GOGODAN KO 73 A LOMPOKAN

GOGODAN KO 73 A LOMPOKAN ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ﺍﻟﺤﻤﺪ ﻟﻠﻪ ﻭ ﺍﻟﺼﻼﺓ ﻭ ﺍﻟﺴﻼﻡ ﻋﻠﻰ ﺭﺳﻮﻝ ﺍﻟﻠﻪ ﻭ ﻋﻠﻰ ﺁﻟﻪ ﻭ ﺻﺤﺒﻪ ﺃﻣﺎ ﺑﻌﺪ Miya-aloy sa hadith a aya kadakl o kaoparikan ko mngangaran sa mga muslim sii ko Omat o Nabi (PBUH) na 73 a mga Lompokan, na isaisa a Lompokan a phaka-apason a giyanan so Lompokan a pmbtowan sa Ahlussunnah Wal Jama’ah. ﻗﺎﻝ ﺻﻠﻰ ﺍﻟﻠﻪ ﻋﻠﻴﻪ ﻭ ﺳﻠﻢ" :ﺗﻔﺮﻗﺖ ﺍﻟﻴﻬﻮﺩ ﻋﻠﻰ ﺇﺣﺪﻯ ﻭ ﺳﺒﻌﻴﻦ ﻓﺮﻗﺔ ﻭ ﺗﻔﺮﻗﺖ ﺍﻟﻨﺼﺎﺭﻯ ﻋﻠﻰ ﺍﺛﻨﺘﻴﻦ ﻭ ﺳﺒﻌﻴﻦ ﻓﺮﻗﺔ ، ﻭ ﺃﻣﺘﻲ ﺗﺰﻳﺪ ﻋﻠﻴﻬﻢ ﺑﻔﺮﻗﺔ ﻛﻠﻬﺎ ﻓﻲ ﺍﻟﻨﺎﺭ ﺇﻻ ﺍﻟﺴﻮﺍﺩ ﺍﻷﻋﻈﻢ". ﺭﻭﺍﻩ ﺍﺑﻦ ﺣﺠﺮ ﺍﻟﻬﻴﺘﻤﻲ Pitharo o Nabi (pbuh): “kaoparik so mga Yahudi sa pitopolo ago isa ka secta, ago khaoparik so mga kristian sa pitopolo ago dowa ka Lompokan, na so mga omat akn na 73 ka Lompokan, na langon dn khaolog ko naraka inonta so Sawadul a’dham.” ﻭﻋﻦ ﺟﺎﺑﺮ ﺑﻦ ﻋﺒﺪ ﺍﻟﻠﻪ ﺭﺿﻲ ﺍﻟﻠﻪ ﻋﻨﻪ ﻗﺎﻝ: ﻗﺎﻝ ﺭﺳﻮﻝ ﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ" :ﺗﻔﺮﻗﺖ ﺍﻟﻴﻬﻮﺩ ﻋﻠﻰ ﻭﺍﺣﺪﺓ ﻭﺳﺒﻌﻴﻦ ﻓﺮﻗﺔ؛ ﻛﻠﻬﺎ ﻓﻲ ﺍﻟﻨﺎﺭ، ﻭﺗﻔﺮﻗﺖ ﺍﻟﻨﺼﺎﺭﻯ ﻋﻠﻰ ﺛﻨﺘﻴﻦ ﻭﺳﺒﻌﻴﻦ ﻓﺮﻗﺔ؛ ﻛﻠﻬﺎ ﻓﻲ ﺍﻟﻨﺎﺭ، ﻭﺇﻥ ﺃﻣﺘﻲ ﺳﺘﻔﺘﺮﻕ ﻋﻠﻰ ﺛﻼﺙ ﻭﺳﺒﻌﻴﻦ ﻓﺮﻗﺔ؛ ﻛﻠﻬﺎ ﻓﻲ ﺍﻟﻨﺎﺭ؛ ﺇﻻ ﻭﺍﺣﺪﺓ"، ﻓﻘﺎﻝ ﻋﻤﺮ ﺑﻦ ﺍﻟﺨﻄﺎﺏ ﺭﺿﻲ ﺍﻟﻠﻪ ﻋﻨﻪ: ﻳﺎ ﺭﺳﻮﻝ ﺍﻟﻠﻪ! ﺃﺧﺒﺮﻧﺎ ﻣﻦ ﻫﻢ؟ ﻗﺎﻝ" :ﺍﻟﺴﻮﺍﺩ ﺍﻷﻋﻈﻢ." ﺭﻭﺍﻩ ﺃﺳﻠﻢ ﺑﻦ ﺳﻬﻞ ﺍﻟﻮﺍﺳﻄﻲ Miyakathitayan ko Jabir Bin Abdillah (Radhiyallahu anhu) a pitharo iyan a pitharo o Nabi (pbuh): “ khaoparik so mga yahudi sa 71 a Lompokan na langon dn phakanaraka. go khaoparik so mga kristian sa 72 a Lompokan na langon dn phamakanaraka. Na mataan a so omat akn na khaoparik sa pitopolo ago tlo ka Lompokan na langon phamakanaraka inonta ko isaon ka secta. Tigo Omar bin Al-Khattab (radhiyallahu anhu) Ya Rasulallah na tharo angka rkami o anta a giyanan a mga tao a phaka-apas? Na tigo Nabi a siran so Sawadul A’dham.” Piyanothol o Aslam Bin Sahl Al-Wasiti. ﻋﻦ ﻋﺒﺪ ﺍﻟﻠﻪ ﺍﺑﻦ ﻋﻤﺮ ﺭﺿﻲ ﺍﻟﻠﻪ ﻋﻨﻬﻤﺎ ﺃﻧﻪ ﻗﺎﻝ : ﻗﺎﻝ ﺭﺳﻮﻝ ﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ ﻭ ﺳﻠﻢ : ...