naba Niyan Mbaloya A Darpa Iyan.” -15 ﻋﻠﻲ ﺑﻦ ﺃﺑﻲ ﻃﺎﻟﺐ ﺭﺿﻲ ﺍﻟﻠﻪ ﻋﻨﻪ ﻗﺎﻝ " :ﻻ ﻳﻘﺎﻝ ﺃﻳﻦ ﻟﻤﻦ ﺃﻳﻦ ﺍﻷﻳﻦ" ﺍﻫـ 15- Pitharo o Ali Bin Abi Thalib (Radhiyallaho anho):"So Pakaiza a "anda matatago/kakadn" na di anan khapakay a phagosarn a Pakaiza san ko miyadn ko mga darpa a ska niyan so Allah." ﻗﺎﻝ ﺍﻹﻣﺎﻡ ﺃﺑﻮﺣﻨﻴﻔﺔ " :ﻣﻦ ﺣﺼﺮ ﺍﻟﻠﻪ ﻓﻲ ﺍﻟﺠﻬﺔ ﺍﻟﻔﻮﻗﻴﺔ ﺃﻭ ﺍﻟﺘﺤﺘﻴﺔ ﻓﻘﺪ ﻛﻔﺮ ". ﺍﻫـ ﺭﻭﺍﻩ ﺍﻹﻣﺎﻡ ﺍﻟﺼﻔﻮﺭﻱ ﺍﻟﺸﺎﻓﻌﻲ ﻓﻲ ﻛﺘﺎﺑﻪ ) ﻧﺰﻫﺔ ﺍﻟﻤﺠﺎﻟﺲ( ﺹ13 16- Pitharo o Imam Abu Hanifah (died 150 A.H.) :"Sadn Sa Tao A Tangkdn Iyan A Sii Matatago So Allah Sa Tampar Sa Poro, Odi Na Sa Tampar Sa Baba Na Sabnar A Miyakafir." -17 ﻗﺎﻝ ﺍﻹﻣﺎﻡ ﺃﺑﻮﺣﻨﻴﻔﺔ " :ﻧﻘﺮ ﺑﺄﻥ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻰ ﻋﻠﻰ ﺍﻟﻌﺮﺵ ﺍﺳﺘﻮﻯ، ﺃﻱ ﺍﺳﺘﻮﻟﻰ، ﻣﻦ ﻏﻴﺮ ﺃﻥ ﻳﻜﻮﻥ ﺟﺎﺭﺣﺔ ﻭﺍﺳﺘﻘﺮﺍﺭ، ﻭﻫﻮ ﺣﺎﻓﻆ ﻟﻠﻌﺮﺵ ﻭﻏﻴﺮ ﺍﻟﻌﺮﺵ ﻣﻦ ﻏﻴﺮ ﺍﺣﺘﻴﺎﺝ، ﻓﻠﻮ ﻛﺎﻥ ﻣﺤﺘﺎﺟﺎ ﻟﻤﺎ ﻗﺪﺭ ﻋﻠﻰ ﺇﻳﺠﺎﺩ ﺍﻟﻌﺎﻟﻢ ﻭﺗﺪﺑﻴﺮﻩ، ﻭﻟﻮ ﻛﺎﻥ ﻣﺤﺘﺎﺟﺎ ﺇﻟﻰ ﺍﻟﺠﻠﻮﺱ ﻭﺍﻟﻘﺮﺍﺭ ﻟﻜﺎﻥ ﻗﺒﻞ ﺧﻠﻖ ﺍﻟﻌﺮﺵ، ﺗﻌﺎﻟﻰ ﺍﻟﻠﻪ ﻋﻦ ﺫﻟﻚ ﻋﻠﻮﺍ ﻛﺒﻴﺮﺍ". ﺍﻫـ ﺍﻧﻈﺮ ﺍﻟﻄﺒﻘﺎﺕ ﺍﻟﺴﻨﻴﺔ ﻓﻲ ﺗﺮﺍﺟﻢ ﺍﻟﺤﻨﻔﻴﺔ ﺹ 179 17 - Pitharo o Imam Abu Hanifah : “paparatiyaan ami a so masasalinggagao a ska niyan so Allah na ipapa-ar iyan so Arsh ka kamimilikan iyan, sa knaba aya maana o “Istiwa” naba galbk a anggaota ago kaphantao/kakadun. So Allah na ska niyan i somisiyap ko Arsh ago so salakaw ko Arsh, sa dadn aba san makhakailangan o Allah. Ka opama ka makakha-kaylangan so Allah na diniyan dn magaga madn so Doniya ago diniyan magaga a kasiyapa niyanon. Opama ka so Allah na makakhakaylangan sa Kaontod ago kaphantao/kakadn na sowaan iyan dn anan sii ko da niyan pn kaadna ko Arsh…” Giyanan i katharo o Imam Abu Hanifah!, naman ka aya inipmaana niyan ko "istiwa" na istawla, maana: ipapaar o Allah so Arsh iyan, knaba aya inipmaana niyanon na komiyadn so Allah ko poro o Arsh, odi na Mipantao ron. - 18 ﻗﺎﻝ ﺍﻹﻣﺎﻡ ﺃﺑﻮﺣﻨﻴﻔﺔ " :ﻛﺎﻥ ﺍﻟﻠﻪ ﺗﻌﺎﻟﻰ ﻭﻻ ﻣﻜﺎﻥ ﻗﺒﻞ ﺃﻥ ﻳﺨﻠﻖ ﺍﻟﺨﻠﻖ ، ﻭﻛﺎﻥ ﺍﻟﻠﻪ ﺗﻌﺎﻟﻰ ﻭﻟـﻢ ﻳﻜﻦ ﺃﻳﻦ ﻭﻻ ﺧﻠﻖ ﻭﻻ ﺷﻰﺀ ، ﻭﻫﻮ ﺧﺎﻟﻖ ﻛﻞ ﺷﻰﺀ" ﺍﻫـ ﺍﻟﻔﻘﻪ ﺍﻷﺑﺴﻂ ﺿﻤﻦ ﻣﺠﻤﻮﻋﺔ ﺭﺳﺎﺋﻞ ﺃﺑﻲ ﺣﻨﻴﻔﺔ ﺑﺘﺤﻘﻴﻖ ﺍﻟﻜﻮﺛﺮﻱ )ﺹ25 /( 18- Pitharo o Imam Abu Hanifah: “Makamomo-Ayan Dn So Allah Sii Ko Daniyan Pn Kaadn Ko Mga Makhloq Iyan A Daa Darpa (A Kakadnan Iyan). Na Makamomo-Ayan Dn So Allah Sii Ko Dapn A Darpa, Go Dapn A Kaadn, Go Dapn A Shai, Ka Ska Niyan I Miyadn Ko Langowan Taman A Shai.” - 19 ﻗﺎﻝ ﺍﻹﻣﺎﻡ ﺍﻟﺸﺎﻓﻌﻲ " :ﻭﺍﻋﻠﻤﻮﺍ ﺃﻥ ﺍﻟﺒﺎﺭﻱ ﻻ ﻣﻜﺎﻥ ﻟﻪ" ﺍﻫـ ﺫﻛﺮﻩ ﻓﻲ ﻛﺘﺎﺑﻪ ﺍﻟﻔﻘﻪ ﺍﻷﻛﺒﺮ 19– Pitharo o Imam Shafi’i (died 204 A.H.) : “Sabota Niyo A Mataana So