phamakabatal ko puasa

SO PHAMAKABINASA "BATAL" KO POWASA 1.) So Kakan a go Kainom Pitharo o Allah sii sa Hadith Qodsie a miyapanothol o Nabi "saw": ﺍﻟﺼﻴﺎﻡ ﻟﻲ ﻭ ﺃﻧﺎ ﺃﺟﺰﻱ ﺑﻪ، ﺗﺮﻙ ﺷﻬﻮﺗﻪ ﻭ ﻃﻌﺎﻣﻪ ﻣﻦ ﺃﺟﻠﻲ... ﺍﻟﺤﺪﻳﺚ... ﺭﻭﺍﻩ ﺍﻟﺒﺨﺎﺭﻱ ﻭ ﻣﺴﻠﻢ Maana: So dii kapamowasa o Manosiya na rakn oto "a tigo Allah" na go sakn i mbalason, ini tagak yan so Baya a Ginawa niyan a go so Kap'khan yan a go so kaphaginom yan... Piyanothol i Bukhari a go Muslim Go Pitharo iyan sa Qur-an sii ko oriyan o kiyatharoa niyan sa khapakay so dii kanggagalbka o kharomai a go so Kakan na go Kainom sii ko gagawii ko Ramadhan: ﺛﻢ ﺃﺗﻤﻮﺍ ﺍﻟﺼﻴﺎﻡ ﺇﻟﻰ ﺍﻟﻠﻴﻞ... ﺍﻵﻳﺔ... ﺳﻮﺭﺓ ﺍﻟﺒﻘﺮﺓ، ١٨٧ Maana: Oriyan yan na tarutopa niyo so Kaphowasa taman sa Magagawii... Soratol Baqarah, 187 2.) So Kanggagalbkan o Kharomai sii ko Kadawndaw o Ramadhan Na ayadn a Dalil yan na giya miya una anan a mga Dalil... Na giyaya i pinaka Masopiit ko phamakabatal sa Powasa, sabap sa Tanto a margn so Kasalaan yan... Sa Tao a masugok yan anan ko Ramadhan na kataya so mga Shayi a minisugaton: a.) Miyadosa b.) Makaphkiparat "Panulak sa Dusa" na aya Kiparat yan na o Adn a oripn yan na maphaka maradika iyan, na oda a Oripn yan na phamasa sa Oripn na phaka maradikaan yan, na oda na makap'phowasa sa Dowa Ulan ko oriyan o Ramadhan, na odi niyan khagaga na Maphakakan sa N'm pulo "60" katao a Miskin... Miya aloy anan o Nabi "saw" sii ko Hadith a piyanothol i Bukhari ( 1834 ) go si Muslim ( 1111 ) c.) Kap'phowasaan yan dn a angkawto a Dawndaw d.) Khabayadan yan a angkawto a kiyaboka-an yan salakaw pn ko Kiparat yan 3.) So kanggowa sa Pithibaba Pitharo o Nabi "saw": ﻣﻦ ﺫﺭﻋﻪ ﺍﻟﻘﻲﺀ ﻓﻠﻴﺲ ﻋﻠﻴﻪ ﻗﻀﺎﺀ ﻭ ﻣﻦ ﺍﺳﺘﻘﺎﺀ ﻋﻤﺪﺍ ﻓﻠﻴﻘﺾ. ﺭﻭﺍﻩ ﺍﻟﺘﺮﻣﺬﻱ ﻭ ﺃﺑﻮ ﺩﺍﻭﺩ Maana: Sa Tao a makagowa sa di niyan kabaya na da Mabatal so Powasa niyan, na sapman sa Thibaba-an yan so kanggowa na miyabatal so Powasa niyan na khabayadan yan. Piyanuthol i Tirmidhee a go si AbuDaud 4.) So Distros a go so kapaki Uman sa Rugo Aya kokoman anan na lagid bo o Kakan a go Kainom na phakabatal pn sa Powasa... 5.) So Kaliyo o Rugo o Bae sabap sa Haydh "so bisita niyan uman sawlan" odi na sabap sa kambawata Pitharo o Nabi "saw": ﺇﺫﺍ ﺣﺎﺿﺖ ﺍﻟﻤﺮﺃﺓ ﻟﻢ ﺗﺼﻞ ﻭ ﻟﻢ ﺗﺼﻢ... ﺭﻭﺍﻩ ﺍﻟﺒﺨﺎﺭﻱ ﻭ ﻣﺴﻠﻢ Maana: Igira a miya Haydh so Bae na di makap'shambayang na go si makap'phowasa... Piyanothol i Bukhari a go Muslim Na aya mbidaan san o Powasa a go Sambayang na so Babay a mimbawata odi na miya Haydh na di niyan khasambi-an so da niyan kashambayangi, na so Powasa na wajib a kasambi-an yan ko Oriyan o Ramadhan Pitharo o 'A-ishah "ra": ( Inisugo rkami igira miya Haydh kami a kasambii ami ko da ami kaphowasai na go darkami pakisambii so da ami kashambayangi ) ... 6.) So Kapaka liyowa ko Mani sa thibaba-an Aya maana a Mani na so ig o Mama odi na Bae a phliyo sabap ko Babaya! Aya ibarat yan na so kapag Masturebate "Istimna" na Batal anan sa Powasa, mlagid o Lima a inosar yan odi na apiya antonaa dn a kiyasabapan sa kiyapaka liyo o Ig na miyabatal so Powasa niyan na wajib a kasambi-an yan ko oriyan o Ramadhan... ﻭ ﺻﻠﻰ ﺍﻟﻠﻪ ﻭ ﺳﻠﻢ ﻋﻠﻰ ﺭﺳﻮﻝ ﺍﻟﻠﻪ ﻭ ﻋﻠﻰ ﺁﻟﻪ ﻭ ﺻﺤﺒﻪ ﺃﺟﻤﻌﻴﻦ