KOKOMAN O TARAWI AGO SO KADAKL A RAKA-AT IYAN

KOKOMAN O TARAWI AGO SO KADAKL A RAKA-AT IYAN ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ DALIL O KATHARAWI: So katharawi na knaba Bid’ah ka sabap sa aya pagampaganay a mangndao ron ko mga Sahaba na so Nabi (PBUH). Ogayd na aya Okit a kiyanggalbkaon o Nabi na barajama sii ko Sold o miyakalto a kagagawi ko Ramadan, na oriyan iyan na sii ko ikapat a kagagawi ko ramadan na da liyo so Nabi (PBUH) ko mga Sahaba niyan ka pangali iyan iba badn mabaloy kiran a Wajib so katharawi. Na oriyan iyan na initaros o mga Sahaba so katharawi ko kapago-olowani kiran o Omar Bin Al-Khattab (Radhiyallahu anhu), ka sabap ko kiyailaya iran ko Nabi (PBUH) a ska niyan i paganay a mangndao kiranon. Na giyoto dn mambo i mimbaloy a kiyaompongan ko mga Sahaba. Sa Dadn a sakatao bo ko mga Sahaba iba miyakasangka sa kinitarosn iran ko Katharawi sii ko oman Ramadan anggolalan sa kanjama. Na katawan tano a so IJMA (pkhaopakatan) na pd anan ko mga dalil adi khapakay iba Sopaka ago sangkaa o tao a magi-ingaran sa Muslim., ka sabap sa opama ka sopaka o tao so kiyaopakatan ko mga Sahaba na aya dn a miyasopak iyan na so Kitab o Allah a Qur-an. ﻗﺎﻝ ﺃﺑﻮ ﻫﺮﻳﺮﺓ ﺭﺿﻲ ﺍﻟﻠﻪ ﻋﻨﻪ :" ﻛﺎﻥ ﺭﺳﻮﻝ ﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﻳﺮﻏﺐ ﻓﻲ ﻗﻴﺎﻡ ﺭﻣﻀﺎﻥ ، ﻣﻦ ﻏﻴﺮ ﺃﻥ ﻳﺄﻣﺮﻫﻢ ﻓﻴﻪ ﺑﻌﺰﻳﻤﺔ ﻓﻴﻘﻮﻝ ": ﻣﻦ ﻗﺎﻡ ﺭﻣﻀﺎﻥ ﺇﻳﻤﻨﺎ ﻭﺍﺣﺘﺴﺎﺑﺎ ﻏﻔﺮ ﻟﻪ ﻣﺎ ﺗﻘﺪﻡ ﻣﻦ ﺫﻧﺒﺔ " ﺭﻭﺍﻩ ﻣﺴﻠﻢ Pitharo o Abu Hurairah (Radhiyallahu anhu): “Aya olaola o Nabi (PBUH) na ip’phangoyat iyan so katharawi sii ko Ramadan, sa knaba niyan inipaliyogat…”. Piyanothol o Imam Muslim. ﻭﻗﺎﻟﺖ ﺍﻟﺴﻴﺪﺓ ﻋﺎﺋﺸﺔ ﺭﺿﻲ ﺍﻟﻠﻪ ﻋﻨﻬﺎ : ﺻﻠﻰ ﺍﻟﻨﺒﻲ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﻓﻲ ﺍﻟﻤﺴﺠﺪ ﺫﺍﺕ ﻟﻴﻠﺔ، ﻓﺼﻠﻰ ﺑﺼﻼﺗﻪ ﻧﺎﺱ، ﺛﻢ ﺻﻠﻰ ﻣﻦ ﺍﻟﻘﺎﺑﻠﺔ ﻓﻜﺜﺮ ﺍﻟﻨﺎﺱ، ﺛﻢ ﺍﺟﺘﻤﻌﻮﺍ ﻣﻦ ﺍﻟﻠﻴﻠﺔ ﺍﻟﺜﺎﻟﺜﺔ ﺃﻭ ﺍﻟﺮﺍﺑﻌﺔ ﻓﻠﻢ ﻳﺨﺮﺝ ﺇﻟﻴﻬﻢ ﺭﺳﻮﻝ ﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﻓﻠﻤﺎ ﺃﺻﺒﺢ ﻗﺎﻝ ": ﻗﺪ ﺭﺃﻳﺖ ﺍﻟﺬﻱ ﺻﻨﻌﺘﻢ ﻓﻠﻢ ﻳﻤﻨﻌﻨﻲ ﻣﻦ ﺍﻟﺨﺮﻭﺝ ﺇﻟﻴﻜﻢ ﺇﻻ ﺃﻧﻲ ﺧﺸﻴﺖ ﺃﻥ ﺗﻔﺮﺽ ﻋﻠﻴﻜﻢ " ﻭﺫﻟﻚ ﻓﻲ ﺭﻣﻀﺎﻥ ﺭﻭﺍﻩ ﻣﺴﻠﻢ. Pitharo o Aisha (Radhiyallahu anha): “miyakaisa a kagagawii ko Ramadan na mitharawi so Nabi (PBUH) na siyowa mambo o mga Tao a mithatarawi siran, na oriyan oto na sii ko ikadowa ka kagagawii na lominiyo kiran so Nabi sa taman sa miyakadakl so mga tao a gii thatarawi. Na sii ko ikatlo ka kagagawi odi na ikapat na da kiran liyo so nabi (PBUH). Na sii ko kiyapita iyan na tigo Nabi sii ko mga tao a miyailay akn so Siyowa iyo na aya mataana sabap a dakn