Allah Na Daa Darpa Iyan.” Aya sabap iyan na so Allah na knaba ska niyan jism, ka aya bo a ptharima sa Darpa ago makakha-kailangan sa Darpa na so bo so jism. -20 ﻗﺎﻝ ﺍﻹﻣﺎﻡ ﺍﻟﺸﺎﻓﻌﻲ" :ﺇﻧﻪ ﺗﻌﺎﻟﻰ ﻛﺎﻥ ﻭﻻ ﻣﻜﺎﻥ ﻓﺨﻠﻖ ﺍﻟـﻤﻜﺎﻥ ﻭﻫﻮ ﻋﻠﻰ ﺻﻔﺔ ﺍﻷﺯﻟﻴﺔ ﻛﻤﺎ ﻛﺎﻥ ﻗﺒﻞ ﺧﻠﻘﻪ ﺍﻟـﻤﻜﺎﻥ ﻻ ﻳﺠﻮﺯ ﻋﻠﻴﻪ ﺍﻟﺘﻐﻴﻴﺮ ﻓﻲ ﺫﺍﺗﻪ ﻭﻻ ﻓﻲ ﺻﻔﺎﺗﻪ." ﺍﻫـ ﺍﺗﺤﺎﻑ ﺍﻟﺴﺎﺩﺓ ﺍﻟﻤﺘﻘﻴﻦ )24 /2 20- Pitharo O Imam Shafi’i: “Mataana So Allah Na Makamomo- Ayan Sii Ko Daniyan Pn Kaadna Ko Darpa, Na Sii Ko Kiya-Adna Niyan Ko Darpa Na Dadn Maalin So Paka-Asal A Kapakamomo- Ayan Iyan A Didn Makapkhailangan Sa Darpa, Ka So Allah Na Angiyas Ska Niyan Ago So Sifat Iyan Ko Kambabagobago Ago Kapamagalinalin.” - 21 ﻗﺎﻝ ﺍﻹﻣﺎﻡ ﺍﻟﺸﺎﻓﻌﻲ" :ﻣﻦ ﺍﻋﺘﻘﺪ ﺃﻥ ﺍﻟﻠﻪ ﺟﺎﻟﺲ ﻋﻠﻰ ﺍﻟﻌﺮﺵ ﻓﻬﻮ ﻛﺎﻓﺮ"ﺍﻫـ - ﺭﻭﺍﻩ ﺍﺑﻦ ﺍﻟﻤﻌﻠﻢ ﺍﻟﻘﺮﺷﻲ ﻓﻲ ﻛﺘﺎﺑﻪ ﻧﺠﻢ ﺍﻟﻤﻬﺘﺪﻱ ﻭﺭﺟﻢ ﺍﻟﻤﻌﺘﺪﻱ ﺹ551 : 21- Pitharo o Imam Shafi’i: “Sadn Sa Tao A Aya Paratiyaya Niyan Na Moontod So Allah Ko Poro O Arsh Na Kafir.” -22 ﻗﺎﻝ ﺍﻹﻣﺎﻡ ﺃﺣﻤﺪ" :ﻣﻦ ﻗﺎﻝ ﺃﻧﻪ ﺑﺬﺍﺗﻪ ﻓﻲ ﻛﻞ ﻣﻜﺎﻥ ﺃﻭ ﻓﻲ ﻣﻜﺎﻥ ﻓﻜﺎﻓﺮ ﻷﻧﻪ ﻳﻠﺰﻡ ﻣﻨﻪ ﻗﺪﻡ ﺍﻟﻤﻜﺎﻥ ." ﺍﻫـ ﺭﺍﺟﻊ ﻧﻬﺎﻳﺔ ﺍﻟﻤﺒﺘﺪﻳﻦ 22- Pitharo o Imam Ahmad Bin Hambal (died 241 A.H.): "Sadn sa Tao a Tharoon iyan a so Allah na komakadn sii ko apiya anda a darpa, odi na komakadn sii ko mat'tndo a darpa na miyakafir, sabap sa aya ondas anan a panarima na miyakapmaana sa daa poonan ago daa miyadn sa giyoto a darpa (a kiyadnan o Allah)." ﻗﺎﻝ ﺍﻹﻣﺎﻡ ﺍﻟﺒﺨﺎﺭﻱ " :ﻟﻤﺎ ﺛﺒﺖ ﺑﺎﻷﺩﻟﺔ ﺍﻟﻘﻄﻌﻴﺔ ﻭ ﺍﻟﺪﻻﺋﻞ ﺍﻟﻘﻮﺍﻃﻊ ﺃﻥ ﺍﻟﻠﻪ ﺳﺒﺤﺎﻧﻪ ﻭ ﺗﻌﺎﻟﻰ ﻣﻨﺰﻩ ﻋﻦ ﺍﻟﺼﻌﻮﺩ ﻭ ﺍﻟﻬﺒﻮﻁ ﻭ ﺍﻟﻨﺰﻭﻝ ﻭ ﺍﻻﻧﺘﻘﺎﻝ ﻣﻦ ﻣﻜﺎﻥ ﺇﻟﻰ ﻣﻜﺎﻥ ، ﻭ ﻫﻮ ﻋﺰ ﻭﺟﻞ ﻏﻨﻲ ﻋﻦ ﺍﻟﺠﺴﻤﻴﺔ ﻭ ﺍﻟﺘﺤﻴﺰ ، ﻣﻤﺘﻨﻊ ﻋﻠﻴﻪ ﺫﻛﺮ ﺍﻟﻨﺰﻭﻝ ﻋﻠﻰ ﻣﻌﻨﻰ ﺍﻻﻧﺘﻘﺎﻝ ﻣﻦ ﻣﻮﺿﻊ ﺇﻟﻰ ﻣﻮﺿﻊ ﺃﺧﻔﺾ ﻣﻨﻪ". ﺍﻫـ ﻃﺮﺍﺯ ﺍﻟﻜﻢ ﺍﻟﻤﺬﻫﺐ ﻓﻲ ﺍﻷﺫﻛﺎﺭ ﺍﻟﻮﺍﺭﺩﺓ ﻣﻦ ﺍﻟﻜﺘﺎﺏ ﻭ ﺍﻟﺴﻨﺔ ﺹ .60 Pitharo o Imam Al-Bukhari: “Na sabap ko Kiyatantowa o mga babagr a Dalil a ka-aangiyas o Allah ko Kapanik ago katana ago katoron ago so Ka-aangiyas iyan ko Kathotogalin a Pho-on ko mattndo a Darpa na song ko isa a Darpa ka ska niyan so Allah a di makakha-kailangan sa anggauta/Badan ago di ska niyan niyan makakha-kailangan sa darpa a khadnan iyan na misabap san na Didn khapakay iba tano tharowa iba so Allah na pthoron a Po-on ko mattndo a Darpa na Phanog ko mababa a Darpa.” Maashaa-Allah! So Imam Al-Bukhari na Aangiyasn iyan so Allah sa Darpa ago anggauta/Lawas ka aya panarima iyan na di makakhakailangan so Allah sa Darpa ago anggauta, na giyanan dn so Aqeedah a Sunni Asha’irah. -23 ﻗﺎﻝ ﺍﻹﻣﺎﻡ ﺍﺑﻦ ﺣﺠﺮ ﺍﻟﻬﻴﺘﻤﻲ ﺍﻟﺸﺎﻓﻌﻲ" :ﻭﺍﻋﻠﻢ ﺃﻥ ﺍﻟﻘﺮﺍﻓﻲ ﻭﻏﻴﺮﻩ ﺣﻜﻮﺍ ﻋﻦ ﺍﻟﺸﺎﻓﻌﻲ ﻭﻣﺎﻟﻚ ﻭﺃﺣﻤﺪ ﻭﺃﺑﻲ ﺣﻨﻴﻔﺔ ﺭﺿﻲ ﺍﻟﻠﻪ ﻋﻨﻬﻢ ﺍﻟﻘﻮﻝ ﺑﻜﻔﺮ ﺍﻟﻘﺎﺋﻠﻴﻦ ﺑﺎﻟﺠﻬﺔ ﻭﺍﻟﺘﺠﺴﻴﻢ ﻭﻫﻢ ﺣﻘﻴﻘﻮﻥ ﺑﺬﻟﻚ."