Guna o kanduway sa karuma..

Guna o kanduway sa karuma.. MADAKUL IGERA A PHAGIZA A OKHAPARO NA MI-POST SII SO TOPIC A KANDOWA-DOWAY. . SABAP ROO NA MALOY TANO KO SABAAD KO MGA BALAS IYAN. . Paganay ron na So dii kazabar o bae ko kaphagonoti niyan ki karoma niyan na pud sa pukhasabapan a khisoldiyan sa Sorga. Petharo o Nabi salallaho ‘alaihe wasallam: إذا صلت المرأة خمسها وصامت شهرها وحصنت فرجها وأطاعت زوجها قيل لها ادخلي الجنة من أي أبواب الجنة شئت Maana: Igera milima wakto so bae nago miyamowasa ko Ramadhan nago siniyap iyana piyamalongan iyan nago inonotan iyan si karoma niyan na putharoonon: Sold kadun ko Sorga sa sadun sa kabaya aka ko mga pinto iyan. . Siika pagokit ko pinto o mga barasambayang, mga barapowasa, mga mujahideen etc.. na sukaduni pamili sa kabaya aka pinto a soldan ka. . Ika dowa na so kaphangaroma o dato na pukhabaloy otowa panupung ko bae itamana paratiyaya niyan na igera miyaka apas na sii pumbalasi ko kaphaka sabar iyan. Petharo o Allah: إنما يوفى الصابرون أجرهم بغير حساب Maana: Mataan a ithonay ko mga sasabar so balas iran sa didun phamagitongun. Surah Az-Zamr:10 . Makanggogonanao sa kala a tantowa balas sabap sa dadun limiti o Allah e taman a imbalas iyanon sabap sa ayawondun mitharo sa didun phamagitongun so kala o imbalas iyan ko mga sasabar, na sabap sa giyangkotowa masakit a pukhagudam ka na roo ka mambo mabalasi o Allah sa mala a balas a mapiya a iputhiyagar iyan ruka sa alongan a mawri. . Petharo o Rasolollah salallaho ‘alaihe wasallam: ما يزال البلاء بالمؤمن والمؤمنة في نفسه وولده وماله حتى يلقى الله و ما عليه خطيئة Maana: di khapinda so tiyoba ko Mo’min nago sii ko Mo’mina sii sa ginawa niyan nago sii ko moriyatao niyan, nago sii ko tamok iyan, taman sa pakadaanon o Allah so mga dosa niyan. . Maana giyangkotowa pukhagdam ka a masakit sa kiyapangaroma e Mister ka na daduna baroo pagilanga o Allah a baniyan ruka di zambii sa mas mapiya ka liyopun ko kambalasi niyan ruka sa didun phamagitongun na phakadaan iyan rukapun palaya so dosangka. . Ika tlo na opamaka so bae na tanggapuniyan sa maliwanag so kiya duway e Mister iyan na rakusa piphiya-piyaan niyan badun na taman ki duwaya iyan na piyaka welcome iyan pun ko mapiya a paparangayan iyan na mapumbagian iyanpun so balas o miphipiya-piya. إنه من يتق ويصبر فإن الله لا يضيع أجر المحسنين Maana: Sabunar a sa tao a ikaluk iyan so Allah, nago Zabar, na mataan a so Allah na diniyan pagilangun so balas o miphipiya-piya. Yousof: 90 وإن الله لمع المحسنين Maana: nago mataan a so Allah na tampila iyan so miphipiya-piya. Al-Ankabot: 69 . Sabap san na kinangulan ko malantasi pamikerana bae a kasoat iyan ko initokidon o Allah a bagian iyan na goso mga Shaye a piphakayo Islam lagido kanduwa-duway, sabap sa dikhapatot ko bae a Mo’mina obaniya pukhasopak so piyakayo Allah. . Oriyanai na antonaa mangaday Resulta o kaphamilya sa madakul? 1- So mga wata na miyakadakuli pagari nago miyakabulang so bangsa. 2- Igera damakawma si Mister na dingka khiawida akal ka ana somisiyapon a pagaringka, kiyaloagangka ko bangkawmbo dii kasirbisiyoi, nago so kiphagawidn kawona akal. 3- Miya save ka oba makanggalubuk sa Haram lagido kazina ka miya legal so kapangaroma nago miya safety obaka niyambadun kabalingi sa sakit opamaka badun dii maka pangaliwa sa illegal. 4- Aya mala na miyakambagiangka sa mala a balas, sabap ko kiyapaka sabar ka nago so kiyapaka piya ginawa e karomangka ko kiyapaka dakuliyani karoma. . Ogaid na aya pakaiza? Odi makasabar so bae, antona mangaday mapunggolawla? Na aya kalilid a diimanggolawla na dii makamblag so kharomai, ogaid na siidun marani sa aya pukhalogiyan si babay kasan a damakasabar nago so kasundit na sii sa mori. . Ika dowa pakaiza? Na kagiya ana dato a igira kiyabagowan na pukha alin so dadabiatan iyan nago igera kowan na dimaka phaginontolan? Na giyoto na siingkawoto mbayorantangun ko Allah ka giyoto so kapaka phapantagiran ko Allah. so donya nangganatambo na batanodun dii purirelai specially sa giyankaiya kapaka tatalingomaa tano sangkaiya bisita tano a Shahru Ramadhan Al-Mubarak. Wasalaamo 'Alaikom...