rkano kaliyo na kalk akn iba rkano mabaloy a Wajib so katharawi.” Piyanothol o Imam Muslim. Aya siyabot san na so Nabi (PBUH) na ska niyan i kiyapoonan o Katharawi a raks a ip’phangoyat iyan ko mga tao, go dadn maaloy iba niyan inisapar so katharawi ko mga Sahaba niyan. Note: So mga Shia na aya katharo iran na so kon so Omar Bin Al-Khattab i mimbago ko Katharawi! Giyanan mambo i sabap a diran kapsambayang sa Tarawi, ka aya kasasabota iranon na so Omar i Mimbago ko Katharawi. Aya kismbag tano san na Di bnar iba so Omar i Mimbago ko katharawi, ka aya paganay a mitharawi na so Nabi (PBUH) na tiyondog o Omar ago so mga Sahaba. Katan so mga dalil iyan sa Poro. Opama ka bnar a so Omar i Mimbago ko katharawi na sangkaan dn aki o Uthman ago so Ali na samporna ko mga Sahaba!. na ilaya niyo man ka dadn a sakatao bo ko mga Sahaba iba niyan siyangka so Omar!. Na mismo so Ali na inindowaa niyan pn sa mapiya so Omar sii ko kiyailaya niyan ko rarad a mapiya o panagontaman o Omar sa kiyapakadakl o mga tao a gii thatarawi sa sold a Masjid a Isaisa sirani Imam. Kataya so katharo o Ali Bin Abi Thalib: ﻭﻗﺪ ﺭﻭﻱ ﺃﻥ ﻋﻠﻴﺎ – ﺭﺿﻲ ﺍﻟﻠﻪ ﻋﻨﻪ- ﻣﺮ ﻋﻠﻰ ﺍﻟﻤﺴﺎﺟﺪ ﻭﻓﻴﻬﺎ ﺍﻟﻘﻨﺎﺩﻳﻞ ﻓﻲ ﺷﻬﺮ ﺭﻣﻀﺎﻥ، ﻓﻘﺎﻝ": ﻧﻮﺭ ﺍﻟﻠﻪ ﻋﻠﻰ ﻋﻤﺮ ﻗﺒﺮﻩ، ﻛﻤﺎ ﻧﻮﺭ ﻋﻠﻴﻨﺎ ﻣﺴﺎﺟﺪﻧﺎ "." ﺍﻫـ “Tiyago-an o Allah sa sindao so Kobor o Omar sabap ko kiyasindawi o Omar sii ko mga Masjid ami.” Na opama ka ibtad tano pn sa so Omar i miyakambago ko katharawi sa apiya pn knaba bnar iba ska niyan i miyakambago ron, na da a Mushkila ko Kapagonoti tano ron ka inisogo o Nabi (PBUH) a kaphangingiringi Tano ko Omar. Aya katharo o Nabi (PBUH) na: ﺍﻗﺘﺪﻭﺍ ﺑﺎﻟﺬﻳﻦ ﻣﻦ ﺑﻌﺪﻱ ﺃﺑﻲ ﺑﻜﺮ ﻭ ﻋﻤﺮ". ﺍﻫـ ”Pangingiringi niyo ko Oriyan akn so Abu Bakr ago so Omar.” Nati opama ka di khapakay iba tano onot ko galbk o Omar ago so Plano niyan na samanoto na di khapakay iba tano makaonot sa giyai a Qur-an tano Imanto ka so man so Omar i miyakambago a Plano sa kiyatimo a giyai a Qur-an sa satiman a kitab! ka aya paka-asal o Qur-an na mipaparak a knaba matitimo sa satiman a Kitab, na so Omar i miyakaplano sa kiyatimo iyan sa satiman a Kitab. Giyanan i saba-ad a mga smbag ko mga Shia. KOKOMAN O KATHARAWI Miyaopakat so pat a Imam (Abu hanifah, go Malik, go Shafi’i, go Ahmad) ko kababaloy o sambayang a tarawi a Sunnah. ﻗﺎﻝ ﺍﻟﺸﻴﺦ ﻣﺤﻤﺪ ﻋﻠﻲ ﺍﻟﺼﺎﺑﻮﻧﻲ " :ﺻﻼﺓ ﺍﻟﺘﺮﻭﺍﻳﺢ : ﻫﻲ ﺻﻼﺓ ﺗﺆﺩﻱ ﻓﻲ ﻟﻴﺎﻟﻲ ﺷﻬﺮ ﺭﻣﻀﺎﻥ ﺍﻟﻤﻌﻈﻢ ، ﺑﻌﺪ ﺻﻼﺓ ﺍﻟﻌﺸﺎﺀ ﻭﻗﺒﻞ ﺻﻼﺓ ﺍﻟﻮﺗﺮ . ﻭﻫﻲ ﺳﻨﺔ ﻓﻲ ﺣﻖ ﺍﻟﺮﺟﺎﻝ ﻭﺍﻟﻨﺴﺎﺀ". ﺍﻫـ Pitharo i Shiekh Muhammad Ali As-Saboni: “So sambayang a tarawi na aya kiptindg non na sii ko mga kagagawi ko Ramadan sii ko pagltan o wakto a Isha ago so Witr. Aya kokoman iyan na Sunnah san ko mga datu ago bai.” ﻗﺎﻝ ﺍﻻﻣﺎﻡ ﺍﻟﻨﻮﻭﻱ ﺍﻟﺸﺎﻓﻌﻲ" :ﺍﻋﻠـﻢ ﺃﻥ ﺻﻼﺓ ﺍﻟﺘﺮﺍﻭﻳﺢ ﺳﻨﺔ ﺑـﺎﺗﻔـﺎﻕ ﺍﻟﻌﻠـﻤﺎﺀ."