ﺍﻫـ ﺍﻟﻤﻘﺪﻣﺔ ﺍﻟﺤﻀﺮﻣﻴﺔ ﺹ 224 23- Pitharo O Imam Ibn Hajar Al-Haytami Ash-Shafi’i (Died 972 A.H.) : “Sabotangka A Mataana So Imam Al-Qarafi Agoso Salakaw Rka Niyan A Mga Imam Na Miyatharo Iran A Miyakapo-On A Katharo Ko (Pat A Imam) A Siran So Shafi’i, Go Malik, Go Ahmad, Go Abu Hanifah A Kiyapakakafira Iran Ko Mga Tao A inangkoban iran So Allah Sa Darpa (A Kakadnan Iyan), A Rakz A Piyakaplawas Iran, na mataana tatanto so pat a Imam sa kiyabgay ran sa kokoman.” -24 ﻗﺎﻝ ﺍﻹﻣﺎﻡ ﻣﻼ ﻋﻠﻲ ﺍﻟﻘﺎﺭﻱ ﺍﻟﺤﻨﻔﻲ" :ﻗﺎﻝ ﺟﻤﻊ ﻣﻦ ﺍﻟﺴﻠﻒ ﻭﺍﻟﺨﻠﻒ ﺇﻥ ﻣﻌﺘﻘﺪ ﺍﻟﺠﻬﺔ )ﺃﻱ ﻓﻲ ﺣﻖ ﺍﻟﻠﻪ( ﻛﺎﻓﺮ ﻛﻤﺎ ﺻﺮﺡ ﺑﻪ ﺍﻟﻌﺮﺍﻗﻲ ﻭﻗﺎﻝ ﺇﻧﻪ ﻗﻮﻝ ﺃﺑﻲ ﺣﻨﻴﻔﺔ ﻭﻣﺎﻟﻚ ﻭﺍﻟﺸﺎﻓﻌﻲ ﻭﺍﻷﺷﻌﺮﻱ ﻭﺍﻟﺒﺎﻗﻼﻧﻲ – ﺫﻛﺮﻩ ﻓﻲ ﻛﺘﺎﺑﻪ "ﺷﺮﺡ ﺍﻟﻤﺸﻜﺎﺓ" (3/300) 24- Pitharo O Imam Molla Ali Al-Qari Al-Hanafi (Died 1014 A.H.): “Miyatharo O Mga Ulama Ko Mga Salaf (Miyanga-Uuna) Agoso Mga Khalaf (Miyangauuri) A Mataana So Tao A Aya Panarima Iyan Na Adn A Kakadnan O Allah A Darpa Na Kafir!, Sa Aya Kabasa O Imam Iraqi Na Giyanan Kon I Katharo O Imam Abu Hanifah, Go Malik, Go Shafii, Go Imam Ash’ari, Go Baqillani (Sa Piyakakapir Iran So Tao A Aya Panarima Iyan Na Adn A Katatago-An Ko Allah A Darpa). ﻗﺎﻝ ﺍﻟﺸﻴﺦ ﺍﻟﻜﻮﺛﺮﻱ ﻭﻛﻴﻞ ﺍﻟﻤﺸﻴﺨﺔ ﺍﻹﺳﻼﻣﻴﺔ ﻓﻲ ﺩﺍﺭ ﺍﻟﺨﻼﻓﺔ ﺍﻟﻌﺜﻤﺎﻧﻴﺔ )1371ﻫـ( ﻣﺎ ﻧﺼﻪ: "ﺇﻥ ﺍﻟﻘﻮﻝ ﺑﺈﺛﺒﺎﺕ ﺍﻟﺠﻬﺔ ﻟﻪ ﺗﻌﺎﻟﻰ ﻛﻔﺮ ﻋﻨﺪ ﺍﻷﺋﻤﺔ ﺍﻷﺭﺑﻌﺔ ﻫﺪﺍﺓ ﺍﻷﻣﺔ ﻛﻤﺎ ﻧﻘﻞ ﻋﻨﻬﻢ ﺍﻟﻌﺮﺍﻗﻲ ﻋﻠﻰ ﻣﺎ ﻓﻲ "ﺷﺮﺡ ﺍﻟﻤﺸﻜﺎﺓ" ﻟﻌﻠﻲ ﺍﻟﻘﺎﺭﻱ" ﺍﻫـ 25 – Pitharo O Imam Zahid Al-Kauthari Al-Hanafi: “So Diyon Gikatharoa Sa Adn A Darpa A Katatago-An Ko Allah Na Kakafiri Anan (A Panarima A Kiyokomanon) O Pat A Imam…”. ﻭﻧﻘﻞ ﻋﺒﺪ ﺍﻟﺮﺣﻤﻦ ﺍﻟﺠﺰﻳﺮﻱ )ﻓﻲ ﻛﺘﺎﺑﻪ ﺍﻟﻔﻘﻪ ﻋﻠﻰ ﺍﻟﻤﺬﺍﻫﺐ ﺍﻷﺭﺑﻌﺔ ﻓﻲ ﺍﻟﻤﺠﻠﺪ ﺍﻟﺨﺎﻣﺲ ﺹ: 396( ﺗﻜﻔﻴﺮ ﺍﻟﻤﺠﺴﻢ، ﻳﻌﻨﻲ ﺃﻥ ﺍﻟﻤﺠﺴﻢ ﻛﺎﻓﺮ ﻓﻲ ﺍﻟﻤﺬﺍﻫﺐ ﺍﻷﺭﺑﻌﺔ ﻳﻌﻨﻲ ﺍﻹﺟﻤﺎﻉ. Na sakamauto mambo si Shiekh Abdul-Rahman Al-Juzairy na pitharo iyan a miya-ijma (miyaompong) so Pat a Imam sa kiyapakakafira iran ko Mujassim!. -26 ﻗﺎﻝ ﺍﻹﻣﺎﻡ ﺍﻟﻄﺤﺎﻭﻱ ﺍﻟﺤﻨﻔﻲ " :ﻻ ﺗﺤﻮﻳﻪ ﺍﻟﺠﻬﺎﺕ ﺍﻟﺴﺖ" ﺍﻫـ ﺍﻟﻌﻘﻴﺪﺓ ﺍﻟﻄﺤﺎﻭﻳﺔ". ﺍﻫـ 26- Pitharo O Imam At-Tahawi Al-Hanafi (Died 321 A.H.) : “So Allah Na Angiyas Ska Niyan Ko Darpa Sa Poro, Go Baba, Go So Darpa Sa Ona-An Ago Sa Talikodan, Ago Angiyas Ska Niyan Ko Darpa Sa Tampar Sa Kawanan, Go Sa Diwang.” -27 ﻗﺎﻝ ﺍﻹﻣﺎﻡ ﻋﺒﺪ ﺍﻟﻘﺎﻫﺮ ﺍﻟﺒﻐﺪﺍﺩﻱ ﺍﻟﺸﺎﻓﻌﻲ " :ﻭﺃﺟﻤﻌﻮﺍ- ﺃﻱ ﺃﻫﻞ ﺍﻟﺴﻨﺔ- ﻋﻠﻰ ﺃﻧﻪ- ﺃﻱ ﺍﻟﻠﻪ- ﻻ ﻳﺤﻮﻳﻪ ﻣﻜﺎﻥ ﻭﻻ ﻳﺠﺮﻱ ﻋﻠﻴﻪ ﺯﻣﺎﻥ ." ﺍﻫـ ﺍﻟﻔﺮﻕ ﺑﻴﻦ ﺍﻟﻔﺮﻕ 