TOTHOLAN A MAKUMPUT KO ABDULLAH BIN OMAR (R.A.) GOSO SAKATAO A ORIPUN. ============================================== Miyaka isa Alongan na pulalakao sa Disiyerto so Abdullah bin Omar (r.a.) pudiyan so sabaad ko mga Sahaba (r.a.) sa liyo a Madinah, kay ko moontod siran a pukhan siran na siyagadan siran o mangoda a phamagonong sa mga kambing na siyalam iyan siran, oriyan oto na petharoon o ibn Omar (r.a.) a Kan a pudiran, maana biyoyo iyan a koman, ogaid na aya inisumbag o mangoda na diiyako a tigiyan Phowasa. . Sabap roo na miyamumusa so ibn Omar (r.a.), sabap ko kitataralo o mayao, opama a tigyan na diika phowasa sangkaiya disiyerto a tonganay puna mayao so klaimit, na diikapun mamagonong sa mga kambing? Oriyan iyan na tipungan o ibn Omar (ra) angkotowa mangoda e tamana kakhasarigiron sa petharo iyanon: badi mapakay a phasai kamingka sa giya mga kambingka? So arga iyan na koangka na bugan amiskapun ko karne (sapo iyan) a mibokangka amay ko somudupa Alongan? Petharo o mangoda: Kunaman obakunai ruk, ka mga kambingai o boss akun, petharoon o ibn Omar (ra): eh ka tharoangkaki ko boss ka akiyana Arimao so isa ko mga kambing iyan. Oriyan oto na kiyararangitan so Mangoda na rakusa phagawaan iyan sirandun a dii manarotaro sa maka ookit sa pasong na rakusa itotoro iyana langit adii niyan tharoon: Katawano Allah? Ogaid na aya siyowa o ibn Omar na phanonggiringan iyan sa punggirao mambo a Katawano Allah, oriyan iyan na miyaka Goraok sa mala so ibn Omar (r.a.). Kay ko makambalingan siran sa Madinah na siyongowan o ibn Omar so Boss angkotowa mangoda (khi-Oripunon) na piyamasa niyanon so Kambing iyan na rakuso Mangoda (Oripun iyan) na piyaka maradika iyan so mangoda, biyaloy niyan a mapiya a tao a miyada sa kababaloy niyan a Oripun. . Miyakanggaya gona ko mangoda so kasasanairon sa moonot ko kaluk iyan ko Allah, miyatagoon so maana o IHSAN a kaphiya-piya sa lagido baniyan pukhailay so Allah sa apiya niyampun di pukhailay na kay mataan a so Allah na Phagilayin iyan. Opama ka khompirun tano sa masa tanowai imanto na sukanoduni matao ron dirogod, na goso sabaad a miya kowa niyorona gona, lagida giyangkotowa kiyapamasa awono ibn Omar (r.a.) sa Lillah, kalaa gagao nago kalaa limo ko lagidiyan a Muslim nago kalaa paratiyaya ko dii kanggastowa ko tamok sa arap-arap ko balas o Allah a Mapiya.