ﺍﻫـ Pitharo o Imam Nawawi Al-shafi’i: “Sabotangka a mataana so sambayang a Tarawi na miyaompong so mga Ulama ko kababaloy niyan a sunnah.” Aya bo a somiyopak san ko kiyaompong o mga Ulama ago so mga Sahaba Ko kababaloy o Tarawi a Sunnah na so mga Khawarij ago so mga Rafidhah a siran so pmbthowan sa mga Shia. ﻗﺎﻝ ﺍﻹﻣﺎﻡ ﺍﻟﺴﺮﺧﺴﻲ ﺍﻟﺤﻨﻔﻲ" :ﻭﺍﻷﻣﺔ ﺃﺟﻤﻌﺖ ﻋﻠﻰ ﺷﺮﻋﻴﺘﻬﺎ، ﻭﻟﻢ ﻳﻨﻜﺮﻫﺎ ﺃﺣﺪ ﻣﻦ ﺃﻫﻞ ﺍﻟﻌﻠﻢ ﺇﻻ ﺍﻟﺮﻭﺍﻓﺾ ﻻ ﺑﺎﺭﻙ ﺍﻟﻠﻪ ﻓﻴﻬﻢ." ﺍﻫـ Pitharo o Imam As-Sarakhsi Al-Hanafi: “miyaompong a giyai a Ummah ko kinisogo-on ko tarawi, na dadn a somiyopak san a sakatao bo ko mga Ulama a rowar ko mga Rafidhah (Shia), Na angkatn kiran dn mambo o Allah so barakah.” KALBIHAN (BALAS) O SAMBAYANG A TARAWI ﻭﻗﺎﻝ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ " ﻣﻦ ﻗﺎﻡ ﺭﻣﻀﺎﻥ ﺇﻳﻤﺎﻧﺎ ﻭﺍﺣﺘﺴﺎﺑﺎ ﻏﻔﺮ ﻟﻪ ﻣﺎ ﺗﻘﺪﻡ ﻣﻦ ﺫﻧﺒﻪ " ﻣﺘﻔﻖ ﻋﻠﻴﻪ. Aya pd a tiyafsiran o mga Ulama sa giyai a hadith na sii aya panonompang ko katharawi. Aya maana niyan na: “Sadn sa tao a gii tharawi ko mga kagagawii ko Ramadan sa tolos ikhlas iyan ko Allah na inirilaon o Allah so miyangaiipos a miyandosa niyan.” PIRAI KADAKL A RAKA-AT O SAMBAYANG A TARAWI? Miya-aloy tano a so Nabi (PBUH) na ska niyan i paganay a sambayang sa Tarawi, na ogayd na di katawan o pirai raka-at a iptindg iyan a Tarawi niyan, sabap sa dadn a hadith a Sahih aba miya-aloy ron o Nabi (PBUH) so kadakl o raka-at a iptindg iyan a Tarawi niyan. Misabap san na sii tano phakandod ko kiyatharawi o mga Sahaba ka sabap sa siran i titho a makaggpa ko kiyapagintao o Nabi (PBUH), na sakamauto mambo a phakandod tano ko sabot o Pat a Imam ka sabap ko Siran i mala a Somiyabot ko mga katharo o mga Sahaba o Nabi. Misabap san na opama ka batano badn pagndodi so kiyatharawi o mga Sahaba na aya kadakl a raka-at a iptindg iran a Tarawi a aya kiran kiyaompongan na dowapolo Raka-at a tarawi. ikadowapolo ago tlo so tlo raka-at a Witir. ﻭﻗﺎﻝ ﺍﻹﻣﺎﻡ ﻣﻼ ﻋﻠﻲ ﺍﻟﻘﺎﺭﻱ ﺍﻟﺤﻨﻔﻲ ﻓﻲ ﻣﺮﻗﺎﺓ ﺍﻟﻤﻔﺎﺗﻴﺢ ﺷﺮﺡ ﻣﺸﻜﺎﺓ ﺍﻟﻤﺼﺎﺑﻴﺢ : ﺃﺟﻤﻊ ﺍﻟﺼﺤﺎﺑﺔ ﻋﻠﻰ ﺃﻥ ﺍﻟﺘﺮﺍﻭﻳﺢ ﻋﺸﺮﻭﻥ ﺭﻛﻌﺔ . ﺍﻫـ Pitharo o Imam Mulla Al-Qari Al-Hanafi: “Miyaompong so mga Sahaba sa mata-ana so katharawi na Dowapolo Raka-at.” ﻗﺎﻝ ﺍﻹﻣﺎﻡ ﺍﻟﻨﻮﻭﻱ ﻓﻲ ﺷﺮﺡ ﺍﻟﻤﻬﺬﺏ: "ﺻﻼﺓ ﺍﻟﺘﺮﺍﻭﻳﺢ ﻣﻦ ﺍﻟﻨﻮﺍﻓﻞ ﺍﻟﻤﺆﻛﺪﺓ ﻛﻤﺎ ﺩﻟﺖ ﻋﻠﻰ ﺫﻟﻚ ﺍﻷﺣﺎﺩﻳﺚ ﺍﻟﺸﺮﻳﻔﺔ ﺍﻟﻤﺘﻘﺪﻣﺔ ﻭﻫﻲ ﻋﺸﺮﻭﻥ ﺭﻛﻌﺔ ﻣﻦ ﻏﻴﺮ ﺻﻼﺓ ﺍﻟﻮﺗﺮ، ﻭﻣﻊ ﺍﻟﻮﺗﺮ ﺗﺼﺒﺢ ﺛﻼﺛﺎ ﻭﻋﺸﺮﻳﻦ". ﺍﻫـ Pitharo o Imam Nawawi: “So sambayang a Tarawi na pd anan ko mga Sambayang a Nafl a Sunnah Muakkadah a kokoman iyan ko kiya-aloy niyan ko mga hadith o Nabi a miyangauuna. Na dowa polo a raka-at iyan a salakaw ron so witr, Na o ganapnon so witr na pmbaloy a dowa polo ago tlo raka-at langon.” ﻋﻦ ﻳﺰﻳﺪ ﺑﻦ ﺭﻭﻣﺎﻥ " ﻗﺎﻝ ": ﻛﺎﻥ ﺍﻟﻨﺎﺱ ﻳﻘﻮﻣﻮﻥ ﻓﻲ ﺯﻣﻦ ﻋﻤﺮ ﺑﻦ ﺍﻟﺨﻄﺎﺏ ﺭﺿﻲ ﺍﻟﻠﻪ ﻋﻨﻪ - ﺑﺜﻼﺙ ﻭﻋﺸﺮﻳﻦ ﺭﻛﻌﺔ". ﺍﻫـ Miyakathitayan ko Yazeed Bin Rooman a pitharo iyan: “aya maoolaola o mga tao na dii siran githarawi sii ko masa o Omar Bin Al-Khattab sa dowa polo ago tlo ka raka-at.” Miyapd roo dn so tlo raka-at a witir. Misabap san na miyakarayag rktano a dowa polo raka-at a iptindg o mga Sahaba a tarawi, na ikatlopolo ago tlo so tlo raka-at a Witir. Na opama ka sii tano pman dod ko madhab o pat a Imam (Imam Abu Hanifah, Imam Malik, Imam Shafii, Imam Ahmad) na miyaompong siran ko dowa polo Raka-at a Tarawi. Aya ikadowa a tindg o Imam Malik na 36 ka raka-at. Ogayd na aya mabagr a tindg iyan a piyakabagr o kikadadayo-an ko mga Ulama a Maliki a moonot ko madhab iyan na Dowa polo ka raka-at a tindg o Imam Malik. KATAYA SO KATHARO O MGA ULAMA KO PAT A MADHAB: SII KO MADHAB A SHAFII ﻭﻗﺎﻝ ﺍﻹﻣﺎﻡ ﺍﻟﻨﻮﻭﻱ ﻓﻲ ﺍﻟﻤﺠﻤﻮﻉ " : ﻣﺬﻫﺒﻨﺎ ﺃﻧﻬﺎ ﻋﺸﺮﻭﻥ ﺭﻛﻌﺔ". Pitharo o Imam Nawawi Al-Shafii: “ Aya tindg ami na dowa polo Raka-at so tarawi.” SII KO MADHB A MALIKI ﻭﻗﺎﻝ ﺍﺑﻦ ﺭﺷﺪ ﺍﻟﻤﺎﻟﻜﻲ ﻓﻲ ﺑﺪﺍﻳﺔ ﺍﻟﻤﺠﺘﻬﺪ ": ﺍﺧﺘﺎﺭ ﻣﺎﻟﻚ – ﻓﻲ ﺃﺣﺪ ﻗﻮﻟﻴﻪ – ﻭﺃﺑﻮ ﺣﻨﻴﻔﺔ ﻭﺍﻟﺸﺎﻓﻌﻲ ﻭﺃﺣﻤﺪ ﺍﻟﻘﻴﺎﻡ ﺑﻌﺸﺮﻳﻦ ﺭﻛﻌﺔ ﺳﻮﻯ ﺍﻟﻮﺗﺮ." ﺍﻫـ Pitharo o Ibn Roshd Al-Maliki: “Aya titindgan o Imam Malik sii ko isa a tindg iyan, ago so Imam Abu Hanifah, go so Imam Shafii, go so Imam Ahmad na so katharawi sa Dowa polo Raka-at a salakaw ron so witir.” ﻗﺎﻝ ﺍﻟﺸﻴﺦ ﺍﻟﺪﺭﺩﻳﺮ ﺍﻟﻤﺎﻟﻜﻲ : " ﻭﺍﻟﺘﺮﺍﻭﻳﺢ ﺑﺮﻣﻀﺎﻥ ﻭﻫﻲ ﻋﺸﺮﻭﻥ ﺭﻛﻌﺔ ﺑﻌﺪ ﺻﻼﺓ ﺍﻟﻌﺸﺎﺀ ﻳﺴﻠﻢ ﻣﻦ ﻛﻞ ﺭﻛﻌﺘﻴﻦ ﻏﻴﺮ ﺍﻟﺸﻔﻊ ﻭﺍﻟﻮﺗﺮ ﻭﻧﺪﺏ ﺍﻟﺨﺘﻢ ﻓﻴﻬﺎ – ﺃﻱ ﺍﻟﺘﺮﻭﺍﻳﺢ – ﺑﺄﻥ ﻳﻘﺮﺃ ﻛﻞ ﻟﻴﻠﺔﺟﺰﺀﺍ ﻳﻔﺮﻗﻪ ﻋﻠﻰ ﻋﺸﺮﻳﻦ ﺭﻛﻌﺔ". ﺍﻫـ ﺍﻧﻈﺮ ﺃﻗﺮﺏ ﺍﻟﻤﺴﺎﻟﻚ ﻋﻠﻰ ﻣﺬﻫﺐ ﺍﻹﻣﺎﻡ ﻣﺎﻟﻚ ﻟﻠﺸﻴﺦ ﺍﻟﺪﺭﺩﻳﺮ Pitharo o Imam Al-Dirdeer Al-Maliki: “So katharawi sii ko Ramadan na Dowapolo Raka-at, na aya kitindg non o tao na sii ko oriyan o wakto a Isha, na sii ko oman dowa raka-at na makazalamon… Sunnah so kapthamata ko Qur-an sii ko sambayang a Tarawi, sa omani isa a kagagawii na isa ka Juz a pmbatiyaa niyan, na goniyan oto mbagibagia (maana so isa ka Juz) sii ko dowa polo raka-at a Tarawi.” SII KO MADHAB A HANAFI ﻭﻗﺎﻝ ﺍﻹﻣﺎﻡ ﺍﻟﻜﺎﺳﺎﻧﻲ ﺍﻟﺤﻨﻔﻲ ﻓﻲ ﺑﺪﺍﺋﻊ ﺍﻟﺼﻨﺎﺋﻊ )" : ﻓﺼﻞ ( : ﻭﺃﻣﺎ ﻗﺪﺭﻫﺎ ﻓﻌﺸﺮﻭﻥ ﺭﻛﻌﺔ". Pitharo o Imam Al-Kasani Al-hanafi: “…aya kadakl a Raka-at o tarawi na dowa polo raka-at.” SII KO MADHAB A HAMBALI ﻭﻗﺎﻝ ﺍﻹﻣﺎﻡ ﺍﺑﻦ ﻗﺪﺍﻣﺔ ﺍﻟﻤﻘﺪﺳﻲ ﺍﻟﺤﻨﺒﻠﻲ ﻓﻲ ﺍﻟﻤﻐﻨﻲ : ﻓﺼﻞ : ﻭﺍﻟﻤﺨﺘﺎﺭ ﻋﻨﺪ ﺃﺑﻲ ﻋﺒﺪ ﺍﻟﻠﻪ – ﺃﺣﻤﺪ ﺑﻦ ﺣﻨﺒﻞ - ﺭﺣﻤﻪ ﺍﻟﻠﻪ ، ﻓﻴﻬﺎ ﻋﺸﺮﻭﻥ ﺭﻛﻌﺔ . ﻭﺑﻬﺬﺍ ﻗﺎﻝ ﺍﻟﺜﻮﺭﻱ، ﻭﺃﺑﻮ ﺣﻨﻴﻔﺔ، ﻭﺍﻟﺸﺎﻓﻌﻲ. Pitharo o Imam Ibn Qodamah Al-hambali: “aya miyapili a tindg o Imam Ahmad na dowa polo raka-at so tarawi, na giyanan dn mambo i tindgon o Imam Thauri, go Imam Abu Hanifah, go Imam Shafii.” Misabap san na miyakarayag a aya tindg o mga Sahaba ago so pat a Imam na dowa polo raka-at so tarawi. na sadn sa diyon githaro a aya makallbi a tarawi na 8 raka-at na sabnar a miyasopak iyan so pat a Imam ago so mga Sahaba. [PAKAIZA] Tonai kismbag tano ko tao a lominiyo ko sabot o pat a Imam ago siyopak iyan so mga Sahaba ka aya kpit iyan na walo (8) raka-at kon a makallbi a tarawi ka giyoto kon i tarawi o Nabi (PBUH)? [SMBAG] Di bnar iba aya iptindg o Nabi a tarawi niyan na 8 raka- at! Ka opama ko aya titho a tarawi o Nabi na 8 raka-at na didn aki sopakn o mga Sahaba ago so pat a Imam ka aya iran dn aki inggolalan, ka so mga Sahaba ago so pat a Imam na siran i titho a makaggpa ko sambayang o Nabi, na opama na pmbabago siran sa Simba a salakaw ko Simba o Nabi?! Na sakamauto mambo a sii sa Masjidil Haram ago sii sa Masjid Nabawi na miyakalabi dn sanggibo ragon na dadn mapanothol sa history iba kiyasambayangi sa Tarawi a 8 raka-at, Na ilaya niyo man ka taman dn imanto na dowa polo dn raka-at a tarawi sa Masjidil Haram ago sa Masjid Nabawi. Opama ko aya titho a tarawi o Nabi na 8 raka-at na aya dn aki inggolalan o mga Sahaba ago so pat a Imam ago aya iran pakatindgn sa Masjidil haram ago sa Masjidin nabawi, na ilaya niyo man ka aya tarawi o mga Sahaba ko kapago-ulowani kiran o Omar (Radhiallahu anhu) ka 20 raka-at (sapolo i salam) na sakamauto mambo so pat a Imam na dowapolo raka-at a tarawi iran, na karina anan sa aya titho a tarawi o Nabi na 20 raka-at. Note: Adn a ipndalil a dowa timan a hadith o saba-ad a mga tao a aya pakallbiin iran na 8 raka-at a tarawi, na ogayd na da iran sabota so Morad o hadith. Kataya so dowa timan a hadith a ipndalil iran: ﻋﻦ ﺟﺎﺑﺮ ": ﺃﻧﻪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﺻﻠﻰ ﺑﻬﻢ ﺛﻤﺎﻥ ﺭﻛﻌﺎﺕ ﺍﻟﻮﺗﺮ ﺛﻢ ﺍﻧﺘﻈﺮﻭﻩ ﻓﻲ ﺍﻟﻘﺎﺑﻠﺔ ﻳﺨﺮﺝ ﺇﻟﻴﻬﻢ " ﺍﻫـ Hadith aya a Dha’eef ka aya kiyaokitan iyan na si Eisa Bin Jariyah ago si Ya’kob Bin Abdullah a mga Dha’eef a kiyokoman kiran o mga ala a Ulama sa hadith. So Imam Abu Dawood na kiyokom iyan sa Monkar i hadith si Eisa. Na si Ya’koob na kiyokom o Imam Ad-Dar Qotni sa Malobay!. Aya ikadowa a hadith a ipndalil iran sa kiyapakalbiya iran ko 8 raka-at a Tarawi iran adiso 20 raka-at a Tarawi a kiyaompongan ko mga Sahaba ago so pat a Imam na Hadith a sii miyakathitayan ko Aisha (Radhiyallahu anha): ﻋﻦ ﻋﺎﺋﺸﺔ ﺭﺿﻲ ﺍﻟﻠﻪ ﻋﻨﻬﺎ ﻗﺎﻟﺖ " : ﻣﺎ ﻛﺎﻥ ﺭﺳﻮﻝ ﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﻳﺰﻳﺪ ﻓﻲ ﺭﻣﻀﺎﻥ ﻭﻻ ﻓﻲ ﻏﻴﺮﻩ ﻋﻠﻰ ﺍﺣﺪﻯ ﻋﺸﺮ ﺭﻛﻌﺔ". Aya miya-aloy sa giyanan a hadith na knaba 8 raka-at ka sapolo ago isa Raka-at, na dipn anan mattndo o tarawi anta aka giyanan so Tahajod o Nabi odi na Witir iyan!. Na aya inismbag san o mga Ulama na giyanan so Tahajod o nabi odi na giyanan so Witir iyan. ka miya-aloy o Imam Tirmidhi a so Nabi na igira kowan na gii magwitir sa 13 raka-at, go 11 raka-at, go 9, go 7, go 5, go 3, go isa ka raka-at. Kataya so katharo o Imam Tirmidhi: ﻭﻗﺎﻝ ﺍﻟﺘﺮﻣﺬﻱ ": ﻭﻗﺪ ﺭﻭﻱ ﻋﻦ ﺍﻟﻨﺒﻲ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﺍﻟﻮﺗﺮ ﺑﺜﻼﺙ ﻋﺸﺮﺓ ﻭﺇﺣﺪﻯ ﻋﺸﺮﺓ ﻭﺗﺴﻊ ﻭﺳﺒﻊ ﻭﺧﻤﺲ ﻭﺛﻼﺙ ﻭﻭﺍﺣﺪ". Aya pinakapontos a smbag sa giyanan a hadith a sii miyakathitayan ko Aisah na opama ko giyanan i dalil sa 8 raka-at so tarawi na ino ada miya-aloy ron a Tarawi?! kadi makatatana oba oto Tarawi!, go ino a dadn anan tindgi o pat a Imam iba giyanan i pasodan o bilangan o raka-at o tarawi o Nabi?!, ilayn tano so tindg o pat a Imam ko katharawi ka dowa polo raka-at a tindg iranon!. na samporna ko mga Sahaba na da iran dn anan tindgi a hadith ka aya kpit iran mambo na 20 raka-at so tarawi. Na sakamauto mambo so Aisha a mismo ska niyan kiyathitayanan a giyanan a hadith na ino ada niyan sopaka so mga Sahaba ko kiyaompong iran ko dowa polo raka-at a tarawi?! Na karina anan mga pagari ami sa knaba aya pakamomoradi sa giyanan a 11 raka-at a miya-aloy sa hadith anan naba giyanan so tarawi o nabi, ka giyanan so witir iyan odi na Tahajod iyan!. aya marayag a Karina na giyanan a hadith a sii miyakathitayan ko Aisah na sii piyakasold o Imam Ibn Hajar Al-Asqalani sii ko bandingan ko Witir, sa da niyan dn pakasolda ko bandingan ko tarawi sii ko kitab iyan. Minipakaiza ki Shiekh Jadul Haqq a miyauna a Shiekh sa Azhar University a giyanan a Hadith a sii miyakathitayan ko Aisha. na kataya so inismbag iyan: ﺃﻣﺎ ﺣﺪﻳﺚ ﻋﺎﺋﺸﺔ ﺍﻟﺬﻱ ﺭﻭﺍﻩ ﺍﻟﺒﺨﺎﺭﻱ ﻭﺍﻟﻤﺸﺎﺭ ﺇﻟﻴﻪ ﻓﻲ ﺍﻟﺴﺆﺍﻝ، ﻓﻠﻴﺲ ﻧﺼﺎ ﻓﻲ ﻋﺪﺩ ﺻﻼﺓ ﺍﻟﺘﺮﺍﻭﻳﺢ، ﻭﺇﻻ ﻟﻤﺎ ﺍﺣﺘﺞ ﺍﻹﻣﺎﻡ ﺃﺑﻮ ﺣﻨﻴﻔﺔ ﻋﻠﻰ ﺃﻧﻬﺎ ﻋﺸﺮﻭﻥ ﺭﻛﻌﺔ ﺑﻤﺎ ﺳﻨﻪ ﻋﻤﺮ، ﻭﻟـﻤـﺎ ﺧﻔﻲ ﻋﻦ ﻋﻤﺮ ﺃﻳﻀﺎ ﻭﺍﻟﺼﺤﺎﺑﺔ ﻣﺘﻮﺍﻓﺮﻭﻥ ﻣﻮﺍﻓﻘﻮﻥ ﻋﻠﻰ ﻣﺎ ﺳﻦ ﻟﻠﻨﺎﺱ Maana: “So mipantag sii ko Hadith a sii miyakathitayan ko Aisha a so Bokhari i kiyapoonan iyan na knaba giyanan i Dalil ko bilangan o Raka-at o Katharawi, sabap sa opama ko giyanan i Dalil ko kadakl o raka-at o Tarawi na didn aki balowin o Imam Abu Hanifah a dalil iyan so Tarawi o Omar a 20 raka-at sii ko tindg iyan a 20 raka-at!, ago mismo so Omar na misampay ron dn aki a hadith anan (o Asiha), na sakamauto mambo so mga Sahaba na miyaka-ayon siran ko nganin a inisogo ko mga tao (a 20 raka-at a Tarawi).” giyanani inismbag i Shiekh Jadul Haqq Taman ko wata i Mohammad Bin Abdul Wahab (Imam o mga Wahabi) a si Abdullah na gowani ko izaon i pirai raka-at o tarawi na aya inismbag iyan na 20 raka-at. Kataya so miya-aloy ko kitab iyan a inismbag iyan: ﻭﻓﻲ ﻣﺠﻤﻮﻋﺔ ﺍﻟﻔﺘﺎﻭﻯ ﺍﻟﻨﺠﺪﻳﺔ ﺃﻥ ﺍﻟﺸﻴﺦ ﻋﺒﺪﺍﻟﻠﻪ ﺑﻦ ﻣﺤﻤﺪ ﺑﻦ ﻋﺒﺪ ﺍﻟﻮﻫﺎﺏ ﺫﻛﺮ ﻓﻲ ﺟﻮﺍﺑﻪ ﻋﻦ ﻋﺪﺩ ﺭﻛﻌﺎﺕ ﺍﻟﺘﺮﻭﺍﻳﺢ ﺃﻥ ﻋﻤﺮ – ﺭﺿﻲ ﺍﻟﻠﻪ ﻋﻨﻪ – ﻟﻤﺎ ﺟﻤﻊ ﺍﻟﻨﺎﺱ ﻋﻠﻰ ﺃﺑﻲ ﺑﻦ ﻛﻌﺐ ﻛﺎﻧﺖ ﺻﻼﺗﻬﻢ ﻋﺸﺮﻳﻦ ﺭﻛﻌﺔ . --------------------------------------------------------------------------------- Pakaiza: Tonai wakto a kapsold o katharawi ago andai oras a kapkhaipos iyan? Smbag: anda dn i kitindgn o tao ko sambayang a Eisha sii ko kagagawii na miyapakay dn a tharawi. Aya kapkhada o oras iyan na taman dn sa di pagbangan sa sobo. ------------------------------------------------------------------------------------------ ------------------ PAKAIZA: Andai Sunnah a kakonot sii ko madhab tano a Shafii igira a Ramadan sii ko sambayang a Witir? SMBAG: Aya sunnah a kakonot sii ko madhab a Shafii sii ko witir ko Ramadan na sii ko kalooki ko Ramadan na giyoto i Sunnah a kaphagpoon tano Komonot sii ko witir. Aya maana a lalag na ditano pasin Konot sii ko sambayang a witir sii ko Ramadan sa taman sa di mauma so ikasapolo ago Lima ko Ramadan. Na mauma so ikasapolo ago lima ko Ramadan na giyoto i kaphagpoon tano komonot sii ko witir sa taman dn ko last a witir ko moripori a gawii ko Ramadan. Aya dalil iyan sa hadith na: ﻋﻦ ﺍﻟﺤﺴﻦ ﺃﻥ ﻋﻤﺮ – ﺭﺿﻲ ﺍﻟﻠﻪ ﻋﻨﻪ – ﺟﻤﻊ ﺍﻟﻨﺎﺱ ﻋﻠﻰ " ﺃﺑﻲ ﺑﻦ ﻛﻌﺐ " ﻓﻜﺎﻥ ﻳﺼﻠﻲ ﻟﻬﻢ ﻋﺸﺮﻳﻦ ﺭﻛﻌﺔ ﻭﻻ ﻳﻘﻨﺖ ﺑﻬﻢ ﺇﻻ ﻓﻲ ﺍﻟﻨﺼﻒ ﺍﻟﺜﺎﻧﻲ". ﺭﻭﺍﻩ ﺃﺑﻮ ﺩﺍﻭﺩ Miyakathitayan ko Al-Hasan a mataana so Omar – radhiyallahu anhu- na tinimo iyan so mga tao sii ko Ubay Bin Ka’b, sa piyagimaman siran o Ubay. na aya iptindg iran a tarawi na dowa polo raka-at. Na disiran dn phagpoon komonot sa taman sa di kalooki so Ramadan.” Piyanothol o Abu dawood. ------------------------------------------------------------------------------------------ --- TONAI KOKOMAN O KAPTHAMATA KO QUR-AN SII KO SOLD O SAMBAYANG A TARAWI? Aya kokoman o kapthamata ko Qur-an sii ko sold o sambayang a tarawi na miyaompong so mga ulama ko pat a madhab ko kababaloy niyan a Mustahabb (makallbi). pitharo o Imam Camalodden Ad-dameerie Al-Shafi’i: ﻗﺎﻝ ﺍﻹﻣﺎﻡ ﻛﻤﺎﻝ ﺍﻟﺪﻳﻦ ﺍﻟﺪﻣﻴﺮﻱ ﺍﻟﺸﺎﻓﻌﻲ" :ﻭ ﺧﺘﻢ ﺍﻟﻘﺮﺁﻥ ﻓﻴﻬﺎ – ﺃﻱ ﺻﻼﺓ ﺍﻟﺘﺮﺍﻭﻳﺢ – ﺃﻓﻀﻞ ﻣﻦ ﻗﺮﺍﺀﺓ ﺳﻮﺭﺓ ﺍﻹﺧﻼﺹ". ﺍﻫـ ﺭﺍﺟﻊ ﺍﻟﻨﺠﻢ ﺍﻟﻮﻫﺎﺝ ﻓﻲ ﺷﺮﺡ ﺍﻟﻤﻨﻬﺎﺝ ﺹ 2/311 “So kapthamata ko Qur-an sii ko sold o sambayang a Tarawi na aya makallbi a malai balas a disa ba aya bo a pmbatiyaan na so Surah Al- Ikhlas.” ------------------------------------------------------------------------------------------ --- PAKAIZA: Tonai kokoman o di katharawi o Bai sa Masjid? SMBAG: So katharawi o Bai sii ko walay niyan na mas malai balas adisa Masjid, inontabo oba adn a mapiya a Sabap a iptharawi niyan sa masjid ka di mapiya oba sangkaa sa kasong iyan sa Masjid, ka aya katharo o Nabi (PBUH) na: ﻻ ﺗﻤﻨﻌﻮﺍ ﺇﻣﺎﺀ ﺍﻟﻠﻪ ﻣﺴﺎﺟﺪ ﺍﻟﻠﻪ Maana: “Diniyo phagrna so mga babay ko kapsong iran ko mga Masjid o Allah.” Aya pd a mga Sabap adi mapiya oba tano ron sangkaa so mga bai ko kaptharawi iran ko mga Masjid na isaon a Sabap na so kaphamakin’g iran ko mga bandingan ko agama sa Sold a Masjid, ago so kaphangpd iran ko kapthamata ko Qur-an sa Sold a Masjid sii ko tarawi. Ago aya pd a sabap na opama ko sii siran tharawi sa walay na ptoratodn siran na di kha-focus a Iman iran sii ko sambayang ka sii mapo-focus a Iman iran ko mga TV sa Walay, na o sii siran tharawi sa Masjid a makaoonot siran ko Jama na makakakasag siran go mapo-focus a Iman iran ko sambayang a Tarawi. Na misabap san na mastomo pman a sii siran makatharawi sa masjid a makakakasag siran ago mapo- focus a Iman iran ko Tarawi adisa ba sii siran mitharawi sa walay a kibobokln siran odi na kitotoratodn siran sa katitindg iran sa tarawi sa sold a walay. Sa aya mambo a Sharat anan na adn a pd o bai sa kasong iyan sa Masjid, go marani so masjid a ptharawiya niyan a raks a kasasapngan iyan sa tarotop so Aurat iyan. Wallahu A’lam. ﻭﺻﻠﻰ ﺍﻟﻠﻪ ﻋﻠﻰ ﺳﻴﺪﻧﺎ ﻣﺤﻤﺪ ﻛﻤﺎ ﺫﻛﺮﻩ ﺍﻟﺬﺍﻛﺮﻭﻥ ﻭ ﻏﻔﻞ ﻋﻦ ﺫﻛﺮﻩ ﺍﻟﻐﺎﻓﻠﻮﻥ -1 ﻋﺪﺩ ﺭﻛﻌﺎﺕ ﺻﻼﺓ ﺍﻟﺘﺮﺍﻭﻳﺢ – ﺳﻴﻒ ﺍﻟﻌﺼﺮﻱ -2 ﺻـﻼﺓ ﺍﻟﺘﺮﺍﻭﻳــﺢ - ﺍﻟﺪﻛﺘﻮﺭ ﻋﺒﺪ ﺍﻟﻐﻔـﻮﺭ ﺍﻟﻤﻠﻴﺒﺎﺭﻱ -3 ﺗﺼﺤﻴﺢ ﺣﺪﻳﺚ ﺻﻼﺓ ﺍﻟﺘﺮﺍﻭﻳﺢ ﻋﺸﺮﻳﻦ ﺭﻛﻌﺔ – ﺇﺳﻤﺎﻋﻴﻞ ﺍﻷﻧﺼﺎﺭﻱ