292 27- Pitharo O Imam Abdul Qahir Al-Bagdadi Al-Shafi’i (429 Ah): “Miyaompong So Mga Ahlussunah A Mataana So Allah Na Angiyas Ska Niyan Ko Darpa, Go Di Ska Niyan Zagadn A Masa.” -28 ﻗﺎﻝ ﺍﻹﻣﺎﻡ ﺍﺑﻦ ﺑﻄﺎﻝ ﺍﻟﻤﺎﻟﻜﻲ " :ﻏﺮﺽ ﺍﻟﺒﺨﺎﺭﻱ ﻓﻲ ﻫﺬﺍ ﺍﻟﺒﺎﺏ ﺍﻟﺮﺩ ﻋﻠﻰ ﺍﻟﺠﻬﻤﻴﺔ ﺍﻟﻤﺠﺴﻤﺔ ﻓﻲ ﺗﻌﻠﻘﻬﺎ ﺑﻬﺬﻩ ﺍﻟﻈﻮﺍﻫﺮ، ﻭﻗﺪ ﺗﻘﺮﺭ ﺃﻥ ﺍﻟﻠﻪ ﻟﻴﺲ ﺑﺠﺴﻢ ﻓﻼ ﻳﺤﺘﺎﺝ ﺇﻟﻰ ﻣﻜﺎﻥ ﻳﺴﺘﻘﺮ ﻓﻴﻪ، ﻓﻘﺪ ﻛﺎﻥ ﻭﻻ ﻣﻜﺎﻥ ." ﺍﻫـ ﻓﺘﺢ ﺍﻟﺒﺎﺭﻱ(13/ 416). 28- Pitharo O Imam Ibn Battal Al-Maliki (Died 449 A.H.) : “Aya Antap O Imam Bokhari Sa Giyai A Topic Na Smbag Iyan Aya Ko Mga “Jahmiyyah Mujassimah” Ka Sabap Ko Kipndaliln Iran Ko Mga Literal O Mga Nass, A Badi So Allah Na Knaba Ska Niyan Jism, A Diniyan Makha-Kailangan So Darpa A Khadnan Iyan.” Naman ka taman ko Imam Bokhari na aya pn a Aqeedah niyan na Angiyas so Allah sa darpa !. - 29 ﻗﺎﻝ ﺍﻹﻣﺎﻡ ﺃﺑﻮ ﺍﻟﻤﻌﻴﻦ ﺍﻟﻨﺴﻔﻲ ﺍﻟﺤﻨﻔﻲ" :ﺍﻟﻘﻮﻝ ﺑﺎﻟﻤﻜﺎﻥ- ﺃﻱ ﻓﻲ ﺣﻖ ﺍﻟﻠﻪ- ﻣﻨﺎﻓﻴﺎ ﻟﻠﺘﻮﺣﻴﺪ". ﺍﻫـ ﺗﺒﺼﺮﺓ ﺍﻷﺩﻟﺔ )171 /1 ﻭ 182. 29- Pitharo O Imam Abul Mo’een An-Nasafi Al-Hanafi (Died 508 A.H.): “So Katharoa Sa And A Darpa O Allah (A Kakadnan Iyan) Na Kha-Antiyor Iyan So Kapakaisaisaa Ko Allah.” - - 30 ﻗﺎﻝ ﺍﻹﻣﺎﻡ ﺍﻟﺮﻓﺎﻋﻲ ﺍﻟﺸﺎﻓﻌﻲ" :ﻏﺎﻳﺔ ﺍﻟﻤﻌﺮﻓﺔ ﺑﺎﻟﻠﻪ ﺍﻹﻳﻘﺎﻥ ﺑﻮﺟﻮﺩﻩ ﺗﻌﺎﻟﻰ ﺑﻼ ﻛﻴﻒ ﻭﻻ ﻣﻜﺎﻥ " ﺍﻫـ ﻛﺘﺎﺏ ﺣﻜﻢ ﺍﻟﺸﻴﺦ ﺃﺣﻤﺪ ﺍﻟﺮﻓﺎﻋﻲ ﺍﻟﻜﺒﻴﺮ )ﺹ-35 / 36” 30 – Pitharo O Imam Ar-Rifa’i Al-Shafi’i (Died 578 A.H.): “Aya Pithamanan A Maporo A Knal Ko Allah Na So Kaparatiya A Ko Kapamakamomo-Ayan Iyan Sa Dadn A Ropaan Iyan, Go Knaba Ska Niyan Komakadn Sa Darpa.” - - 31 ﻗﺎﻝ ﺍﻹﻣﺎﻡ ﺍﺑﻦ ﺍﻟﺠﻮﺯﻱ ﺍﻟﺤﻨﺒﻠﻲ ":ﺍﻟﻮﺍﺟﺐ ﻋﻠﻴﻨﺎ ﺃﻥ ﻧﻌﺘﻘﺪ ﺃﻥ ﺫﺍﺕ ﺍﻟﻠﻪ ﺗﻌﺎﻟﻰ ﻻ ﻳﺤﻮﻳﻪ ﻣﻜﺎﻥ ﻭﻻ ﻳﻮﺻﻒ ﺑﺎﻟﺘﻐﻴﺮ ﻭﺍﻻﻧﺘﻘﺎﻝ." ﺍﻫـ ﺩﻓﻊ ﺷﺒﻪ ﺍﻟﺘﺸﺒﻴﻪ ﺹ58/ 31- Pitharo O Imam Ibn Al-Jauzi Al-Hambali (Died 597 A.H.): “Wajib Rktano So Kaparatiyaa Tano A Mataana So Allah Na Angiyas Ska Niyan Ko Darpa, Go Di Ska Niyan Khiropa Sa Kapamagalinalin Ago Kathotogalin.” - - 32 ﻗﺎﻝ ﺍﻹﻣﺎﻡ ﻣﺤﻤﺪ ﻋﺮﺑﻲ ﺍﻟﺘﺒﺎﻧﻲ ﺍﻟﻤﺎﻟﻜﻲ " :ﺍﺗﻔﻖ ﺍﻟﻌﻘﻼﺀ ﻣﻦ ﺃﻫﻞ ﺍﻟﺴﻨﺔ ﺍﻟﺸﺎﻓﻌﻴﺔ ﻭﺍﻟﺤﻨﻔﻴﺔ ﻭﺍﻟﻤﺎﻟﻜﻴﺔ ﻭﻓﻀﻼﺀ ﺍﻟﺤﻨﺎﺑﻠﺔ ﻭﻏﻴﺮﻫﻢ ﻋﻠﻰ ﺃﻥ ﺍﻟﻠﻪ ﺗﺒﺎﺭﻙ ﻭﺗﻌﺎﻟﻰ ﻣﻨﺰﻩ ﻋﻦ ﺍﻟﺠﻬﺔ ﻭﺍﻟﺠﺴﻤﻴﺔ ﻭﺍﻟﺤﺪ ﻭﺍﻟﻤﻜﺎﻥ ﻭﻣﺸﺎﺑﻬﺔ ﻣﺨﻠﻮﻗﺎﺗﻪ". ﺍﻫـ ﺑﺮﺍﺀﺓ ﺍﻷﺷﻌﺮﻳﻴﻦ )79 /1 32- Pitharo i Shiekh Mohammad Arabi at-tabbani Al-Maliki (died 1395 A.H.) : “Miyaompong so mga Ulama ko mga Ahlussunnah a mga Shafii, go mga Hanafi, go mga Maliki, go so kadadayo-an Ko mga Hambali ago so salakaw kiran a Mata-ana so Allah na angiyas ko katamparan (direction), go angiyas ko Lawas/badan, go daa tamana iyan, go daa darpa iyan, go dadn a lagid iyan ko mga