"PAKAIZA KO MANGA BAE" Kasapung sa awrat

"PAKAIZA KO MANGA BAE" 1. Antonai sabap a khapang-upload iyo sa mga photos a gii kano ron phapa-cute? -para matharo a sukano na matataid ago Cute?? -para mailay a kapoti iyo, katilak ago ka sexy?? -o anta aka para kaispatan ago maka pangakit sa mama?? Miyakasayan mambo sa magazine so facebook o pd ko manga bae imanto, ka langon a poster na khailay ron. Knaoba matag kapmamataid a khailay ron ka bapya so manga awrat o anggawta o lawas o iran na khailay ron. BADI AYABO A PIYAKAY RKANO O AGAMA NA SII KANO BO PMAMATAID KO MANGA KAROMA NIYO. AGO AYABO PN A PHAKAYLAY KO PD KO MANGA AWRAT IYO DATAR O MANGA BOK IYO NA SO BO SO MANGA MAHRAM IYO. na makaliyoliyo ko taw a di niyo Mahram na HARAAM rkano obakano kiran pmamataid ago maki-ilay sa Awrat. Tabiyabo ko manga bae a di ron khi-olawla, na pipic-picture dn dakmar sii babay nga san a gii mmamataid ago pakiilay nyan non pn a sabagi ko awrat iyan na iphang-upload iyan sa internet/facebook. Na langon a kadaklan ko manga mama na phaka-ilay ron, na amay dnai ko gomiraw so mama ka san a myakailay ko picture ka: "titho kadn ko mataid, uhmm miyakapiyapya a sosoltn kanan ka masesexy kawn, zina mataid a kapaka i-smile ka ago gya lipz ka etc..". Na gomiraw mambo si babaynga san a: "salamat ehehe" a mababaya, aya di nyan katawan na pmbastosn o manga mama na gii ron pn mananalamat!! ASTAGFIRULLAH. Aya di nyan katawan na so manga mama a phakailay ron na katatagoan ago makaggdam sa SAHWA babaya "TLA" ko pkaylay nyan a awrat ko bae. Oway dn sa tharoon tapn a knaoba aya Niat kawn na baka phamitna sa Mama, bakapman na-i di zabot a katawan kadn a Haram ago phaka-fitna ka na ipndisplay nga sa Internet i manga Toladan ka a gii phapa Cute ago pkaylay a sabagi ko Awrat kah!!. Aya masakiton sa ginawa babadn so gii niyo kapang-upload sa toladan sa Internet na kasaban sa kakowakowa niyo a diyaman sa intiro a donya. SABAP sa aya uso imanto na EDITING PICTURE, aya man a pikiranga babay ami o adn a mag-upload ko picture ka na go niyan edita na kowa anga niyan sa sapng, gyanan i uso imanto! PIRA-PIRA I MIYAKOWA SAN A DIYAMAN NA ODIKA PANANGGILA BABAY AMI NA BANGA PN NANAYAWA I MAYLAW NGA SO TOLAD KA A BABALOYN A STREAMER A MAKALLKAS, miyakowa a diyaman sabap bo sa toladan a gii nyan ipang-upload sa Internet. KA ADN A TAW A BABALOYN NIYAN A BUSINESS IYAN NA KAPANGMBAAL SA FAKE A FACEBOOK OGAID NA NGARAN KA AGO MANGA TOLADAN KA A KHIPAKALLKAS A MATATAGOON NA ANTONAY PNGGOLAWLAAN KA A LOMIYANGKAP SA INTIRO A DONYA A MANGA TOLADAN KA A EDITED A DA SAPNG IYAN. Astagfirullah... Tabiya bo pn na madakl dn ko manga Bae a sumasayan pn sa artista kono, ayadn a piyananayanan iyan na so idol iyan a Artista, mlagid ko kandiditaran agu hair style etc...a knava iran di katawan a siran(artista) na manga kafir a matatangkd a kaphaka naraka iran. Na aya katharo o Nabi(saws): sa taw a pananayanan iyan so isa a pagtaw na pd kiran. O aya niat iyo ko kaphang-upload iyo sa picture a gii kanu ron phapa-cUte, agu maiilay ron pn a sabagi ko Awrat iyo ka pang-akit na ANGKANU KAISPATI?? Na,.. SO MAMA A MAPIA I PAMIKIRAN NA DI RKANO DN MAKAISPAT KA BARKANO DN KHANGINGIRI AGU KHAGOWAD..SA AYABO A PHAKAISPAT RKANO NA SO DATAR IYO A KORANG I PAMIKIRAN. Aya katharo o Allâh(swt): So manga rurushik a manga Babai na pantag o manga rurushik a manga Mama, Go so manga rurushik a manga Mama na pantag o manga rurushik a manga Babay, Na so manga Soti a manga Babai na pantag o manga Soti a manga Mama, go so manga soti a manga Mama a pantag o manga Soti a manga Babai: Siran man na di masosogat a katharo iran (a kabokhag): adun a bagiyan niran a Ma-ap, go pagupur a mapiya. ( Al-Nur-24:26) KOWA KANO SA BALAS ASSALAMO 'ALAICOM W.W.