kangiginawae

So MINGGINAWAI SA PANTAG SII KO ALLAH… Isa a mala a maqbara (cemetery sii sa Jeddah) na adun a sakataw a sheikh a mbovolunteer a aya galbkiyan na skaniyan I prigo sii ko iplbng sa giyankoto a cemetery. Diiniyan panotholn a miyaka isa a alongan na sii ko kaontodakn ka pagayosnko so plistaan ko miyamatay na miyakaoma rakn so pd akn agumagalbk sa pitharo iyan rakn adun a miniyoma roo a miyatay na kailangan so karigowaniyanon. Thigiyan a oway thagowaniyodn ko prigowan ka somambi ako mambo. Siidn ko kiyasongakn ko prigowan na miyaomakoron a sakataw a mama a phakaliyooniyan so langon a taw a somosold ko prigowan a inipamumusako. Opaman ka diko masosolt so nditarn akn a iprigo na baanda pakaliyoo nakoniyampn. Pitharo aknon a kailanganakn so dowakatao a makaogop rakn. Aya pitharo iyan na sakmbo sheikh i magogop rka. Taman ko manga loks ago pagarinka a giyankoto a miyatay na palayadn miyakaliyo. Siidn ko kazawai yami sankoto a miyatay na badn miyakakisk sa tanto a matanog sa pitharowaknon a pagariya o banka dikharaw a kapkhailayanka sa giyankai a badan I pagarinka na liyoka ka komowako sa salakaw a mogop rakn ka amay ka kowan na miyaribat ako na sii rakn ipagiza o Allah. Rila ka sheikh ka tanto rakn a masakit a giyankai a kiyapatay niyan. Kagiyadn a thigo sheikh a pakaontodnko so mayt ka pakiphagawaaknon so marzik na daniyampman mipaar na miyakakisk ago miyakagoraok sa matanog. Pitharo aknon a pagariya diko kapasad romigo a giyankai a pagarinka sa giyankai sosowaanuka liyokadn ka komowako sa makaogop rakn a salakaw. Aya pitharo iyan na ibt ko Allah ka diyakodn phliyo ka sakmbo I magogop rka. Dako makatigr na iniizaaknon o baniyan pagari odi na antonai katotonganainiyan sa giyankoto a miyatay na pitharo iyan a kna bako pagari, kna bako ama na thigakn a inoka phakagoraok ago phakakisk sa sii i ko kaprigowakoron na panotholonka rakn. Thigiyan rakn a shikh miyakailay odi na miyakanuguka sa dowakataw a mingginawai sa datar ami ago giyankai a miyatay. Sii ko kiyapagiskuwela sa Elementary na dowakami, miya high school kami na dowa kami, miya college kami na dowa kami, miyakagraduate kami na dowa kami, miyakakowami sa galbk na dowakami a miya appointed, miyakapangaroma kami na magari so manga karomami, Bigankami o Allah sa moriyataw na ndatar sakataw a wata a mama ago sakataw a wata a babay. Sasatiman a building a babalanginami na magoobay so flat ami, Dowakami a pzong sa masjid, dowakami a dii thankas igiramanoto a powasa nago pzonkami sa galbk na dowakami sa tamandn imanto. Ino sheikh miyakailay sa magari a datar anan? Thigo sheikh a ibt ka bapiya sakn na dakowanan manggolaola kataya a adun a pagari akn na ayabo a diyami kapakapamagilaya na igira and a manga iportante a kalilimod sabap sa sii skaniyan sa abroad. Kagiyadn a mapasad na kiyapanami taros a siyambayanganami na inowit ami sa cemetery. Giyankai a cemetery na isako mala a cemetery sa Jeddah na aya masosowaiyan na dii kapnomerowan so manga kuba ago by block. Sii skaniyan minilbng ko Block 7 a koba No. 10. Kagiyapman a mapita a pagatornko so pzoratan ko miyamatay na miyakaomarakn pman so ginawai yakn sa thigiyan a adun a miniyoma a mayt. As usual, thigaknon a witanka sii ko prigowan. Kagiyadn a prigoonko na kagiya ko sawaanko na ainaw giyoto so miyogop rakn ko rinogowami a bolayoka iyan a sobraniyan sa pagari. (Subhan Allah). Sii ko kaprigowaknon na oman akn klidn a lawasiyan ago paigowanko na makagoraok ako. Iniizakn ko ama iyan o antonai sabap a inipatay niyan na badn miyakagoraok so ama iyan sa ayabo a miyatharo iyan na dadn ka phokaown I karomaniyan na dadn makanaw. Baanda tanto niyan a inimboko a kiyablagon a giyankoto a ginawai niyan. Kagiyadn ko mapasad na siyambayanganami taros a inilbng ami na Masha Allah sii yami minilbng ko Block No. 7 a koba a No. 11 maan minipagobay niyan so koba o bolayoka iyan. - GIYANAN SO MINGGINAWAI SA PANTAG SII KO BABAYA SII KO ALLAH. DII RAN KHARAW O BA MAAWAT SO ISA KO PDIYAN NA INIBGAY KIRAN MAMBO O ALLAH A TAMAN KO KOBA IRAN NA PIYAKAPAGOBAY O ALLAH. - MIYAALOY SA HADITH A SO ALLAH NA PHANANAWAG SA DII NIYAN THAROON ANDA SO MANGA TAW A MINGGIGINAWAI SA PANTAG RAKN KA PAKASIRONGN NAKN SIRAN KO SIRONSIRONGA AKN.