kaadn iyan.” - - 33 ﻗﺎﻝ ﺍﻹﻣﺎﻡ ﻋﻴﺎﺽ ﺍﻟﻤﺎﻟﻜﻲ " :ﻻ ﺧﻼﻑ ﺑﻴﻦ ﺍﻟﻤﺴﻠﻤﻴﻦ ﻗﺎﻃﺒﺔ ﻓﻘﻴﻬﻬﻢ ﻭﻣﺤﺪﺛﻬﻢ ﻭﻣﺘﻜﻠﻤﻬﻢ ﻭﻧﻈﺎﺭﻫﻢ ﻭﻣﻘﻠﺪﻫﻢ ﺃﻥ ﺍﻟﻈﻮﺍﻫﺮ ﺍﻟﻮﺍﺭﺩﺓ ﺑﺬﻛﺮ ﺍﻟﻠﻪ ﺗﻌﺎﻟﻰ ﻓﻲ ﺍﻟﺴﻤﺎﺀ ﻛﻘﻮﻟﻪ ﺗﻌﺎﻟﻰ: ) ﺃﺃﻣﻨﺘﻢ ﻣﻦ ﻓﻲ ﺍﻟﺴﻤﺎﺀ( ﻭﻧﺤﻮﻩ ﻟﻴﺴﺖ ﻋﻠﻰ ﻇﺎﻫﺮﻫﺎ ﺑﻞ ﻣﺘﺄﻭﻟﺔ ﻋﻨﺪ ﺟﻤﻴﻌﻬﻢ". ﺍﻫـ ﺷﺮﺡ ﺻﺤﻴﺢ ﻣﺴﻠﻢ ﻟﻠﻨﻮﻭﻱ ﺹ 22 33- Pitharo O Imam Iyadh Al-Maliki (Died 544 A.H.) : “Dadn Kazozopakai O Mga Muslim, Mlagid So Mga Foqaha Kiran, Go Mga Muhaddithen Kiran, Go Mga Mutakallim Kiran, Go So Miyamanondog Kiran A Mataana So Literal A Meaning O Katharo O Allah (( ﺃﺃﻣﻨﺘﻢ ﻣﻦ ﻓﻲ ﺍﻟﺴﻤﺎﺀ ) Ago So NdaـDatar Anan A Mga Ayat Na Di Khakowa So Literal A Maana Niyan, Ka Aya Mataana So Ongangn Anan Na Aya Iran Pkhowaan.” - -34 ﻗﺎﻝ ﺍﻹﻣﺎﻡ ﺍﻟﻘﻀﺎﻋﻲ ﺍﻟﺸﺎﻓﻌﻲ " :ﺃﺟﻤﻊ ﺃﻫﻞ ﺍﻟﺤﻖ ﻣﻦ ﻋﻠﻤﺎﺀ ﺍﻟﺴﻠﻒ ﻭﺍﻟﺨﻠﻒ ﻋﻠﻰ ﺗﻨﺰﻩ ﺍﻟﺤﻖ- ﺳﺒﺤﺎﻧﻪ- ﻋﻦ ﺍﻟﺠﻬﺔ ﻭﺗﻘﺪﺳﻪ ﻋﻦ ﺍﻟﻤﻜﺎﻥ." ﺍﻫـ ﻓﺮﻗﺎﻥ ﺍﻟﻘﺮﺀﺍﻥ )ﻣﻄﺒﻮﻉ ﻣﻊ ﻛﺘﺎﺏ ﺍﻷﺳﻤﺎﺀ ﻭﺍﻟﺼﻔﺎﺕ ﻟﻠﺒﻴﻬﻘﻲ( )ﺹ93/( 34- Pitharo I Shiekh Salamah Al-Qadha’i Ash-Shafi’i (Died 1376 A.H.): “Miya-Ompong So Mga Ahlussunnah Ko Mga Ulama A Salaf (Miyanga-Uuna) Ago So Ulama Ko Mga Khalaf (Miyanga-Uuri) Sa Ka-Aangiyas O Allah Ko Direction/Katamparan Ago So Ka- Aangiyas Iyan Sa Darpa.” - -35 ﻗﺎﻝ ﺍﻹﻣﺎﻡ ﺯﺍﻫﺪ ﺍﻟﻜﻮﺛﺮﻱ ﺍﻟﺤﻨﻔﻲ " :ﻳﻘﻮﻟﻪ ﺳﺒﺤﺎﻧﻪ ﻟﻴﺲ ﻛﻤﺜﻠﻪ ﺷﻲﺀ" )/11 ﺳﻮﺭﺓ ﺍﻟﺸﻮﺭﻯ( ﻧﺺ ﻓﻲ ﻧﻔﻲ ﺍﻟﺠﻬﺔ ﻋﻨﻪ ﺗﻌﺎﻟﻰ، ﺇﺫ ﻟﻮ ﻟﻢ ﺗﻨﻒ ﻋﻨﻪ ﺍﻟﺠﻬﺔ ﻟﻜﺎﻧﺖ ﻟﻪ ﺃﻣﺜﺎﻝ ﻻ ﺗﺤﺼﻰ، ﺗﻌﺎﻟﻰ ﺍﻟﻠﻪ ﻋﻦ ﺫﻟﻚ." ﺍﻫـ ﺗﻜﻤﻠﺔ ﺍﻟﺮﺩ ﻋﻠﻰ ﻧﻮﻧﻴﺔ ﺍﺑﻦ ﺍﻟﻘﻴﻢ ﺹ 102 35- Pitharo O Imam Zahid Al-Kauthari Al-Hanafi (Died 1371 A.H.): “So Kiyatharoa O Allah Ko Katharo Iyan A : (Laysa Kamithlihi Shai) Maana Dadn A Lagid Iyan A Shai, Na Giyanan Dni Kiyatharoa Niyanon Sa Di Ska Niyan Maka-Pkailangan Sa Darpa, Ka Opama Ko Knaba Ska Niyan Angiyas Ko Darpa Na Madakl A Miplagid Iyan (A Komakadn Mambo Sa Darpa), Na Angiyas San So Allah.” - -36 ﻗﺎﻝ ﺍﻟﺸﻴﺦ ﻣﺨﻠﻮﻑ " :ﻣﻨﺰﻩ ﻋﻦ ﺟﻤﻴﻊ ﺍﻟﻨﻘﺎﺋﺺ، ﻭﺳﻤﺎﺕ ﺍﻟﺤﺪﻭﺙ، ﻭﻣﻨﻬﺎ ﺍﻟﺰﻣﺎﻥ ﻭﺍﻟﻤﻜﺎﻥ، ﻓﻼ ﻳﻘﺎﺭﻧﻪ ﺯﻣﺎﻥ ﻭﻻ ﻳﺤﻮﻳﻪ ﻣﻜﺎﻥ ﺇﺫ ﻫﻮ ﺍﻟﺨﺎﻟﻖ ﻟﻬﻤﺎ ﻓﻜﻴﻒ ﻳﺤﺘﺎﺝ ﺇﻟﻴﻬﻤﺎ". ﺍﻫـ ﻣﺨﺘﺼﺮ ﺷﺮﺡ ﻋﻘﻴﺪﺓ ﺃﻫﻞ ﺍﻻﺳﻼﻡ )ﺹ13 -12 /(. 36- Pitharo I Shiekh Mohammad Makhlof A Miyauna A Mufti Sa Misir (Died 1355 A.H.) : “So Allah Na Angiyas Ko Mga Korang A Sifat, Go Angiyas Ska Niyan Ko Mga Sifat A Kaadn, Lagid O Masa Ago Darpa (Na Angiyas Ska Niyan San). Sa Di Ska Niyan Zagadn A Masa, Go Diska Niyan Khatangkal Ko Darpa, Ka Sabap Sa Ska Niyan I Miyadn Ko Masa Ago Darpa, Na Anda Manaya I Kapkhailangana Niyanon I Ska Niyan Miyadnon.” - - 37 ﻗﺎﻝ ﺍﻟﺸﻴﺦ ﻣﺤﻤﺪ ﺍﻟﺸﻨﻘﻴﻄﻲ " :ﺇﻥ ﺍﻟﻠﻪ ﺗﻌﺎﻟﻰ ﻟﻴﺲ ﺑﺠﺴﻢ، ﻓﻼ ﻳﺤﺘﺎﺝ ﺍﻟﻰ ﻣﻜﺎﻥ ﻳﺴﺘﻘﺮ ﻓﻴﻪ، ﻓﻘﺪ ﻛﺎﻥ ﻭﻻ ﻣﻜﺎﻥ". ﺍﻫـ ﺍﺳﺘﺤﺎﻟﺔ ﺍﻟﻤﻌﻴﺔ ﺑﺎﻟﺬﺍﺕ: ﺍﻟﻤﺒﺤﺚ ﺍﻟﺜﺎﻣﻦ ﻓﻲ ﺍﻟﻨﺰﻭﻝ ﻭﺍﻟﺼﻌﻮﺩ ﻭﺍﻟﻌﺮﻭﺝ )ﺹ277 / 37 – Pitharo I Shiekh Mohammad Al-Khadhr Ash-Shingqeeti A Miyauna A Grand Mufti Sa Madinah Monawwarah (Died 1353 A.H.) : “Mataana So Allah Na Knaba Ska Niyan Jism, Na Diniyan Makha-Kaylangan So Darpa A Khadnan Iyan, Sabap Sa Dapn Maadn So Darpa Na Makamomo-Ayan Ska Niyan Dn.” -38 ﻗﺎﻝ ﺍﻟﺸﻴﺦ ﻣﺤﻤﻮﺩ ﺍﻟﺴﺒﻜﻲ ﺍﻟﻤﺎﻟﻜﻲ " :ﻭﺃﻣﺎ ﻣﺬﻫﺐ ﺍﻟﺴﻠﻒ ﻭﺍﻟﺨﻠﻒ ﺑﺎﻟﻨﺴﺒﺔ ﻟﻶﻳﺎﺕ ﻭﺍﻷﺣﺎﺩﻳﺚ ﺍﻟﻤﺘﺸﺎﺑﻬﺔ ﻓﻘﺪ ﺍﺗﻔﻖ ﺍﻟﻜﻞ ﻋﻠﻰ ﺃﻥ ﺍﻟﻠﻪ ﺗﻌﺎﻟﻰ ﻣﻨﺰﻩ ﻋﻦ ﺻﻔﺎﺕ ﺍﻟﺤﻮﺍﺩﺙ، ﻓﻠﻴﺲ ﻟﻪ ﻋﺰ ﻭﺟﻞ ﻣﻜﺎﻥ ﻓﻲ ﺍﻟﻌﺮﺵ ﻭﻻ ﻓﻲ ﺍﻟﺴﻤﺎﺀ ﻭﻻ ﻓﻲ ﻏﻴﺮﻫﻤﺎ". ﺍﻫـ ﺇﺗﺤﺎﻑ ﺍﻟﻜﺎﺋﻨﺎﺕ )ﺹ5 / 38- Pitharo I Sheikh Mahmod As-Sobki Al-Maliki (Died 1352 A.H.) : “Aya Madhab O Mga Ulama A Mga Salaf (Miyanga-Uuna) Ago So Mga Khalaf (Miyanga-Uuri) Sii Ko Mga Ayat Ago Hadith A Motashabihat, Na Miya-Ompong Siran Sa Mataana So Allah Na Angiyas Ska Niyan Ko Mga Ropa-An O Mga Kaadn . Sa Dadn A Darpa O Allah A Kakadnan Iyan Ko Arsh, Go Daa Darpa Iyan A Kakadnan Iyan Ko Langit Ago So Salakaw San A Darpa.” - 39 ﻗﺎﻝ ﺍﻟﺸﻴﺦ ﻋﺒﺪ ﺍﻟﺒﺎﺳﻂ ﺍﻟﻔﺎﺧﻮﺭﻱ ﺍﻟﺸﺎﻓﻌﻲ " :ﺗﻨﺰﻩ- ﺃﻱ ﺍﻟﻠﻪ- ﻋﻦ ﺍﻟﻤﻜﺎﻥ ﻭﺍﻟﺰﻣﺎﻥ". ﺍﻫـ ﺍﻟﻤﺠﺎﻟﺲ ﺍﻟﺴﻨﻴﺔ )ﺹ2 / 39- Pitharo I Shiekh Abdul Basit Al-Fakhoori Al-Shafii A Miyauna A Mufti Sa Lebanon (Died 1323 A.H.): “So Allah Na Di Ska Niyan Katangkal Ko Darpa, Go Di Ska Niyan Zagadn A Masa.” - 40 ﻗﺎﻝ ﺍﻟﺸﻴﺦ ﻣﺤﻤﺪ ﻧﻮﻭﻱ ﺍﻟﺠﺎﻭﻱ ﺍﻟﺸﺎﻓﻌﻲ " :ﻭﻛﻞ ﻣﺎ ﺧﻄﺮ ﺑﺒﺎﻟﻚ ﻣﻦ ﺻﻔﺎﺕ ﺍﻟﺤﻮﺍﺩﺙ ﻻ ﺗﺼﺪﻕ ﺃﻥ ﻓﻲ ﺍﻟﻠﻪ ﺷﻴﺌﺎ ﻣﻦ ﺫﻟﻚ، ﻭﻟﻴﺲ ﻟﻪ ﻣﻜﺎﻥ ﺃﺻﻼ ﻓﻠﻴﺲ ﺩﺍﺧﻼ ﻓﻲ ﺍﻟﺪﻧﻴﺎ ﻭﻻ ﺧﺎﺭﺟﺎ ﻋﻨﻬﺎ." ﺍﻫـ ﻧﻮﺭ ﺍﻟﻈﻼﻡ ﺷﺮﺡ ﻣﻨﻈﻮﻣﺔ ﻋﻘﻴﺪﺓ ﺍﻟﻌﻮﺍﻡ )ﺹ37/ 40- Pitharo I Shiekh Mohammad Nawawi Al-Jawi Al-Shafii (Died 1316 A.H.): “So Langowan A Ropaan O Kaadn A Iptholad O Pamikiran Ka Na Palaya Oto Di Domadait Ko Allah. Ka So Allah Na Daa Darpa Iyan, Ka Di Khapakay Aba Ska Niyan Ropaan Sa Somosold Ko Doniya, Go Di Khapakay Aba Ska Niyan Ropaan Sa Lomiliyo Ko Doniya.” Aya maana anan na so Allah na knaba ska niyan domadarpa ko sold o Doniya, go knaba ska niyan domadarpa ko liyo o Doniya ka aya bo a ptharima sa Darpa ago makakha-kaylangan sa Darpa na sobo so Jism, na so Allah na knaba Ska niyan Jism. - 41 ﻗﺎﻝ ﺍﻟﺸﻴﺦ ﻋﺒﺪ ﺍﻟﻐﻨﻲ ﺍﻟﺪﻣﺸﻘﻲ ﺍﻟﺤﻨﻔﻲ " :ﻓﻴﺘﻨﺰﻩ ﺳﺒﺤﺎﻧﻪ ﻭﺗﻌﺎﻟﻰ ﻋﻦ ﺟﻤﻴﻊ ﺍﻷﻣﻜﻨﺔ ﺍﻟﻌﻠﻮﻳﺔ ﻭﺍﻟﺴﻔﻠﻴﺔ ﻭﻣﺎ ﺑﻴﻨﻬﻤﺎ". ﺍﻫـ ﺭﺍﺋﺤﺔ ﺍﻟﺠﻨﺔ ﺷﺮﺡ ﺇﺿﺎﺀﺓ ﺍﻟﺪﺟﻨﺔ )ﺹ49 -48/ 41– Pitharo I Shiekh Abdul Gani Addimashqi Al-Hanafi (Died 1143 A.H.) : “So Allah Na Daa Kakadnan Iyan Ko Langowan A Darpa Sa Poro, Goso