ﻭ ﺗﻔﺘﺮﻕ ﺃﻣﺘﻲ ﻋﻠﻰ ﺛﻼﺙ ﻭ ﺳﺒﻌﻴﻦ ﻣﻠﺔ ﻛﻠﻬﻢ ﻓﻲ ﺍﻟﻨﺎﺭ ﺇﻻ ﻣﻠﺔ ﻭﺍﺣﺪﺓ ، ﻗﺎﻟﻮﺍ : ﻣﻦ ﻫﻲ ﻳﺎ ﺭﺳﻮﻝ ﺍﻟﻠﻪ؟ ﻗﺎﻝ " : ﻣﺎ ﻋﻠﻴﻪ ﺃﻧﺎ ﻭ ﺃﺻﺤﺎﺑﻲ ".ﺭﻭﺍﻩ ﺍﻟﺘﺮﻣﺬﻱ Miyakathitayan ko Abdullah bin Omar (Radhiyallahu anhuma) a mataana pitharo iyan a pitharo o Nabi (pbuh): “…khaoparik so mga Omat akn sa pitopolo ago tlo ka lompokan, na langon phamakanaraka a rowar ko isaon ka lompokan. Tigo mga sahaba a antai lompokan a phaka-apas Ya Rasulallah? Tigo Nabi a giyanan so Lompokan a andodon so aqeedah/okitokit akn ago so mga Sahaba akn.” Piyanothol o Tirmidhie. Antaa i tiyafsiran o mga Ulama sa giyanan a katharo o Nabi a lompokan a ndodonon so aqeedah/okitokit o nabi ago so mga sahaba niyan a bithowan iyan sa Sawadul A’dham? Smbag: aya maana a Sawadul A’dham na so kadaklan ko mga Muslim sii ko omat o nabi. na aya kadaklan ko mga Muslim sii ko Omat o Nabi na aya aqeedah iran na Sunni Asha’irah/ Matoridiyyah, a siran so mga tao a kkdgn iran so Aqeedah ago Okitokit o Nabi ago so mga Sahaba niyan. Siran i mga tao a phamaka-apas. So Imam Ibn Hajar Al-Haytami Asshafi’i na aya katharo iyan ko oriyan o kiya-aloya niyan sa paganay anan a Hadith: "ﻭ ﻣﻦ ﻫﺬﺍ ﺃﺧﺬ ﺍﻟﻌﻠﻤﺎﺀ ﺃﻥ ﺍﻟﻤﺮﺍﺩ ﺑﺄﻫﻞ ﺍﻟﺴﻨﺔ ﺣﻴﺚ ﺃﻃﻠﻘﻮﺍ ﺃﺗﺒﺎﻉ ﺃﺑﻲ ﺍﻟﺤﺴﻦ ﺍﻷﺷﻌﺮﻱ ﻭ ﺃﺑﻲ ﻣﻨﺼﻮﺭ ﺍﻟﻤﺎﺗﺮﻳﺪﻱ ﻷﻥ ﻫﺆﻻﺀ ﻫﻢ ﺍﻟﺬﻳﻦ ﻋﻠﻰ ﻣﺎ ﻛﺎﻥ ﻋﻠﻴﻪ ﻭ ﺃﺻﺤﺎﺑﻪ ﻭ ﺗﺎﺑﻌﻮﻫﻢ ﻓﻤﻦ ﺑﻌﺪﻫﻢ ﻣﻊ ﺃﻧﻬﻢ ﺍﻟﺴﻮﺍﺩ ﺍﻷﻋﻈﻢ ﺇﺫ ﻻ ﺗﺠﺪ ﻓﺮﻗﺔ ﻣﻦ ﺍﻟﻔﺮﻕ ﻏﻴﺮﻫﻢ ﺍﺷﺘﻬﺮﻭﺍ ﺷﻬﺮﺗﻬﻢ ﻭﻻ ﻛﺜﺮﻭﺍ ﻛﺜﺮﺗﻬﻢ". ﺍﻫـ Maana: “giyoto i sabap a aya titho a piyakamoradan o mga ulama ko Ahlussunnah igira a miyabtho na siran so mga Asha’irah a aya Imam iran sii ko aqeedah na so Imam Abul Hasan ago so mga matoridiyyah a aya imam iran mambo sii ko Aqeedah na so Imam Abu Mansoor Al-Matoridi. Aya sabap sa kiyabthowi kiran sa Ahlussunnah na sabap ko sii siran mookit ko aqeedah ago okitokit o Nabi ago so mga Sahaba niyan ago so mga Tabi’een, go siran i pmbthowan sa Sawadul A’dham (majority). Dadn a matoon ka a lompokan a salakaw kiran a aba miyakalangkap sa lagid o kiyapakalangkap o mga Asha’irah/matoridiyyah, go daa matoon ka a lompkon aba niyan kiyalawanan siran sa kadakal.” ﻗﺎﻝ ﺭﺳﻮﻝ ﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ ﻭ ﺳﻠﻢ " :ﺍﺗﺒﻌﻮﺍ ﺍﻟﺴﻮﺍﺩ ﺍﻷﻋﻈﻢ ﻓﺈﻧﻪ ﻣﻦ ﺷﺬ ﺷﺬ ﻓﻲ ﺍﻟﻨﺎﺭ". ﺭﻭﺍﻩ ﺍﺑﻦ ﻣﺎﺟﻪ Pitharo o Rasulollah (S) : “Aya niyo onoti so (Aqeedah o) Sawadul A'dham (majority ko mga Muslim), ka sadn sa di monot ko Aqeedah o kadaklan (ko mga Muslim) na sii phakasibay ko naraka”. Giyanani Osayan o IMAM ALI AL-QARI sa giyanan a hadith. Aya siyabot san na sadn sa Aqeedah o kadaklan ko mga Muslim na aya khaunotan. Note: so kababaloy o mga Asha’irah/matoridiyyah a siran i Sawadul A’dham (majority) na totomangkdan anan o mga sopaka iran sa aqeedah a datar o mga Salafi ago mga Shia. Piyagistadiyan o mga Ulama tano na aya paka-asal o Langowan a Lompokan a mngangaran sa muslim na walo: 1- Mu’tazilah. 2- Shia. 3- Khawarij. 4- Murji’ah. 5- Najjariyyah. 6- Jibriyyah. 7- Mushabbiha (Mujassimah). 8- Ahlussunnah wal jama’ah. Giyangkanan a pito ron a Lompokan na giyanan i kiyapoonan o mbarambarang a lompokan a mngangaran sa muslim a palaya mbidabida sa usool sii ko Aqeedah, makaliyoliyo sii ko Lompokan a ahlussunnah wal jama’ah ka isaisa a pakamomoradan san a lompokan ka giyanan so Sunni Asha’irah/ Matoridiyyah a maisaisa sa usool sii ko Aqeedah. Note: Aya phagmin sa giyanan a 73 a Lompokan na giyanan so miyakambidabida sa Usool sii ko Aqeedah. salakaw mambo a bitiyara ko mga tao a pmbthowan sa Shafi’iyyah ka sabap ko kaoonot iran ko madhab o Imam Shafi’i, odi na madhab a Hanafi, go Maliki, go Hambali. Ka sii anan panonompang ko madhab ko Fiqh, knaba sii ko Aqeedah. KATAYA SO PAKAMOMORADAN KO 73 A LOMPOKAN: MU’TAZILAH 1- Wasiliyyah 2- Amriyyah 3- Hudhayliyyah 4- Nidhamiyyah 5- Aswadiyyah 6- Iskafiyyah 7- Ja’fariyyah 8- Bashariyyah 9- Mazdawiyyah 10- Hishamiyyah 11- Salihiyyah 12- Haittiyyah 13- Hudaybiyyah 14- Mu’ammariyyah 15- Thumamiyyah 16- Khibatiyyah 17- Jahidhiyyah 18- Ka’biyyah 19- Jubbaiyyah 20- Bahshamiyyah SHIA 21- Galiyyah 22- Zaidiyyah 23- Imamiyyah 24- Mugiriyyah 25- Janahiyyah 26- Mansoriyyah 27- Khitabiyyah 28- Gurabiyyah 29- Zammiyyah 30- Hishamiyyah 31- Zirayah 32- Yunosiyyah 33- Shaytaniyyah 34- Ziramiyyah 35- Mufawwidhah 36- Badaiyyah 37- Nusairiyyah 38- Istihamiyyah 39- Ismaeliyyah 40- Jarodiyyah 41- Solaimaniyyah 42- Bashariyyah KHAWARIJ 43- Muhakkimiyyah 44- Nuhayshiyyah 45- Azarimah 46- Najdat 47- Adhfariyyah 48- Ibadhiyyah 49- Hafsiyyah 50- Yazidiyyah 51- Harithiyyah 52- Sabi’ah 53- Ajaridah 54- Maymuniyyah 55- Hamziyyah 56- Sho’aibiyyah 57- Hazimiyyah 58- Halifiyyah 59- Atrafiyyah 60- Ma’lomiyyah 61- Maj-holiyyah 62- Salaniyyah MURJI’AH 63- Yunosiyyah 64- Ubaydiyyah 65- Gassaniyyah 66- Thaubaniyyah 67- Tomiyyah NAJJARIYYAH 68- Bargothiyyah 69- Za’faraniyyah 70- Mustadrikiyyah 71-JIBRIYYAH 72- MUSHABBIHAH (MUJASSIMAH): Siran so mga tao a inisayan iran so Allah sii ko Makhloq (kaadn) iyan anggolalan ko kiyapakaplawasa iranon sa mga anggaota a parti o Lawas, ago so kiyapakadarpaa iranon sa darpa a ronon kon komiyadn sii ko oriyan o kiya-adna niyan ko mga langit ago lopa. Adn a lompokan sa masa tano aya imanto a makasosold ko Lompokan a Mushabbihah (mujassimah) ka sabap ko kiyatantowa iran ko Allah ko mga literal a maana o mga ayat ago mga hadith a Mutashabihat. ka piyakapmaana iran sa mga anggaota so mga Nass a Mutashabihat, go timpowan iran so Allah sa darpa a kakadnan iyan a giyanan kon so Langit odi na Arsh. Note: sadn sa pkibago a Lompokan a mngangaran sa muslim na sadn sa mipaga-ayon iyan sa usool sii ko Aqeedah sa giyanan a 72 a mga Lompokan a miyanga-aaloy na ronon kithapi. 73- AHLUS SUNNAH WAL JAMA’AH: siran so pmbthowan sa mga Sunni Asha’irah/Matoridiyyah, a siran so mga tao a makaphapasod so Aqeedah iran sii ko Aqeedah o pat a Iman ago mga Sahaba na samporna ko aqeedah o mga Nabi. ﻗﺎﻝ ﺍﻟﺤﺎﻓﻆ ﻣﺮﺗﻀﻰ ﺍﻟﺰﺑﻴﺪﻱ ﺍﻟﺤﻨﻔﻲ ":ﺇﺫﺍ ﺃﻃﻠﻖ ﺃﻫﻞ ﺍﻟﺴﻨﺔ ﻭ ﺍﻟﺠﻤﺎﻋﺔ ﻓﺎﻟﻤﺮﺍﺩ ﺑﻬﻢ ﺍﻷﺷﺎﻋﺮﺓ ﻭ ﺍﻟﻤﺎﺗﺮﻳﺪﻳﺔ". ﺍﻫـ Pitharo o Imam Mortadha Azzabide Al-hanafi: “Igira a miyabtho so term a Ahlussunnah Wal jama’ah na san pakamomorada ko mga Asha’irah ago Matoridiyyah.” ﻗﺎﻝ ﺍﻹﻣﺎﻡ ﺍﻟﺘﻔﺘﺎﺯﺍﻧﻲ ﺍﻟﺸﺎﻓﻌﻲ " :ﻭ ﺍﻟﻤﺸﻬﻮﺭ ﻣﻦ ﺃﻫﻞ ﺍﻟﺴﻨﺔ ﻓﻲ ﺩﻳﺎﺭ ﺧﺮﺍﺳﺎﻥ ﻭ ﺍﻟﻌﺮﺍﻕ ﻭ ﺍﻟﺸﺎﻡ ﻭ ﺃﻛﺜﺮ ﺍﻷﻗﻄﺎﺭ ﻫﻢ – ﺍﻷﺷﺎﻋﺮﺓ – ﺃﺻﺤﺎﺏ ﺃﺑﻲ ﺍﻟﺤﺴﻦ ﺍﻷﺷﻌﺮﻱ. ﻭ ﻓﻲ ﺩﻳﺎﺭ ﻣﺎ ﻭﺭﺍﺀ ﺍﻟﻨﻬﺮ ﺃﻫﻞ ﺍﻟﺴﻨﺔ ﻫﻢ – ﺍﻟﻤﺎﺗﺮﻳﺪﻳﺔ – ﺃﺻﺤﺎﺏ ﺃﺑﻲ ﻣﻨﺼﻮﺭ ﺍﻟﻤﺎﺗﺮﻳﺪﻱ. ﺍﻫـ Pitharo o Imam At-Taftazani Asshafi’i: “aya makalalangkap a pmbthowan sa ahlussunnah wal jama’ah sii ko mga ingd a Khurasan ago sa iraq, go sa Sham, ago sii ko kadaklan ko mga ingd (sa doniya) na siran so mga Asha’irah a moonot ko Aqeedah o Imam Abul Hasan Al-Ash’ari. Na sii pman ko mga ingd sa Transoxiana (Uzbekistan, Tajikistan, Kyrgyzstan,Kazakhstan ) na aya makalalangkap san a pmbthowan sa Ahlussunnah na siran so mga Matoridiyyah a moonot ko aqeedah o Imam Abu Mansor Al- Matoridi.” Misabap san na makasosold sa Ahlussunnah Wal Jama’ah so titho a moonot ko Jama’at da’wah/tabligh ka sabap ko aya aqeedah o mga elders sa giyai a tabligh a datar i Maulana Mohammad Ilyas Al-Kandahlawi (died 1944) na pd sa Sunni Asha’irah/ Matoridiyah. Note: Sadn sa aya aqeedah niyan na sosoti-in iyan so Allah san ko darpa ago so mga anggaota a parti o Lawas, a raks a piyagadatan iyan sa tarotop a adat so mga Mujtahid ko mga ulama/imam a datar o pat a Imam na samporna ko mga Sahaba, go paparatiyaan iyan sa tarotop so mga Usool o Agama na miyakasold ska niyan ko Lompokan a Ahlussunnah Wal Jama’ah. References -1 ﺍﻟﻔﺮﻕ ﺑﻴﻦ ﺍﻟﻔﺮﻕ – ﻟﻺﻣﺎﻡ ﻋﺒﺪ ﺍﻟﻘﺎﻫﺮ ﺍﻟﺒﻐﺪﺍﺩﻱ ﺍﻟﺸﺎﻓﻌﻲ -2 ﺍﻟﻤﻠﻞ ﻭ ﺍﻟﻨﺤﻞ – ﻟﻺﻣﺎﻡ ﺍﻟﺸﻬﺮﺳﺘﺎﻧﻲ -3 ﻣﺠﻤﻮﻉ ﺧﻤﺲ ﺭﺳﺎﺋﻞ ﻓﻲ ﺍﻟﻌﻘﺎﺋﺪ – ﻟﻠﺸﻴﺦ ﻣﺤﻤﺪ ﻳﻮﺳﻒ ﺇﺩﺭﻳﺲ