Langowan A Darpa Sa Baba, Go Daa Kakadnan Iyan A Darpa Ko Pagltan O Poro Ago Baba.” - 42 ﻗﺎﻝ ﺍﻟﺸﻴﺦ ﻣﺤﻤﺪ ﺍﺑﻦ ﻋﻼﻥ ﺍﻟﺸﺎﻓﻌﻲ " :ﺇﻥ ﺍﻟﻠﻪ ﻓﻮﻕ ﻛﻞ ﻣﻮﺟﻮﺩ ﻣﻜﺎﻧﺔ ﻭﺍﺳﺘﻴﻼﺀ ﻻ ﻣﻜﺎﻧﺎ ﻭﺟﻬﺔ". ﺍﻫـ ﺍﻟﻔﺘﻮﺣﺎﺕ ﺍﻟﺮﺑﺎﻧﻴﺔ )ﻣﺠﻠﺪ /4 7/327 42- Pitharo I Shiekh Mohammad Ibn Allan Assiddiqi Al-Shafii (Died 1057 A.H.): “Mataana So Allah Na Oombawan Iyan So Langowan Taman A Kaadn Sa Kaphaporo A Pangkatan Ago Bantogan, Sa Knaba Kaphaporo A Matatago Ska Niyan Sa Darpa Ago Katamparan.” -43 ﻗﺎﻝ ﺍﻹﻣﺎﻡ ﺯﻛﺮﻳﺎ ﺍﻷﻧﺼﺎﺭﻱ ﺍﻟﺸﺎﻓﻌﻲ" :ﻫﻮ ﺗﻌﺎﻟﻰ ﻣﻨﺰﻩ ﻋﻦ ﻛﻞ ﻣﻜﺎﻥ". ﺍﻫـ ﻓﺘﺢ ﺍﻟﺮﺣﻤﻦ: ﺗﻔﺴﻴﺮ ﺳﻮﺭﺓ ﺍﻟﻤﻠﻚ )ﺹ595 / 43- Pitharo O Imam Zacariya Al-Ansari Al-Shafii (Died 926 A.H.): “So Allah Na Angiyas Ko Langowan A Darpa.” - 44 ﻗﺎﻝ ﺍﻹﻣﺎﻡ ﺷﻬﺎﺏ ﺍﻟﺪﻳﻦ ﺍﺑﻦ ﺟﻬﺒﻞ ﺍﻟﺸﺎﻓﻌﻲ" :ﻧﺤﻦ ﻧﺬﻛﺮ ﻋﻘﻴﺪﺓ ﺃﻫﻞ ﺍﻟﺴﻨﺔ ﻓﻨﻘﻮﻝ: ﻋﻘﻴﺪﺗﻨﺎ ﺃﻥ ﺍﻟﻠﻪ ﻗﺪﻳﻢ ﺃﺯﻟﻲ، ﻻ ﻳﺸﺒﻪ ﺷﻴﺌﺎ ﻭﻻ ﻳﺸﺒﻬﻪ ﺷﻰﺀ، ﻟﻴﺲ ﻟﻪ ﺟﻬﺔ ﻭﻻ ﻣﻜﺎﻥ، ﻭﻻ ﻳﺠﺮﻱ ﻋﻠﻴﻪ ﻭﻗﺖ ﻭﻻ ﺯﻣﺎﻥ، ﻭﻻ ﻳﻘﺎﻝ ﻟﻪ ﺃﻳﻦ"..ﺍﻫـ ﻃﺒﻘﺎﺕ ﺍﻟﺸﺎﻓﻌﻴﺔ ﺍﻟﻜﺒﺮﻯ 9/41 44- Pitharo O Imam Shihabodden Ibni Jahbal Asl-Shafii (Died 733 A.H.): “Kataya A Pagalowin Tano So Aqeedah Tano A Ahlussunnah: Aya Aqeedah Tano Na So Allah Na “Qadeem” Dadn Aba Niyan Poonan, Go Daa Lagid Iyan A Shai, Go Daa Shai A Minipulagid Iyan. Daa Jihah/Darpa O Allah, Go Di Suka Niyan Zagadun A Oras Ago Masa, Go Dikhaosar Sii Ko Allah So Pakaiza - Anda Ska Niyan?.” - 45 ﻗﺎﻝ ﺍﻹﻣﺎﻡ ﺍﻟﻨﻮﻭﻱ ﺍﻟﺸﺎﻓﻌﻲ" :ﺇﻥ ﺍﻟﻠﻪ ﺗﻌﺎﻟﻰ ﻟﻴﺲ ﻛﻤﺜﻠﻪ ﺷﻰﺀ , ﻣﻨﺰﻩ ﻋﻦ ﺍﻟﺘﺠﺴﻴﻢ ﻭﺍﻻﻧﺘﻘﺎﻝ ﻭﺍﻟﺘﺤﻴﺰ ﻓﻲ ﺟﻬﺔ ﻭﻋﻦ ﺳﺎﺋﺮ ﺻﻔﺎﺕ ﺍﻟﻤﺨﻠﻮﻕ". ﺍﻫـ ﺷﺮﺡ ﺻﺤﻴﺢ ﻣﺴﻠﻢ 45- Pitharo O Imam Nawawi Al-Shafii (676 A.H.): “Mataana So Allah Na Dadn A Lagid Iyan A Shai, Mostaheel Oba Ska Niyan Mbaloy A Jism, Go Di Ska Niyan Khiropa Sa Kathotogalin, Go Di Ska Niyan Khadn Sa Darpa, Go Angiyas Ska Niyan Ko Mga Sifat O Makhloq.” -46 ﻗﺎﻝ ﺍﻹﻣﺎﻡ ﺃﺑﻮ ﻣﻨﺼﻮﺭ ﺍﺑﻦ ﻋﺴﺎﻛﺮ ﺍﻟﺸﺎﻓﻌﻲ" :ﻣﻮﺟﻮﺩ ﻗﺒﻞ ﺍﻟﺨﻠﻖ ﻟﻴﺲ ﻟﻪ ﻗﺒﻞ ﻭﻻ ﺑﻌﺪ، ﻭﻻ ﻓﻮﻕ ﻭﻻ ﺗﺤﺖ، ﻭﻻ ﻳﻤﻴﻦ ﻭﻻ ﺷﻤﺎﻝ، ﻭﻻ ﺃﻣﺎﻡ ﻭﻻ ﺧﻠﻒ". ﺍﻫـ ﻃﺒﻘﺎﺕ ﺍﻟﺸﺎﻓﻌﻴﺔ )186 /8 46- Pitharo O Imam Abu Mansor Ibn Asakir (Died 620 A.H.) : “So Allah Na Makamomo-Ayan Dn Ko Da Pn Kaadn O Mga Makhloq, Na Dadn A Onaan O Allah, Go Daa Oriyan Iyan, Go Daa (Shai A Matatago Sii Ko) Kaporo-An Iyan, Go Sii Ko Kababa-An Iyan, Go Sii Ko Tampar Sa Kawanan Ago Diwang.” - 47 ﻗﺎﻝ ﺍﻹﻣﺎﻡ ﺃﺣﻤﺪ ﺍﻟﺮﻓﺎﻋﻲ ﺍﻟﺸﺎﻓﻌﻲ " :ﻭﻃﻬﺮﻭﺍ ﻋﻘﺎﺋﺪﻛﻢ ﻣﻦ ﺗﻔﺴﻴﺮ ﻣﻌﻨﻰ ﺍﻻﺳﺘﻮﺍﺀ ﻓﻲ ﺣﻘﻪ ﺗﻌﺎﻟﻰ ﺑﺎﻻﺳﺘﻘﺮﺍﺭ، ﻛﺎﺳﺘﻮﺍﺀ ﺍﻷﺟﺴﺎﻡ ﻋﻠﻰ ﺍﻷﺟﺴﺎﻡ ﺍﻟﻤﺴﺘﻠﺰﻡ ﻟﻠﺤﻠﻮﻝ، ﺗﻌﺎﻟﻰ ﺍﻟﻠﻪ ﻋﻦ ﺫﻟﻚ. ﻭﺇﻳﺎﻛﻢ ﻭﺍﻟﻘﻮﻝ ﺑﺎﻟﻔﻮﻗﻴﺔ ﻭﺍﻟﺴﻔﻠﻴﺔ ﻭﺍﻟﻤﻜﺎﻥ ﻭﺍﻟﻴﺪ ﻭﺍﻟﻌﻴﻦ ﺑﺎﻟﺠﺎﺭﺣﺔ، ﻭﺍﻟﻨﺰﻭﻝ ﺑﺎﻹﺗﻴﺎﻥ ﻭﺍﻻﻧﺘﻘﺎﻝ". ﺍﻫـ ﺍﻟﺒﺮﻫﺎﻥ ﺍﻟﻤﺆﻳﺪ )ﺹ17/ ﻭ 18( 47- Pitharo O Imam Ahmad Arrifa’i Al-Shafi'i (Died 578 A.H.): “Sotiya Niyo So Mga Aqeedah/Panarima Iyo, Sa Pananggilai Niyo Aba Niyo Mipumaana Ko “Istiwa” So Kakadn/Kapantao Sa Lagid O Kapkhadn O Mga Jism/Kaadn Ko (Lagid Iyan A) Mga Jism/Kaadn, A Makapmamaana Sa Miyakandarpai, Go Pananggilai Niyo Aba Niyo Katmbowi So Allah Sa Darpa Sa Poro Ago Baba, Go Mga Anggaota A Lima Ago Mata, Go Kapanog, Go Kapakauma, Go Kathotogalin (Ka Palaya Dn Anan Special A Ropaan A Kaadn).” ﻗﺎﻝ ﺍﻟﺸﻴﺦ ﻧﻈﺎﻡ ﺍﻟﻬﻨﺪﻱ ﻓﻲ ﻛﺘﺎﺑﻪ ﺍﻟﻔﺘﺎﻭﻯ ﺍﻟﻬﻨﺪﻳﺔ ﺍﻟﻤﺠﻠﺪ ﺍﻟﺜﺎﻧﻲ " :ﻭﻳﻜﻔﺮ ﺑﺈﺛﺒﺎﺕ ﺍﻟﻤﻜﺎﻥ ﻟﻠﻪ". ﺍﻫـ 48- Pitharo O Shiekh Nidham Al-Hindi Al-Hanafi: “Ikhakafir So Katantowi Ko Allah Sa Adn A Darpa Iyan.” - 49 ﻗﺎﻝ ﺍﻹﻣﺎﻡ ﻣﺤﻤﺪ ﺑﻦ ﺑﺪﺭ ﺍﻟﺪﻳﻦ ﺑﻦ ﺑﻠﺒﺎﻥ ﺍﻟﺪﻣﺸﻘﻲ ﺍﻟﺤﻨﺒﻠﻲ ﻓﻲ ﻛﺘﺎﺑﻪ ﻣﺨﺘﺼﺮ ﺍﻹﻓﺎﺩﺍﺕ ﺹ489 : ]ﻓﻤﻦ ﺍﻋﺘﻘﺪ ﺃﻭ ﻗﺎﻝ ﺇﻥ ﺍﻟﻠﻪ ﺑﺬﺍﺗﻪ ﻓﻲ ﻛﻞ ﻣﻜﺎﻥ ﺃﻭ ﻓﻲ ﻣﻜﺎﻥ ﻓﻜﺎﻓﺮ". ﺍﻫـ[ 49- Pitharo O Imam Ibn Balban Al-Hambali (Died 1083 A.H.): “Sadn Sa Tao A Aya Panarima Iyan Odi Na Tharo-On Iyan A So Allah Na Matatago Ko Apiya Anda A Darpa, Odi Na Sii Ko Mattndo A Darpa Na Miyakafir.” ﻭﻧﻘﻞ ﺍﻟﺤﺎﻓﻆ ﺍﻟﻨﻮﻭﻱ ﻋﻦ ﺍﻹﻣﺎﻡ ﺍﻟﻤﺘﻮﻟﻲ ﺍﻟﺸﺎﻓﻌﻲ ﻓﻲ ﺭﻭﺿﺔ ﺍﻟﻄﺎﻟﺒﻴﻦ ﺍﻟﻤﺠﻠﺪ ﺍﻟﻌﺎﺷﺮ ﺹ: " 15ﺃﻥ ﻣﻦ ﻭﺻﻒ ﺍﻟﻠﻪ ﺑﺎﻻﺗﺼﺎﻝ ﻭﺍﻻﻧﻔﺼﺎﻝ ﻛﺎﻥ ﻛﺎﻓﺮﺍ". ﺍﻫـ 50- Pitharo O Imam Nawawi Al-Shafi'i (Died 676 A.H.) : “Sadn Sa Tao A Iropa Niyan So Allah Sa Adn A Kas’skhowanon (A Shai) Ago Mab’blag Ko Shai Na Miyakafir.” ﻭﻗﺎﻝ ﺍﻟﻤﻔﺴﺮ ﺍﻟﺮﺍﺯﻱ ﺍﻟﺸﺎﻓﻌﻲ " :ﺇﻥ ﺍﻋﺘﻘﺎﺩ ﺃﻥ ﺍﻟﻠﻪ ﺟﺎﻟﺲ ﻋﻠﻰ ﺍﻟﻌﺮﺵ ﺃﻭ ﻛﺎﺋﻦ ﻓﻲ ﺍﻟﺴﻤﺎﺀ ﻓﻴﻪ ﺗﺸﺒﻴﻪ ﺍﻟﻠﻪ ﺑﺨﻠﻘﻪ ﻭﻫﻮ ﻛﻔﺮ". ﺍﻫـ 51- Pitharo O Imam Ar-Razi Al-Shafi'i (Died 606 A.H.): “So Kaparatiyaa A Mataana So Allah Na Moontod Ko Poro O Arsh, Odi Na Komakadn Ko Langit Na Timbang A Minisayan So Allah Ko Kaadn Iyan, Na Kakakafiri Anan A Paratiyaya.” Tanato ko madakl so mga katharo o mga ulama/imam sa kaangiyasa iran ago kasosotiya iran ko Allah ko kakakadn/ kaphantao ko darpa a datar o Arsh ago langit ka diniyan anan mapkhailangan. Oriyan a giyai a kiyapangaloya tano ko mga ayat o Allah ago so mga katharo o Nabi (PBUH) ago so katharo o mga ala ko mga Sahaba na samporna ko mga ala a imam/ulama sa giyai a doniya na miyakarayag rktano a isaisa siran i Aqeedah a giyanan so ka- aangiyas o Allah ko darpa ago so mga anggaota. Na giyanan dn mambo i totondogn a Aqeedah o titho a mga Ahlussunnah Wal Jama’ah a siran so mga Sunni Asha’irah/Maturidiyyah. ﻭﺻﻠﻰ ﺍﻟﻠﻪ ﻋﻠﻰ ﺳﻴﺪﻧﺎ ﻣﺤﻤﺪ ﻛﻤﺎ ﺫﻛﺮﻩ ﺍﻟﺬﺍﻛﺮﻭﻥ ﻭ ﻏﻔﻞ ﻋﻦ ﺫﻛﺮﻩ ﺍﻟﻐﺎﻓﻠﻮﻥ